D
D Entist Beltamar
:: مسافر ::
السلام عليكم
اولا مكنتش نعرف قوانين القروب فمسحت المنشور الي فات
اليوم نبي نحكيلكم موقف صار معايا ايام القراية
فيها جو ان تجرب تخدم في الغربة واطلع مصروفك خصوصا لما صكروا الحوالات في 2014
مش عارف من وين نبدا بس الخلاصة ان جت فترة عن طريق واحد قريبي تعرفت علي تجار الحمام في ليبيا وقعدت نصدر في انواع الحمام المرغوب في ليبيا وطبعا للناس الي متفهمش فيه في هواه ترباي الحمام الي مرات يوصل أسعار فلكية مكنتش نعرفها الا لما تعرفت علي التجار المهم الحكاية بدت مع بداية تصكيرة كل حاجة في ليبيا وحرق مطار طرابلس الي كان يوصله الشحن وتصديره الحوالات في ليبيا وفي شهر 10 بالذات كانت الحكاية خريف وفي دفعتين حمام جاهزات للتصدير وحدة من أوكرانيا للكويت ووحدة لليبيا بس عشان المطار كان كيف محروق وشركات الطياران وقفت رحلاتها لليبيا فكانت رحلة ليبيا تحولت لتونس المهم الجو كان نزيك والدنيا صقع متاع خريف ومكان الحمام يبعد 550 كيلو متر علي مطار باريسبول كييف عاصمة أوكرانيا فلذالك كان التحدي نقل الحمام بالسيارة لمستودع الشحن وبعد تمينا كل الاوراق والشهادات واجراءات الشحن وحجزنا موعد الشحن اسقدت انا وصديقي الاوكراني صاحب الحمام الي المطار الساعة 2 في اليل وضروري ساعة 9 الصبح نكونو ناهين كل حاجة طبعا اول مطب الجي بي آس ودرنا وخششنا 20 كيلو في المزارع بداية نزيكة قعدنا ساعة في طريق زراعية وبعد طلعنا علي الرئيسي تبدأ مطر غزيرة وانا كنت حاط قفص الحمام في الكرسي الوراني دلع المهم النفس متاع الحمام مخلي القزاز ضباب والرؤية معدومة ولما ولعت المسحات طلعن منتهيات ويبن تغيير وقريب ساعة ونص من المعاناه وصلنا للشيل وخيرتهن بس كانت المطر موقفة وكل منفتح الروشن نصقع ونخاف ع الحمام نصكر الروية تنعدم هههه وبعد كل هالمعاناه وصلنا بعد 6 ساعات وتعبني الاوكراني سيارته رنج وتشليط راح مني مرتين طبعا الحمام تبهدل وعدا للأردن وبعدها تونس وبعدها الابرق وبعدها بنغازي وكانت الضحية 5حمامات شهداء الطيارة ومتاع الكويت مدلع وصل دغري
طبعا قبل هذا كله فيلم بروحه صار في البنك خشيت عليهم جايتني حوالات من كويت وألمانيا وتونس بمبلغ كان مش متوفر دزو معايا حرسات لبنك أوكرانيا المركزي حسيت روحي صخصية
الرحلة هذي بالذات صارت مواقف واجد بكل حاولت نلخصها علي قد منقدر وفي الصور واضح المشية كان جو سمح لاكن رحلة اليل مش حننساها بكل والصورة الي في للشيل واضح ضباب هالقزار من نفس الحمام
اولا مكنتش نعرف قوانين القروب فمسحت المنشور الي فات
اليوم نبي نحكيلكم موقف صار معايا ايام القراية
فيها جو ان تجرب تخدم في الغربة واطلع مصروفك خصوصا لما صكروا الحوالات في 2014
مش عارف من وين نبدا بس الخلاصة ان جت فترة عن طريق واحد قريبي تعرفت علي تجار الحمام في ليبيا وقعدت نصدر في انواع الحمام المرغوب في ليبيا وطبعا للناس الي متفهمش فيه في هواه ترباي الحمام الي مرات يوصل أسعار فلكية مكنتش نعرفها الا لما تعرفت علي التجار المهم الحكاية بدت مع بداية تصكيرة كل حاجة في ليبيا وحرق مطار طرابلس الي كان يوصله الشحن وتصديره الحوالات في ليبيا وفي شهر 10 بالذات كانت الحكاية خريف وفي دفعتين حمام جاهزات للتصدير وحدة من أوكرانيا للكويت ووحدة لليبيا بس عشان المطار كان كيف محروق وشركات الطياران وقفت رحلاتها لليبيا فكانت رحلة ليبيا تحولت لتونس المهم الجو كان نزيك والدنيا صقع متاع خريف ومكان الحمام يبعد 550 كيلو متر علي مطار باريسبول كييف عاصمة أوكرانيا فلذالك كان التحدي نقل الحمام بالسيارة لمستودع الشحن وبعد تمينا كل الاوراق والشهادات واجراءات الشحن وحجزنا موعد الشحن اسقدت انا وصديقي الاوكراني صاحب الحمام الي المطار الساعة 2 في اليل وضروري ساعة 9 الصبح نكونو ناهين كل حاجة طبعا اول مطب الجي بي آس ودرنا وخششنا 20 كيلو في المزارع بداية نزيكة قعدنا ساعة في طريق زراعية وبعد طلعنا علي الرئيسي تبدأ مطر غزيرة وانا كنت حاط قفص الحمام في الكرسي الوراني دلع المهم النفس متاع الحمام مخلي القزاز ضباب والرؤية معدومة ولما ولعت المسحات طلعن منتهيات ويبن تغيير وقريب ساعة ونص من المعاناه وصلنا للشيل وخيرتهن بس كانت المطر موقفة وكل منفتح الروشن نصقع ونخاف ع الحمام نصكر الروية تنعدم هههه وبعد كل هالمعاناه وصلنا بعد 6 ساعات وتعبني الاوكراني سيارته رنج وتشليط راح مني مرتين طبعا الحمام تبهدل وعدا للأردن وبعدها تونس وبعدها الابرق وبعدها بنغازي وكانت الضحية 5حمامات شهداء الطيارة ومتاع الكويت مدلع وصل دغري
طبعا قبل هذا كله فيلم بروحه صار في البنك خشيت عليهم جايتني حوالات من كويت وألمانيا وتونس بمبلغ كان مش متوفر دزو معايا حرسات لبنك أوكرانيا المركزي حسيت روحي صخصية
الرحلة هذي بالذات صارت مواقف واجد بكل حاولت نلخصها علي قد منقدر وفي الصور واضح المشية كان جو سمح لاكن رحلة اليل مش حننساها بكل والصورة الي في للشيل واضح ضباب هالقزار من نفس الحمام