A
Ali Fakree Eldin ElSallabi
:: مسافر ::
#قصة_ما_قبل_النوم
مدينه كولن في المانيا 2014
طبعا نحنا كعرب او ك ليببين عندنا شئ ثابت ومولود معانا منذ الصغر ان مفيش حد ايقدملنا الخير من غير سبب
يعني اي واحد بيجي ايساعدنا دغري نضربو النقص وانحسوه بينصب علينا وبياخذ كل الفلوس الي معانا خصوصا برا بلادنا
المهم كانت الدنيا تمطر في شهر 8 في المانيا
وكنت ماشي انا وادم صاحبي لمعرض العاب مشهور اسمه gamescom ينزلن فيه جميع العاب الفيديو والبلايستيشن قبل مينزلن في السوق
طلعنا من الهوتيل وكانت الدنيا تمطر بغزاره
ادم قالي تعال انتمشو لعند مكان الحافلات
وانا قتله لايمكن في المطر القويه هذي
المهم قعدنا انتناقشو وادم ايقولي هيا حنتاخرو علمعرض
وانا انقوله راجي المطر اتوقف
ونحنا انتناقشو
طلع شاب طويل من الهوتيل ومعاه واحد صاحبه
وسمعنا نحكو علي الgamescom
يحت فينا ودوالنا بالالماني قلناله نحكو انجليزي
فسألنا بالانجليزي
لو تبو تمشو للجايمزكوم ممكن ناخذكم معايا ..
انا دغري ضرب فيا عرق الليبين وضربت النقص علي طول وقلت في راسي اكيد يبينا ناخذو معاه تاكسي وانقسمو فلوسه
فقتله بكل تفشيك وعنطزه
No thanks لا شكرا
وبعدها رديت نحكي مع ادم والشاب مزال مصبي وجت درست قدامه سياره مرسيدس بينز اخر موديل 2014 بالسواقه بتاعها بككل
وفتح الباب وبحت فينا بنظره اخيره وقالننا
متاكدين متبوش اتعدو معايا ؟
طبعا نحنا بعد محقينا المرسيدس استكينا وانفجعنا وجينا ركبنا معاه بسرعه البرق #مصلحجيين_درجه_اولي
المهم وصلنا لعند المعرض والراجل مقاللنش نبي منكم فلوس ولا اي حاجه بالعكس قعد ايهدرز معانا الطريق كله بكل اسلوب محترم وقاللنا انه حتي هوا غاوي العاب فيديو وجاي من سويسرا عشان يحضر الاحتفال ومعرفنش حتي اسمه ولا عرف اسامينا
مجرد انه دار فينا خير لوجه الله في مرسيدس اخر موديل حقها 100 الف يورو.. مع اننا استحقرناه في البدايه بدون اي سبب ... ولمجرد اننا ليبين فشاكين
#ليلتكم_سعيده
#الادمن_الفشاك_جت_علي_راسه
مدينه كولن في المانيا 2014
طبعا نحنا كعرب او ك ليببين عندنا شئ ثابت ومولود معانا منذ الصغر ان مفيش حد ايقدملنا الخير من غير سبب
يعني اي واحد بيجي ايساعدنا دغري نضربو النقص وانحسوه بينصب علينا وبياخذ كل الفلوس الي معانا خصوصا برا بلادنا
المهم كانت الدنيا تمطر في شهر 8 في المانيا
وكنت ماشي انا وادم صاحبي لمعرض العاب مشهور اسمه gamescom ينزلن فيه جميع العاب الفيديو والبلايستيشن قبل مينزلن في السوق
طلعنا من الهوتيل وكانت الدنيا تمطر بغزاره
ادم قالي تعال انتمشو لعند مكان الحافلات
وانا قتله لايمكن في المطر القويه هذي
المهم قعدنا انتناقشو وادم ايقولي هيا حنتاخرو علمعرض
وانا انقوله راجي المطر اتوقف
ونحنا انتناقشو
طلع شاب طويل من الهوتيل ومعاه واحد صاحبه
وسمعنا نحكو علي الgamescom
يحت فينا ودوالنا بالالماني قلناله نحكو انجليزي
فسألنا بالانجليزي
لو تبو تمشو للجايمزكوم ممكن ناخذكم معايا ..
انا دغري ضرب فيا عرق الليبين وضربت النقص علي طول وقلت في راسي اكيد يبينا ناخذو معاه تاكسي وانقسمو فلوسه
فقتله بكل تفشيك وعنطزه
No thanks لا شكرا
وبعدها رديت نحكي مع ادم والشاب مزال مصبي وجت درست قدامه سياره مرسيدس بينز اخر موديل 2014 بالسواقه بتاعها بككل
وفتح الباب وبحت فينا بنظره اخيره وقالننا
متاكدين متبوش اتعدو معايا ؟
طبعا نحنا بعد محقينا المرسيدس استكينا وانفجعنا وجينا ركبنا معاه بسرعه البرق #مصلحجيين_درجه_اولي
المهم وصلنا لعند المعرض والراجل مقاللنش نبي منكم فلوس ولا اي حاجه بالعكس قعد ايهدرز معانا الطريق كله بكل اسلوب محترم وقاللنا انه حتي هوا غاوي العاب فيديو وجاي من سويسرا عشان يحضر الاحتفال ومعرفنش حتي اسمه ولا عرف اسامينا
مجرد انه دار فينا خير لوجه الله في مرسيدس اخر موديل حقها 100 الف يورو.. مع اننا استحقرناه في البدايه بدون اي سبب ... ولمجرد اننا ليبين فشاكين
#ليلتكم_سعيده
#الادمن_الفشاك_جت_علي_راسه