هناك ما يسمي بال yard sale تجده بكثره في...

[Ali Fakree Eldin ElSallabi]

هناك ما يسمي بال yard sale تجده بكثره في امريكا ومعظم دول اوروبا
وفكرته تقوم علي بيع ما لا تحتاجه من ملابس او ادوات او اي شي اخر
لتوفر مال يمكنك استخدامه في شراء اشياء اخري تحتاجها <3
وبالنسبه للشاري تكون فرصه لشراء اشياء مستعمله بسعر رخيص وبجوده جيده
فكره اراها اكثر من رائعه خصوصا لو طبقت في ليبيا

والليبين اكثر ناس تلقا عندهم حاجات واجد مش محتاجينهن اصلا

#توفير_سيوله_بشكل_اسهل

 

[Otman Werfaly]

اول ما نشر الفكرة هذي الليبين ي برو
#سوق_الجمعة #سوق_اجنهين

 

[Rania El-Obydi]

خطرت عليا في سويسرا نضت علي هرجة لقيتهم اللي هذا مفرش و يبيعو في حاجات قديمة

 

[Siraj Mahmoud]

في المانيا في اسواق خاصة يعطوهن لك ببلاش لو عرفوا أنك محتاج

 

[Hana Mohammed]

والله ماساير منها في ليبيا خوذها مني !!
اهو قاعدات قروبات الأشياء المستعملة ، تلقاها حاجه موديلها قديم والا منقوبه والا مكسوره واتقولك نبيها بهذاك السعر ، قريب من سعر الجديد !!
ولا كأن مستعمل طمع وخلاص لاتفيد غيرها ولا تستفيد ..
لو ملابس تقولك ملبوس مره وحده والله ولو كنبه تقولك جلسنا عليها نص مره وكذب من هلكذب وأسعار مبالغ فيها !!

 

[Lily Melad]

عندنا عاطفة اتجاه كل شي قديم
ما يصير شي

 

[Nairose Alsharief]

فيه حتى دول عربية يديرو فيها و تقريبا حتى في ليبيا ، انا بالنسبة ليا عجبتني الفكرة بس مش اي حاجة نشريها

 

[حمادي العوامي]

بس الفكرة هذي موجودة لكن مش بالنضافة لي نفس فالصورة نقصد نضافة المكان عندك سوق اجنهين او مشهور بسوق العشية ..وفي حتي سوق الجمعة وطريقة قديمة ومشهورة ...نقصد مدينة بنغازي

 

[Orayda S. Gaderbouh]

فلوماركت اسمه في ألمانيا Flohmarkt

 

[Dania Ibrahim]

عاجبتني الفكره اهيا من زمان

 

[Wahab Elmansury]

بيع وشراء علي نظافه واحترام الجو هذا تبيله بيئه معينه

ياريت ايديروها عندنا بدال خمج سوق العشيه وأسواق الجمعه

 

[Hanyoa Alwarfly]

صح فكره حلوه

 

[Kajy Alfallah]

في المانيا في اسواق خاصه كل سبت لشي زي هذا .. و في يوم كل سنه مخصصينه للحجات القديمه يوزعوها مجانا .. كل واحد قدام حوشه .. فكره حلوه بجد

 

[صهيب ام]

ياريت

 

[Jassy Elfallah]

هما يجددو باستمرار ، لكن نحنا تلقي الحاجه نين بايده وطايح سعدها ومعمره قرون والصبايا بالذات عندهن حشيشه فالدس وتقعد حاجه بالسنين ولما تبي تدير حمله وتدير عزم وتبي تعزق تقولك لالا اكيدا حنستحقها شي يوم
لازم تغير العقليه الاول

 

[Al Zawy]

في سوق اجنيهن

وسوق الجمعه

يستخدمن أكتر من 50% لبيع الأشياء المسروقه الامن رحم ربي

بس جوهن جميل بعفاناتهن