M
Mustafa Jalal Fteita
:: مسافر ::
سقعان وتبي تهرب من هالصقع❄؟
شباب قبل ما نبدا في الموضوع يا ريت تتفاعلوا مع البوستس لان والله نتعب فيهن راه ونترجملكم فيهن من الانجليزي للعربي الى الليبي يعني عشان يمشي البوست ويكون خفيف تفاعلوا حتى بلايك بس، وكل يوم انجيبلكم بوستات مفيدة كيف هذين.
- تخيلوا لو كانت ليبيا كيف ايام زمان واللي مسقع يمشي يعدي يسافر ويدلع روحه حنعطيكم اليوم افضل اماكن تمشيلهم لو الصقع هذا تعبك من الاخير .
#تايلاند
انت لما تاكل الوكال الاسيوي غادي ببهاراتهم حترد عليك الاجواء الصيفية من جديد وهذا اللي ننصحكم بيه، وعندكم العاصمة بانكوك اللي حصلت علي افضل مدينة سياحية لسنة 2016، وطبعا الشواطئ غادي في الشتا يكون لها جو مش عادي بكل ومتخافش من عامل اللغة معظمهم يتحدثوا انجليزي.
#فيتنام
فيتنام الطبيعة علي اصولها اللي مادخلنش الالات علي طبيعتها بكل بكل وهذي ميزة للدولة، الحاجة الاخرى بعد الاستعمار الامريكي الدولة نوعا تتكلم انجليزي (أمريكي) يعني مش حتواجه مشاكل بكل اما كان عالسياحة ماتخافش بكل الشتاء في فيتنام راقي بكل والفنادق غادي ولا أروع.
#جزر_المالديف
الدولة الاسيوية والمسلمة بامتياز تخيل ان تقعد علي كوخ سبع نجوم وتحتك البحر الازرق المختلف علي جميع بحار العالم، حتعيش كم يوم عمرك ماحتنساهن في حياتك ياريت ماتمشيلهمش بروحك لازم الازواج بس يمشوا لانك مش حتستمع.
#الفلبين
ارخص دولة في القائمة ومش حتكلفك كيف ماتسافر لدولة اوروبية او حتى عربية، الشواطئ غادي في فصل الشتاء يزيد جمالهن ومعظم الدول الاسيوية في الشتا يقعدن جافات يعني مافيش امطار ولا حمو ولا سقع يعني من شهر ديسمبر لمارس حتوفرلك جميع سبل الراحة في معظم دول اسيا والفلبين طبعا ماننسوش ان في الفيلبين الجزر غادي خيالية وننصح الازواج يمشولهن وبروحك حتكسد.
#ماليزيا
الدولة المتوسطة في كل شي وفي اي شي اي واحد يبي يمشيلها يمشي توا وينصح مع عائلتك كاملة بالاطفال بكل لانكم حتحصلوا متعة مش عادية بكل وننصحكم بالذهاب للعاصمة كوالامبور وللجزر اللي غادي
.
- تحياتي صديقكم مصطفى افتيتة
#TravelLovers #2017Traveling #ArabTravelers #Traveling #LibyanTravelers
شباب قبل ما نبدا في الموضوع يا ريت تتفاعلوا مع البوستس لان والله نتعب فيهن راه ونترجملكم فيهن من الانجليزي للعربي الى الليبي يعني عشان يمشي البوست ويكون خفيف تفاعلوا حتى بلايك بس، وكل يوم انجيبلكم بوستات مفيدة كيف هذين.
- تخيلوا لو كانت ليبيا كيف ايام زمان واللي مسقع يمشي يعدي يسافر ويدلع روحه حنعطيكم اليوم افضل اماكن تمشيلهم لو الصقع هذا تعبك من الاخير .
#تايلاند
انت لما تاكل الوكال الاسيوي غادي ببهاراتهم حترد عليك الاجواء الصيفية من جديد وهذا اللي ننصحكم بيه، وعندكم العاصمة بانكوك اللي حصلت علي افضل مدينة سياحية لسنة 2016، وطبعا الشواطئ غادي في الشتا يكون لها جو مش عادي بكل ومتخافش من عامل اللغة معظمهم يتحدثوا انجليزي.
#فيتنام
فيتنام الطبيعة علي اصولها اللي مادخلنش الالات علي طبيعتها بكل بكل وهذي ميزة للدولة، الحاجة الاخرى بعد الاستعمار الامريكي الدولة نوعا تتكلم انجليزي (أمريكي) يعني مش حتواجه مشاكل بكل اما كان عالسياحة ماتخافش بكل الشتاء في فيتنام راقي بكل والفنادق غادي ولا أروع.
#جزر_المالديف
الدولة الاسيوية والمسلمة بامتياز تخيل ان تقعد علي كوخ سبع نجوم وتحتك البحر الازرق المختلف علي جميع بحار العالم، حتعيش كم يوم عمرك ماحتنساهن في حياتك ياريت ماتمشيلهمش بروحك لازم الازواج بس يمشوا لانك مش حتستمع.
#الفلبين
ارخص دولة في القائمة ومش حتكلفك كيف ماتسافر لدولة اوروبية او حتى عربية، الشواطئ غادي في فصل الشتاء يزيد جمالهن ومعظم الدول الاسيوية في الشتا يقعدن جافات يعني مافيش امطار ولا حمو ولا سقع يعني من شهر ديسمبر لمارس حتوفرلك جميع سبل الراحة في معظم دول اسيا والفلبين طبعا ماننسوش ان في الفيلبين الجزر غادي خيالية وننصح الازواج يمشولهن وبروحك حتكسد.
#ماليزيا
الدولة المتوسطة في كل شي وفي اي شي اي واحد يبي يمشيلها يمشي توا وينصح مع عائلتك كاملة بالاطفال بكل لانكم حتحصلوا متعة مش عادية بكل وننصحكم بالذهاب للعاصمة كوالامبور وللجزر اللي غادي
.- تحياتي صديقكم مصطفى افتيتة
#TravelLovers #2017Traveling #ArabTravelers #Traveling #LibyanTravelers
مشكور على مجهودك المميز