#موقف_طريف مرة كنت في رحلة بالليبية .. طبعا...

  • بادئ الموضوع بادئ الموضوع Iman Hassan
  • تاريخ البدء تاريخ البدء
عرض العطلة
I

Iman Hassan

:: مسافر ::
#1
#موقف_طريف

مرة كنت في رحلة بالليبية .. طبعا كالعادة رحلاتها ديما متأخرة بعد معاناة من التأخير و الانتظار اخيرا ركبنا الطيارة و لما جت الطيارة عند الرن وي و انخفضت الانوار واستعدت للانطلاق
طبعا في اللحظة هذي ديما الركاب يكونو هادييييين و علي اعصابهم كان وشوشت يسمعوك كلهم .. المهم كان في مجموعة شباب راكبين في المقاعد الاخيرة كلهم قالو للكابتن بصوت عاااالي (متعهااااا .. متعهااااا )
وقتها الركاب والطاقم كلنا طربقنا من الضحك
حتى الكابتن سمعهم
بس الحمدلله عدت علي خير و ما متعش الطيارة
15894952_10206210222094373_8429081021530665008_n.jpg
 
#5
خطرتي عليا موقف صار سنوات اللي فاتن كان وقتها ماليش فتره نازل فيديو لطياره ليبيه صار فيها مشاكل و ما قبل حوتها هبطت بسلام وكان الفيديو كله صوت عياط الناس و بعدين ف حد منهم تمه يكبر و فجأه هديوا وتموا يكبروا وراه
ما نعرفش كان شايفين الفيديو والا لا
المهم وقتها كنا مروحين من تونس و كان في مطبات هوائيه و نحنا قريب نهبطوا عادي مافي مشكله تمشي
بس اللي صار مجموعه شباب راكبين ف الخلف وكان الكرسي اللي قدامهم مراه كبيره ف
العمر طبعا ما نعرفش كيف شباب خطر عليهم يعاودوا مرقف امتاع الطياره اللي ف الفيديو و بدوا يعيطوا و واحد منهم داير روحه يهدي فيهم و ناس ارتبكوا شويه بس العزوز اللي قدامهم رعشت رعشه مسكينه قريب راحت فيها وشكلها اول مره تركب طياره وما عندهش فكره ع مطبات وعلي ما حاولوا يهدوا فيها و يقولولها راه نبصروا ما بتش تصدق مسكينه والله قريب راحت فيها جد
 
عرض العطلة
عرض العطلة
#11
حلو لما يكونوا في ناس جوها حلو راكبين معاك
زمان كانت الطياره لما تنزل يصفقوا لكن اعتقد توا معش يديرو فيها والا
 
عرض العطلة
عرض العطلة
أعلى أسفل
عودة
قائمة