وأخيرا ... شهر عسل بدون عريس شكرا بهاء كتير...

[Mary Kaiser]

وأخيرا ... شهر عسل بدون عريس

شكرا بهاء كتير لتشجيعك ليا انى أحقق حلم واسافر تايلاند ... من سنتين كنت بدأت اقرأ عنها وحلمت انى ازورها وخصوصا انى بعشق الطبيعه .. وكالعادة اسرتى كانت رافضة والمبرر دايما سافرى لما تتجوزى .. وكبرت ف دماغى انى لازم أحقق فكرة السفر لوحدى وبدون عريس ... وكدة كدة انا اللى متحملة كل بدجت السفر ... قريت كتير وكل مااقرا شغفى بالسفر لتايلاند يزيد .. إلى أن انضميت للصفحة وكنت بتابع البيدج وقريت تقارير لبنات سافرت لوحدها وده شجعنى وقررت انى هحتفل بعيد ميلادى بتايلاند واشتغلت على البروجرام السياحى والاوتيلات وبهاء شجعنى والحلم بقا حقيقة واسرتى اخيرا وافقت

التجربة حلوة جدا جداااا وزادت ثقتى بنفسى وهتكتشفوا أن مخاوف الاهل والمجتمع كلها fake مش حقيقة مجرد أوهام. .. أهم حاجة تقروا كويس اوى عن أى بلد تسافروها ... ومحستش انى لوحدى ابدا ... يوميا كنت بقابل جنسية عربية أو مصرية ... ورجعت بذكريات مش هنساها واكيد يابهاء هكرر السفر لتايلاند وبالأخص فوكيت الجميلة شكرا كتير لاهتمامك وتشجيعك

ربنا يوفقك ومن نجاح لنجاح✌
#سافرى_لوحدك

 

[Heba Ayad]

شجعتيني بجد يا مارو نفسي اعمل رحلة زي دي اكيد هيجي يوم واحققها.... حمدلله علي سلامتك يا جميله

 

[Mariana Malak]

برافو يامرمر انتى بنت جدعه جدا ومعتمده ع نفسك ومايتخافش عليكى واى واحد لازم يفتخر بيكى وانا شخصيا بشوف فيكى كتير منى وبرافو عليكى انتى شخصيه للاسف اجدع من ميت راجل لايجرؤ ع اتخاذ قرار بشأن ذاته ..ربنا يحافظ عليكى حبيبتى ويدبرلك كل خير ويديكى اللى تستاهليه .

 

[AbaNoub Fahiem]

Shaboooh

 

[Heba Ayad]

Koky Mony لازم نخوض التجربة دي في اقرب وقت

 

[Mîna Samuèl]

فكري فالمكان الجديد اللي حابه تسافريه من دلوقتي علشان اما ربنا يبعت العريس قريب اووووي تبقي جاهزه ومحضره شنطتك .. حمدلله علي السلامه يا اجمل ماري فالدنيا كلها.. تايلاند كانت منوره بيكي

 

[Ramy Shaker]

My sis ♥

 

[Magda Gh Waheeb]

برافوووووووو

 

[عماد مايز]

حمدلله على السلامة

 

[Tamer Temo]

يابختك بس هو انت كنت مسافره بطقم خروج واحد بس

 

[Michael Magdy]

تعيشى وتنبسطى يامرمر

 

[Sherin Mamdoh]

كنتى قلتى كنت هاجى معاكى

 

[Mariam Louis]

برافو عليكى يا ميرو ربنا يسعدك دايما وتلفى الدنيا كلها
عيشى حياتك يا قمر

 

[Ekramy Elraheb]

من زمان و انتي نفسك في الرحلة دي و انا مبسوط جدا عشان قدرتي تحققي ده و لوحدك و ده بس عشان انتي انسانة تعشقي جمال الطبيعة الخلابة الذي يمتاز بالهدوء و ده بيعكس شخصيتك المتميزة جدا جدا اللي دايماً بتحتفظ برونق خاص بعيد عن كل الشخصيات ربنا يسعدك و يفرح قلبك علطول

 

[Travel Secrets]

اولا أشكرك على كلاماتك الرقيقه دي , و بجد انا اتشرفت اني نظمتلك رحلتك الى تايلاند و اتمنى ان ده ميكونش اخر تعامل بينا , و يارب تكوني قضيتي رحلة حلوة لا تنسى في تايلاند , و بجد الصور رائعة

 

[John Adel Milad]

انتي عملتي اللي انا كولد مش عارف اعمله
بس انتي طلعتيها في دماغي خلاص ونويت الرحيل

 

[Wael Safwat]

السفر كله فوايد واكتساب خبرات وتعارف بين الشعوب وكسر الحواحز العرقية والثقافية ويزيد من تقبل الاخر.
عقبال ماتعيديها دوماً

 

[مينا نور]

مبروووووووك يا ماري طيب مش تاخديني معاااااكي انا فكرتك بتهزري ههههههههه
ربنا معاااكي وسترها عليكي يارب