سلام عليكم ورحمة الله وبركاته أبغى أستشيركم...

  • بادئ الموضوع بادئ الموضوع Marwan Aljohani
  • تاريخ البدء تاريخ البدء
عرض العطلة
#41
المنطق عندي يقول حاجتين

الاول
تسجيل موقف كما قال الاخ تركي السبيعي

الثاني
ابحث عن محامي وبتلاقي الكثير اللي يبغى مثل هذي المعاملات
واعطيه القصة كاملة وانك سجلت الكلام

تأكد قبل كل شيء ان يسمح لك التسجيل ام
لا
يمكن تتضرر انت بالتسجيل ويكون عليك مو لك

لو انا مكانك بشتكي وما اخليها تروح سلامات

وتكفى اشتكي واعطينا الاخبار
 
#42
شوف اذا بترفع قضية ماراح تأخذ شي من الحين اقولك بالعكس راح تدفع وتدفع وتضبط جدول للدراسة وجدول للمحامي والمحكمة والرد والاخذ ونهاية الموضوع يجيك ايميل اعتذار وكوبون من البنك تخفيض ١٪‏ على مشترياتك من ول مارت

انت شوف الطلاب اللي تكنسلت فيزهم وتعرف انك الحلقة الأضعف واللي يمشي على مبدأ اخذ حقه بدق خشوم ماهوب نافعك ولا دافع لك دولار تعطيه للمحامي ولا رايح بدالك اذا جا موعد محكمة وانت بتسافر او بترجع للسعودية .. تبي زيادة تاكيد دق على الملحقية وقلهم اللي صار وشف وش بيقولون لك بيقولون فتحو لك حساب خلاص؟ تعوذ من ابليس والحمد لله

بس لا ترضى ان التهمه تثبت عليك وهالشي يتم بايميل للبنك وإبلاغ الجهه اللي أصدرت لك الايتوني والله يوفقك
 
#44
دام فتحت حاب وبالبنك اللي انت تبيه، اترك عنك الشيل والحط اريح لمخك.
انت المفروض طالب علم ومخك اكبر من هالخرابيط والمطالب.
هذا رأي الشخصي وانت لك حرية التصرف
 
عرض العطلة
#46
اسمع أنا أعطيك أحسن حل هو انك تكلم CAIR الحمعية الاسلامية الاأمريكية هم يسجلون كل أحداث عنصرية ويتابعوا وعندهم محامي وييهتموا بالملسمين حتى لو كانوا طلاب زينا. وهم مؤسسة اسلامية معروفة. وأنا لو مكانك طبعا راح أشتكي وخصوصا التسجيل عندك. وقانون التسجيل يختلف من ولاية للأخرى, في كاليفورنيا وأمريكا عندهم قانون " one-party consent" ييعني اذا انت طرف في المحادثة يحق لك التسجيل حتى لو الآخر مايعرف. وهنا القانون مكتوب /New York Recording Law | Digital Media Law Project وهذا موقع https://www.cair.com/ تواصل معهم لهم فروع بكذا ولاية. وحتى أون لاين وهم راح يفيدوك بكل شئ. لاتسكت عن العنصرية . وعلى فكرة محامي CAIR مجاني. وهم وقفوا مع قضية السعودي الطالب اللي انقتل الله يرحمه وماعرفوا من القاتل للآن. وحطوا مبلغ بالآلاف لأي أحد يدلي بمعلومات عن القاتل في ويسكانسون وهم يسجلوا كل حالات التطرف والعنصرية ضد المسلمين.
 
#47
اللي يقارن هالوضع بالفيزا ويتكلم انه مالنا حق واحنا ضعفاء بهابلد..والله لو الأمريكان يقرأوا عربي كان عملوا أفضع من كذا ليش هالتهاون بالحق. أولا الفيزا وضع مختلف لأن في المطارات يطبق قانون Patriot Act وهالقانون على الكل حتى الأمريكان وفيه تشديد ويرضوه مثلا مصادرة الجهاز اللاب توب ومرات مايرحعونه حتى..هذي كلها بالمطار فقط!! القانون داخل البلد مايسمح انه يشوفك شرطي بالشارع ويقول هات جوالك ولا لاب توبك. وضح الفرق؟ طبعا الا في حالة طبقوا قانون stop and frisk وهو يحق لأي شرطي يوقفك ويفتش.. لكن حاليا هالقانون وقفوه من كم سنة بنويورك. المقصد , انه مطالبة بحقك هي شئ طبيعي!
 
#50
اسمع يالغالي وحده من ثنتين يا انك تروح ترفع قضية وانت مشغل ما خذ حقه بحب خشوم اخذ حقه بدق خشوم ..

يا انك تسف اللي ماعندهم الا الطقاع في الفيس بوك ..
واذا جا الجد واحتك عود بعود وصارت لك مشكلة أقصى شي يعطون مشكلتك ريتويت في تويتر..

