T
Travel Secrets
:: مسافر ::
العمر لحظة ( وقفه مع النفس ) :
أمبارح صحينا على خبر مفزع , موعد مع القدر محدش كان عامل حسابه , ناس قدرها انها تطلع الرحله و تنهي حياتها و ناس كان قدرها انه يتكتبلها عمر جديد , ناس غيرت موعد رحلتهم قبل الرحله بكام ساعه و ربنا نجاهم , طيار غير موعد رحلته مع طيار تاني و كان نصيبه انه ينجوا , أم و أب رجعوا بعد رحلة علاج 5 سنين من مرض السرطان اللي أصاب الأم و نصيبهم ان حياتهم تنتهي على الطياره و أولادهم يتيتموا , عروسه و امها استشهدوا على الطياره المنكوبة بعد ما اشترت فستان فرحها و كانت بتستعد للزواج , مضيفه تتحقق نبوئتها و تموت غرقانه بعد ما حطت صورة لمضيفه بتموت غرقانه اكتر من مره على صفحتها على الفيس بوك, رئيسة الطاقم على الطياره العمر ما ادلهاش الفرصه انها تفرح بالترقيه و تتوفى في أول رحله ليها و هي رئيسة طاقم , كل واحد على الطياره كان ليه قصه القدر كتب نهايتها بصعوده لاخر رحلة في حياته .
مش قادر أتخيل غير أن ممكن أي واحد كان ممكن يكون في الرحله دي , و خصوصا ان والدي و والدتي قبل الرحله دي بيوم واحد كانوا على الطياره اللي مسافره باريس , بعد سماع الخبر الأليم ده , الواحد محتاج يعيد حساباته في حياته مره تانيه , أعمل لحياتك توقف لحظي و فكر هو انت عايش حياتك صح و لا الدنيا شغالك بمشاكلها و همومها اللي مبتخلصش , العمر لحظه و اللحظه اللي بتروح مبترجعش , استمتع بكل لحظة فيها و أشكر ربنا كل يوم انه ادالك فرصه جديده للحياة , متعرفش القدر مخبيلك ايه كمان لحظة , عيد ترتيب حساباتك و اختار صح , تصالح مع نفسك اولا علشان تعرف تتصالح مع الناس , اللي معاك النهارده ممكن بكره ميكونش معاك و ممكن متكونش انت معاه , متضيعش العمر و انت بتفكر ازاي تغير أسلوب حياتك خد القرار و توكل على الله و عيش كل يوم كانه اخر يوم في حياتك .
By: Bahaa
#العمر_لحظة
#ادعم_مصر_للطيران #travel_secrets
أمبارح صحينا على خبر مفزع , موعد مع القدر محدش كان عامل حسابه , ناس قدرها انها تطلع الرحله و تنهي حياتها و ناس كان قدرها انه يتكتبلها عمر جديد , ناس غيرت موعد رحلتهم قبل الرحله بكام ساعه و ربنا نجاهم , طيار غير موعد رحلته مع طيار تاني و كان نصيبه انه ينجوا , أم و أب رجعوا بعد رحلة علاج 5 سنين من مرض السرطان اللي أصاب الأم و نصيبهم ان حياتهم تنتهي على الطياره و أولادهم يتيتموا , عروسه و امها استشهدوا على الطياره المنكوبة بعد ما اشترت فستان فرحها و كانت بتستعد للزواج , مضيفه تتحقق نبوئتها و تموت غرقانه بعد ما حطت صورة لمضيفه بتموت غرقانه اكتر من مره على صفحتها على الفيس بوك, رئيسة الطاقم على الطياره العمر ما ادلهاش الفرصه انها تفرح بالترقيه و تتوفى في أول رحله ليها و هي رئيسة طاقم , كل واحد على الطياره كان ليه قصه القدر كتب نهايتها بصعوده لاخر رحلة في حياته .
مش قادر أتخيل غير أن ممكن أي واحد كان ممكن يكون في الرحله دي , و خصوصا ان والدي و والدتي قبل الرحله دي بيوم واحد كانوا على الطياره اللي مسافره باريس , بعد سماع الخبر الأليم ده , الواحد محتاج يعيد حساباته في حياته مره تانيه , أعمل لحياتك توقف لحظي و فكر هو انت عايش حياتك صح و لا الدنيا شغالك بمشاكلها و همومها اللي مبتخلصش , العمر لحظه و اللحظه اللي بتروح مبترجعش , استمتع بكل لحظة فيها و أشكر ربنا كل يوم انه ادالك فرصه جديده للحياة , متعرفش القدر مخبيلك ايه كمان لحظة , عيد ترتيب حساباتك و اختار صح , تصالح مع نفسك اولا علشان تعرف تتصالح مع الناس , اللي معاك النهارده ممكن بكره ميكونش معاك و ممكن متكونش انت معاه , متضيعش العمر و انت بتفكر ازاي تغير أسلوب حياتك خد القرار و توكل على الله و عيش كل يوم كانه اخر يوم في حياتك .
By: Bahaa
#العمر_لحظة
#ادعم_مصر_للطيران #travel_secrets