T
Travel Secrets
:: مسافر ::
بعيد عن الهري اللي في الكليب ده ( بس بجد مضحك موت 
) المشكله ان فيه مدام راوية في كل مصلحة حكومية ,بتتلذذ بتعذيب المواطن الغلبان في المصالح الحكومية , بس خدوا مني الخلاصة في موضوع شهادة التحركات :
• هي ايه أصلا شهادة التحركات ؟
الورقه دي بيتم طلبها في بعض السفارات لو بتقدم على فيزا مع العلم انها غير مهمه تماما و ممكن تاخد الفيزا بدونها عادي طالما سافرت أي مكان قبل كده . و فيه بعض الجهات المحليه ممكن تطلبها كمان
• بطلعها منين ؟
مجمع التحرير : الدور الارضي اول ما تدخل المجمع تتجه الى الممر على اليمين حتى اخره حتلاقيه على الشمال مكون من ثلاث شبابيك للخدمة
• أروح امتى ؟
تروح قبل 12 الظهر و أوعى تروح بعد 1 الظهر
• ايه الأوراق المطاوبه لاستخراجه ؟
صورة بطاقة الرقم القومي
صورة أول صفحة في الباسبور اللي فيها صورتك
الاستماره ببلاش بس تفهم انت عاوز شهادة التحركات ليه
خد معاك قلم جاف
10 جنيه احتياطي
خلي معاك أصل بطاقة الرقم القومي و أصل الباسبور بردو احتياطي
• طيب الخطوات ايه ؟
حتاخد الاستماره و تملاها و تسلمها مع صورة البطاقة و الباسبور و نص جنيه في الشباك الأول
• حتنقلك للشباك التاني و تدفع 6 جنيه
حتستنى شويه في الزحمه و يسلمك ايصال بموعد الاستلام
• طيب حستلمها امتى ؟
للسفارات ممكن من أسبوع الى اسبوعين , و للاستخدام المحلي ممكن تاني يوم
• حستلمها ازاي ؟
حتروح بعد الساعه واحده للشباك التالت اللي أخدت منه الوصل و تديله الوصل و تاخد الشهاده , اهم حاجه تراحع البيانات اللي عليها كويس قبل ما تمشي , و مبروك عليك أحلى شهادة تخرج ,,,, أقصد شهادة تحركات
By: Bahaa
#شهادة_التحركات #travel_secrets
) المشكله ان فيه مدام راوية في كل مصلحة حكومية ,بتتلذذ بتعذيب المواطن الغلبان في المصالح الحكومية , بس خدوا مني الخلاصة في موضوع شهادة التحركات :• هي ايه أصلا شهادة التحركات ؟
الورقه دي بيتم طلبها في بعض السفارات لو بتقدم على فيزا مع العلم انها غير مهمه تماما و ممكن تاخد الفيزا بدونها عادي طالما سافرت أي مكان قبل كده . و فيه بعض الجهات المحليه ممكن تطلبها كمان
• بطلعها منين ؟
مجمع التحرير : الدور الارضي اول ما تدخل المجمع تتجه الى الممر على اليمين حتى اخره حتلاقيه على الشمال مكون من ثلاث شبابيك للخدمة
• أروح امتى ؟
تروح قبل 12 الظهر و أوعى تروح بعد 1 الظهر
• ايه الأوراق المطاوبه لاستخراجه ؟
صورة بطاقة الرقم القومي
صورة أول صفحة في الباسبور اللي فيها صورتك
الاستماره ببلاش بس تفهم انت عاوز شهادة التحركات ليه
خد معاك قلم جاف
10 جنيه احتياطي
خلي معاك أصل بطاقة الرقم القومي و أصل الباسبور بردو احتياطي
• طيب الخطوات ايه ؟
حتاخد الاستماره و تملاها و تسلمها مع صورة البطاقة و الباسبور و نص جنيه في الشباك الأول
• حتنقلك للشباك التاني و تدفع 6 جنيه
حتستنى شويه في الزحمه و يسلمك ايصال بموعد الاستلام
• طيب حستلمها امتى ؟
للسفارات ممكن من أسبوع الى اسبوعين , و للاستخدام المحلي ممكن تاني يوم
• حستلمها ازاي ؟
حتروح بعد الساعه واحده للشباك التالت اللي أخدت منه الوصل و تديله الوصل و تاخد الشهاده , اهم حاجه تراحع البيانات اللي عليها كويس قبل ما تمشي , و مبروك عليك أحلى شهادة تخرج ,,,, أقصد شهادة تحركات
By: Bahaa
#شهادة_التحركات #travel_secrets