امريكا ولو ادعت المثالية وحماية الحقوق فهي كاذبه وهذا رأي عالمي من بعد احداث أبو غريب فقدت امريكا مكانتها كدولة تحمي الحريات وتطبق القيم الاخلاقية بدال التفكير البراغماتي .. عموما القانون اللي تكلمت عنه الأخت وجابت رد محامي وخرابيط ما فاد حميدان التركي ( الله يفك عوقه ) يومه فاهم القانون ويحاجهم فيه لفقو له قضية .. تعوذ من ابليس وعبر عن شكواك للبنك وبلغ الجامعه وقل يالله السلامه ، والله اني اعرف واحد ألغوا فيزته التوتر حقه بلغ عنه يوم شيكوا على الفيس بوك لقوا بوست من كم سنه يدعم ادعاء التوتر وضاعت سنه ونص من عمره ، الحين حنا في بيئة تفكيرك محفوظ عن طريق بحثك في السوشل ميديا وقوقل وغيرها والاشياء لو طاحت بواحد يبيلك الشر ضبط عليك فلم

حفظك الله
 
عرض العطلة
#51
امريكا دوله تتصنع العدل والمساواه والحريات لكن ف الحقيقه تخفي وجهها القبيح والامريكان نفسهم يدركون هالحقيقه اكثر من اي شخص اجنبي يتغنى بشعاراتهم الزائفه. اقسم بالله نلنا الفاظ عنصريه وتعامل سيء لكن ف النهايه انا ماني اول ولا اخر وحده انال هالشي. ركز ع دراستك وسيبك منهم ، الحين جاي ترامب وراح يظهر وجه عنصريتهم القبيحه اكثر. واذا لقيت نفسك فيك طول بال ع محاكمهم وزحمتهم اسال الملحقيه اول اذا تدفع تكاليف المحامي او لا.
 
#52
زي ماذكر الاخوان رفع قضية بتدخل في متاهات وبتاخذ وقت واثباتات وحوسة
لكن انت ممكن تكتفي بذكر اللي حصل في استبانة البنك او في شكوى للبنك نفسه وتذكر اسم الموظفه ممكن تأثر في تقييم خدمتها وقد يوصلك اعتذار منهم
 
#53
كفو ووفو الأخوان والأخوات فوق وانصحك تتواصل ب CAIR نفس ما تفضلت الاخت فوق. ضحكتني والله يوم تقول عندنا غسيل اموال كثير ما شافت تاريخ امريكا
 
#55
وانا اخوك دامك طلعت البطاقة وصارت معك فريح راسك وادرس وتخرج وتراها مدة وترجع للسعوديه فلا تدخل في متاهات وكلام كثير ونصيحة انسى الموضوع وركز على الدراسه والله يوفقنا واياك يارب
 
عرض العطلة
#56
انا اعطيك حلين سهلين اول شي ارجع لهاواول ماتدخل قول لها انتي وش اسمك الكامل وخذ بطاقتها وقول شوفي ترا فتحت نفس البنك ومحد تعنصر ضدي مثلك .. وابغا اكلم المنجر حقك الحين وروح كلمه وسجل كلامكم بعد احتياط اذا مارضى يساعدك قول له وانت طالع ع فكره انا مسجل كلامك لي ومسجل كلامها وهي تتعنصر ضدي ... وبرضو دق ع الشركه نفسها وسجل شكوى ضدها
 
#57
للاسف الأشكال هده موجودة في كل مكان وأحسن طريقة من وجهة نظري هي ان تدخل على حساب تويتر حق البنك و الفورم حق الكستومر سيرفيس حق البنك وتكتب شكوتك بلهجة مهذبة وبلغة انجليزية منمّقة توضح فيها بأنك تأثرت نفسيا و معنويا من تصرف الموظفة العنصري مع ذكر اليوم والتاريخ والوقت والفرع لكن من غير ذكر اسمها او وضع الحرف الاول من اسمها الاول والأخير او ذكر انك حفظا الخصوصية انك ستفصح بالاسم لصاحب الشأن فقط وذكر انك ترغب باعتذار رسمي وضمان عدم تكرار مثل هذا التصرف الفردي ورد اعتبار. حاول تذكر انه هدا التصرف ينعكس على سمعة البنك ويؤدي الى عزوف الطلاب السعوديين عن فتح حساباتهم مع البنك وهم يشكلون شريحة كبيرة من الطلاب الأجانب .
لا تكبر الموضوع ولا تذكر موضوع التسجيل حتى لا تدخل في أمور معقدة قد تضرك و ان كنت لابد فاعلا فاسأل أهل العلم في الامر وحبذا من نفس الولاية لاختلاف القوانين من ولاية لولاية اخرى
موفق
 
عرض العطلة
عرض العطلة
أعلى أسفل
عودة
قائمة