T
Travel Secrets
:: مسافر ::
ازاي تلف أوروبا لوحدك 
تجربة صديقي محمد عبدالقادر
أنا متابع خمس صفحات لناس رحالة .. و احدى الصفحات دي هي صفحة travel secrets ..... أنا لسة طالب في تالتة هندسة ومن زمان نفسي في السفر ولف العالم بس عمري ما كنت متحمس بدرجة كافية اني اخد الخطوة .. ومش عارف السبب في ايه لكن المرة دي اول ما شوفت صفحة travel secrets ركزت كويس في بوستاتهم وقررت اني لازم احقق حلمي ... من نفس اليوم وقفت خروجات تافهة وأكل من المطاعم وبقى كل تحويشي علشان السفر طول الفترة دي وبدأت خطوات فعلية من شهر 10 اللي فات في اني حددت ميعاد مع سفارة المانيا وكان ميعادي في شهر 12 قدمت ورقمي وعملت الانترفيو و بعدها بأيام استلمت الباسبورت فيه الفيزا وقررت بقى في الوقت ده احط الخطوط العريضة لرحلتي وهسافر فين ومدة كام ولفت نظري اني طالما معايا فيزا شنجن فده يديني الحق اخد فيزا تركيا اونلاين وفعلا اخدتها في 6 دقايق ب20دولار بس .. خلصت امتحانات التيرم وسافرت في فبراير روحت ميونخ وباريس وبرشلونة ومدريد واسطنبول وبورصة ... السفريات دي كلها كنت مخططها وحاجزها قبل ما اخرج من مصر سواء فنادق او هوستيل او طيران او حتى القطر من برشلونة لمدريد .. انا عاوز اقول ان كل ده عملته لوحدي من غير شركة سياحة ولا وسيط وكمان اهلي مكانوش يعرفوا التفاصيل دي كلها ولا حد من صحابي كان عارف اني هسافر اصلا غير واحد .. بس اهلي كانوا عارفين اني مسافر المانيا وبس كل الباقي كانوا بيتفاجئوا بيه وكل كام يوم يلاقوني في مدينة مختلفة ولما يكلموني مقولهمش على الخطة الجاية ,, صورة برج ايفيل رسمتها من زمان وقولت هيجي يوم واتصور بيها قدام البرج في الحقيقة ... والحمد لله حققت جزء من حلمي .... كل مدينة زورتها حركت حاجة مختلفة جوايا... احساسي بالنظام والانباط في ميونخ... في متحف BMW وانا شايف الزمن بيتحرك قدامي وبيحكيلي عن حاجات مستخبية ورا كل تصميم اختاروه في السنة دي وكأن كل عربية بتقف قدامها بتاخدك لزمنها تحس بحياة الناس في الوقت ده بالظبط كأنك راكب الة زمن.. او العظمة والانبهار وانا متنح وفاتح بوقي تحت برج ايفل في باريس... او ابتسامتي و ضحكي من الطبيعة في برشلونة... واحساس التاريخ في قصور مدريد... او الاخضر في اسطنبول وزرقة البحر.. او بياض التلج في بورصة كتلة احاسيس كدة عدوا على الواحد خلوني اعرف اني العالم ده كله بتاعي ولازم ازور كل مكان لانه ملكي ... أنا بشكر صفحة #travel_secrets اللي كانت خير دليل في رحلتي واللي كنت ماسك البوستات بتاعة تركيا وبرشلونة وباريس وماشي عليهم بحذافيرهم لدرجة اني كنت حاسس نفسي جيت الاماكن قبل كدة من الوصف الدقيق جدااا اللي كان في البوستات
افتكر كان فيه ناس لبنانيين راكبين الترام معايا في اسطنبول واول مرة يزوروها وكانوا عاوزين يروحوا جزر الاميرات واللي انا مكنتش لسة زورتها و كانوا تايهين شرحتلهم بالظبط الطريقة والفلوس اللي يدفعوها وتمن التذكرة ولما يوصلوا يعملوا ايه لدرجة انهم فكروني عايش هناك
عاوز أشكر تاني صفحة travel secrets اللي ساعدتني وكانت ليها فضل في كل المعلومات اللي افادتني في رحلتي
