T
Travel Secrets
:: مسافر ::
هو الواحد ممكن يسافر المالديف طيران و فنادق و انتقالات و فطار كمان ب 4000 جنيه بس !!
معروف ان جزر المالديف من اغلي الأماكن السياحية في العالم.. ان لم تكن اغلاها علي الإطلاق.. , و لكن ازاي نطلع رحلة للمالديف متكلفناش اكتر من 4000 جنيه للفرد .... ؟
الحل هو الجزر المحلية السياحية
ايه بقي حكاية الجزر المحلية دي؟
الجزر في المالديف كذا نوع , جزر عليها ريزورت فخمه جدا و دي اشترتها فنادق عالميه و سعر الليله فيها ممكن يوصل ل 12 الف دولار , و فيه جزر سكنيه و دي اللي عايش عليها أهل البلد و غالبا بتكون مهملة شويه, و في جزر غير مؤهوله تماما و دي تصلح لرحلات اليوم الواحد , و فيه الجزر المحلية السياحيه و هي دي اللي احنا عايزينها ,
الجزر المحليه دي جزر اهلية برضه.. عايش فيها ناس.. بس الطبيعة حوليها حلوة جدا والشاطئ بتاعها جميل.. وقريبة من مناطق الغطس والـsnorkeling ومن المنتجعات والجزر الغير مأهولة.. فبدأ يظهر عليها واحدة واحدة نوع من الفنادق او النزل اسمه guest houses.. سعرها رخيص جدا مقارنة بالفنادق والمنتجعات.. ابتدت تتعرف وابتدا الناس الرحالة دول يجولها من اوروبا وامريكا.. وبالتالي ابتدت تتطور اكتر وتنتشر فى اماكن كتير في المالديف..
في الجزر السياحية دى ممكن تلاقي غرفه بالفطار ب35 دولار فى الليلة.. وممكن توصل لحد 150 دولار برضه لو عايز حاجة فخمة شوية.. وحتلاقي رحلات excursion تشوف فيها درافيل وسلاحف وسمك قرش و تسبح معاهم كمان وتعمل snorkeling ب45 دولار مثلا او اقل.. بينما في المنتجعات حيطلعك تشوف نفس الدرافيل و لكن ب100 دولار.. من الجزر السياحية دي ممكن تطلع رحلة صيد سمك في الغروب او تروح تقضي يوم فى منتجع فخم قريب day use شامل الغدا ب100 دولار او تحضر حفلة مسائية فى منتجع.. او تطلع تقضي يوم في جزيرة غير مأهولة و لو حظك حلو ممكن تكون عليها لوحدك مع مراتك
و مش حتكلفك اكتر من 20 دولار .. باختصار الجزر السياحية دي فيها حاجات كتير ممكن تتعمل اكتر من المنتجعات وارخص بكتير , و بليل الشاطئ كله بيكون مطاعم open air على البحر و ممكن تتعشى عشاء رومانسي على ضوء الشموع و العشا بيكون اكلة سمك معتبره و مش حتكلفك اكتر من 50 جنيه للفرد .
طيب ازاي توصل للجزر دي؟
كل الجزر دي قريبة نسبياً من العاصمة وفيه عبارة عمومية public ferry بتروح هناك مرة او مرتين يومياً بحوالي 2 دولار وبتاخد حوالي ساعة ونص او ساعتين حسب الجزيرة.. و تقدر تعرف مواعيد الفيري من موقع https://www.mtcc.com.mv/content/rashu-link , او ممكن تاخد لانش سريع بياخد بتاع نص ساعة وبيطلع حوالي 4 مرات في اليوم وسعره حوالي 25 دولار للفرد جسب الجزيرة برضه
من اشهر الجزر دي حاليا Maafushi, Gulhi, Guraidhoo, Huraa, Thulusdhoo, وغيرها
سعر تذكرة الطيران على فلاي دبي بسعر 3323 جنيه و تقدر تحجز 4 ليالي في فندق Venturo Maldives و ده حيكلفنا الغرفة المزدوجه بالضرائب و الفطار و الانتقالات 1360 جنيه للفردين , يعني الفرد 680 جنيه + 3323 طيران = 4000 جنيه
الحلو بقى ان المالديف مش محتاجه فيزا مسبقه و الفيزا بتاخدها عند الوصول و ببلااااش و كمان مش محتاجه تصريح أمني , يعني تقدر تحضر شنطتك و تطلع من بكره , مستني ايه اتجنن و سافر
By: Muhammad El-Hawary & Bahaa
