H
Hanady Abojareda
:: مسافر ::
مساء الخير
بما إنكم تحكو في مواقف صارت معاكم في الغربه بنحكيلكم شن صار معاي
سنة 2010-2011 سافرت لبريطانية طبعا اول مرة نسافر بروحي مش معاي حد كنت ماشية لي خالتي مقيمة غادي وعلى اساس بنقعد معها وبنقرا غادي طبعا اول موقف عبيط صار معاي في المطار لما نزلت
لاني اول مرة نمشي لي بريطانيه ومش زابطة شي قلت نشبح الناس شنو يديرو وندير زيهم حتى اني ههههههه شفتهم قبل مايمشو للسير باش ياخدو شناطيهم يجيبو في باسكت قلت خلي نمشي حتى اني وادا بِه ياحنى انا نتل نشح وهيا ماتبيش تنفك ونشح اكتر ماتبيش تنفك معاي جي متع الامن قالي نساعدك في شي قتله لا اوكي تو نجبدها بروحي قالي لا مش هكي تاخديها قتله كيف طلع باوند من جيبه وحطه من جنب في سله انفكت اني لحظتها حسّيت روحي عبيطه كاني بدويه في مطار مانشستر انا نحسابها رزينه ولاصقه في سلات تانيه وهيا ماتطلعلكش السله الا لما تحطيلها باوند تلفتت لقيت ناس هلبا تراجي وراي وتشبحلي كيف كنت نجاهد ونتل في هديكا السله
بما إنكم تحكو في مواقف صارت معاكم في الغربه بنحكيلكم شن صار معاي
سنة 2010-2011 سافرت لبريطانية طبعا اول مرة نسافر بروحي مش معاي حد كنت ماشية لي خالتي مقيمة غادي وعلى اساس بنقعد معها وبنقرا غادي طبعا اول موقف عبيط صار معاي في المطار لما نزلت
لاني اول مرة نمشي لي بريطانيه ومش زابطة شي قلت نشبح الناس شنو يديرو وندير زيهم حتى اني ههههههه شفتهم قبل مايمشو للسير باش ياخدو شناطيهم يجيبو في باسكت قلت خلي نمشي حتى اني وادا بِه ياحنى انا نتل نشح وهيا ماتبيش تنفك ونشح اكتر ماتبيش تنفك معاي جي متع الامن قالي نساعدك في شي قتله لا اوكي تو نجبدها بروحي قالي لا مش هكي تاخديها قتله كيف طلع باوند من جيبه وحطه من جنب في سله انفكت اني لحظتها حسّيت روحي عبيطه كاني بدويه في مطار مانشستر انا نحسابها رزينه ولاصقه في سلات تانيه وهيا ماتطلعلكش السله الا لما تحطيلها باوند تلفتت لقيت ناس هلبا تراجي وراي وتشبحلي كيف كنت نجاهد ونتل في هديكا السله