#اتجنن_سافر
#travel_secrets
تجربة صديقي محمد عبدالقادر
أنا متابع خمس صفحات لناس رحالة .. و احدى الصفحات دي هي صفحة travel secrets ..... أنا لسة طالب في تالتة هندسة ومن زمان نفسي في السفر ولف العالم بس عمري ما كنت متحمس بدرجة كافية اني اخد الخطوة .. ومش عارف السبب في ايه لكن المرة دي اول ما شوفت صفحة travel secrets ركزت كويس في بوستاتهم وقررت اني لازم احقق حلمي ... من نفس اليوم وقفت خروجات تافهة وأكل من المطاعم وبقى كل تحويشي علشان السفر طول الفترة دي وبدأت خطوات فعلية من شهر 10 اللي فات في اني حددت ميعاد مع سفارة المانيا وكان ميعادي في شهر 12 قدمت ورقمي وعملت الانترفيو و بعدها بأيام استلمت الباسبورت فيه الفيزا وقررت بقى في الوقت ده احط الخطوط العريضة لرحلتي وهسافر فين ومدة كام ولفت نظري اني طالما معايا فيزا شنجن فده يديني الحق اخد فيزا تركيا اونلاين وفعلا اخدتها في 6 دقايق ب20دولار بس .. خلصت امتحانات التيرم وسافرت في فبراير روحت ميونخ وباريس وبرشلونة ومدريد واسطنبول وبورصة ... السفريات دي كلها كنت مخططها وحاجزها قبل ما اخرج من مصر سواء فنادق او هوستيل او طيران او حتى القطر من برشلونة لمدريد .. انا عاوز اقول ان كل ده عملته لوحدي من غير شركة سياحة ولا وسيط وكمان اهلي مكانوش يعرفوا التفاصيل دي كلها ولا حد من صحابي كان عارف اني هسافر اصلا غير واحد .. بس اهلي كانوا عارفين اني مسافر المانيا وبس كل الباقي كانوا بيتفاجئوا بيه وكل كام يوم يلاقوني في مدينة مختلفة ولما يكلموني مقولهمش على الخطة الجاية ,, صورة برج ايفيل رسمتها من زمان وقولت هيجي يوم واتصور بيها قدام البرج في الحقيقة ... والحمد لله حققت جزء من حلمي .... كل مدينة زورتها حركت حاجة مختلفة جوايا... احساسي بالنظام والانباط في ميونخ... في متحف BMW وانا شايف الزمن بيتحرك قدامي وبيحكيلي عن حاجات مستخبية ورا كل تصميم اختاروه في السنة دي وكأن كل عربية بتقف قدامها بتاخدك لزمنها تحس بحياة الناس في الوقت ده بالظبط كأنك راكب الة زمن.. او العظمة والانبهار وانا متنح وفاتح بوقي تحت برج ايفل في باريس... او ابتسامتي و ضحكي من الطبيعة في برشلونة... واحساس التاريخ في قصور مدريد... او الاخضر في اسطنبول وزرقة البحر.. او بياض التلج في بورصة كتلة احاسيس كدة عدوا على الواحد خلوني اعرف اني العالم ده كله بتاعي ولازم ازور كل مكان لانه ملكي ... أنا بشكر صفحة #travel_secrets اللي كانت خير دليل في رحلتي واللي كنت ماسك البوستات بتاعة تركيا وبرشلونة وباريس وماشي عليهم بحذافيرهم لدرجة اني كنت حاسس نفسي جيت الاماكن قبل كدة من الوصف الدقيق جدااا اللي كان في البوستات
افتكر كان فيه ناس لبنانيين راكبين الترام معايا في اسطنبول واول مرة يزوروها وكانوا عاوزين يروحوا جزر الاميرات واللي انا مكنتش لسة زورتها و كانوا تايهين شرحتلهم بالظبط الطريقة والفلوس اللي يدفعوها وتمن التذكرة ولما يوصلوا يعملوا ايه لدرجة انهم فكروني عايش هناك
عاوز أشكر تاني صفحة travel secrets اللي ساعدتني وكانت ليها فضل في كل المعلومات اللي افادتني في رحلتي
#اتجنن_سافر
#travel_secrets