#سافر_ المالديف
#سياحة_رخيصة
#travel_secrets
معروف ان جزر المالديف من اغلي الأماكن السياحية في العالم.. ان لم تكن اغلاها علي الإطلاق.. , و لكن ازاي نطلع رحلة للمالديف متكلفناش اكتر من 4000 جنيه للفرد .... ؟
الحل هو الجزر المحلية السياحية
ايه بقي حكاية الجزر المحلية دي؟
الجزر في المالديف كذا نوع , جزر عليها ريزورت فخمه جدا و دي اشترتها فنادق عالميه و سعر الليله فيها ممكن يوصل ل 12 الف دولار , و فيه جزر سكنيه و دي اللي عايش عليها أهل البلد و غالبا بتكون مهملة شويه, و في جزر غير مؤهوله تماما و دي تصلح لرحلات اليوم الواحد , و فيه الجزر المحلية السياحيه و هي دي اللي احنا عايزينها ,
الجزر المحليه دي جزر اهلية برضه.. عايش فيها ناس.. بس الطبيعة حوليها حلوة جدا والشاطئ بتاعها جميل.. وقريبة من مناطق الغطس والـsnorkeling ومن المنتجعات والجزر الغير مأهولة.. فبدأ يظهر عليها واحدة واحدة نوع من الفنادق او النزل اسمه guest houses.. سعرها رخيص جدا مقارنة بالفنادق والمنتجعات.. ابتدت تتعرف وابتدا الناس الرحالة دول يجولها من اوروبا وامريكا.. وبالتالي ابتدت تتطور اكتر وتنتشر فى اماكن كتير في المالديف..
في الجزر السياحية دى ممكن تلاقي غرفه بالفطار ب35 دولار فى الليلة.. وممكن توصل لحد 150 دولار برضه لو عايز حاجة فخمة شوية.. وحتلاقي رحلات excursion تشوف فيها درافيل وسلاحف وسمك قرش و تسبح معاهم كمان وتعمل snorkeling ب45 دولار مثلا او اقل.. بينما في المنتجعات حيطلعك تشوف نفس الدرافيل و لكن ب100 دولار.. من الجزر السياحية دي ممكن تطلع رحلة صيد سمك في الغروب او تروح تقضي يوم فى منتجع فخم قريب day use شامل الغدا ب100 دولار او تحضر حفلة مسائية فى منتجع.. او تطلع تقضي يوم في جزيرة غير مأهولة و لو حظك حلو ممكن تكون عليها لوحدك مع مراتك
و مش حتكلفك اكتر من 20 دولار .. باختصار الجزر السياحية دي فيها حاجات كتير ممكن تتعمل اكتر من المنتجعات وارخص بكتير , و بليل الشاطئ كله بيكون مطاعم open air على البحر و ممكن تتعشى عشاء رومانسي على ضوء الشموع و العشا بيكون اكلة سمك معتبره و مش حتكلفك اكتر من 50 جنيه للفرد . طيب ازاي توصل للجزر دي؟
كل الجزر دي قريبة نسبياً من العاصمة وفيه عبارة عمومية public ferry بتروح هناك مرة او مرتين يومياً بحوالي 2 دولار وبتاخد حوالي ساعة ونص او ساعتين حسب الجزيرة.. و تقدر تعرف مواعيد الفيري من موقع https://www.mtcc.com.mv/content/rashu-link , او ممكن تاخد لانش سريع بياخد بتاع نص ساعة وبيطلع حوالي 4 مرات في اليوم وسعره حوالي 25 دولار للفرد جسب الجزيرة برضه
من اشهر الجزر دي حاليا Maafushi, Gulhi, Guraidhoo, Huraa, Thulusdhoo, وغيرها
سعر تذكرة الطيران على فلاي دبي بسعر 3323 جنيه و تقدر تحجز 4 ليالي في فندق Venturo Maldives و ده حيكلفنا الغرفة المزدوجه بالضرائب و الفطار و الانتقالات 1360 جنيه للفردين , يعني الفرد 680 جنيه + 3323 طيران = 4000 جنيه
الحلو بقى ان المالديف مش محتاجه فيزا مسبقه و الفيزا بتاخدها عند الوصول و ببلااااش و كمان مش محتاجه تصريح أمني , يعني تقدر تحضر شنطتك و تطلع من بكره , مستني ايه اتجنن و سافر
By: Muhammad El-Hawary & Bahaa
#سافر_ المالديف
#سياحة_رخيصة
#travel_secrets
