T
Travel Secrets
:: مسافر ::
صدق أو لا تصدق ... رحلتك الجاية لبرشلونة ( طيران و فنادق و افطار و رحلات ) مش حتكلفك اكتر من 3000 جنيه !!
حلم طبعا
, لأ تصدق ده بجد و بحق و حقيقي
تعالا بقى يا حلو و أقولك حتعمل ايه , هات كوباية شاي
و مخمخ كده علشان البوست ده حيغير فكرتك عن السفر ✈
الطيران : حنحجز على طيران Aegean و ده الطيران اليوناني من القاهره ( مش حقولك بقى روح شرم و الغردقه و الكلام ده ) و سعر التذكرة ذهاب و عودة 1850 جنيه ( السفر بتاريخ 21 نوفمبر و العودة بتاريخ 27 نوفمبر ) يعني أسبوع زي الفل في برشلونة
الفندق : بما انك شاب أو حتى بنت فمافيش مشكله اننا نعد في هوستل محترم و ده حيكلفنا 600 جنيه شامل الافطار و الضرائب كمان , ( الهوستل : زي بيت الشباب بتحجز سرير في غرفه مشتركة فيها 5 شباب , و كل الأوربيين الشباب بيسافروا و بيلفوا العالم بالطريقة دي , و فيه غرف للشباب بس و غرف بنات بس ) , ممكن تحجز في هوستل اسمه Hostel Sun & Moon , الهوستل ده كمان موقعه ممتاز علشان يبعد عن شارع الراملا خطوات فقط و ده يعتبر ( المركز السياحي للمدينة )
حلو اوي يعني لحد كده صارفين 2450 جنيه , ازاي بقى تتفسح في برشلونه بالمبلغ الباقي !!!
تصدق يا عزيزي انك ممكن تتفسح في برشلونه و مش حتكلفك أكتر من 500 جنيه فقط و تروح الكامب نو كمان
بما انك على صفحة #travel_secrets فلازم أظبطك و أقولك حتعمل ايه و حتتكلف كام بالتفصيل .
خلينا نبدأ بالحاجات اللي بفلوس الأول :
• ملعب الكامب نو : طبعا زياره لبرشلونه متكتملش بدون زيارة الكامب نو , من اهم ملاعب أوروبا و ده تذكرته ممكن تجيبها ب 25 يورو و تحجزها اون لاين من agents لأن سعرها من موقعهم أو من البواية أغلى من كده. و يا سلام بقى لو حظك حلو و فيه ماتش لبرشلونه في الملعب , حتكون طبعا لحظات تاريخية
• المتحف العلمي CosmoCaixa : للناس اللي بتحب العلم و التجارب أو لو في زيارة عائليه لبرشلونه لازم تزور المتحف ده , و سعر تذكرته 4 يورو فقط.
• بارك جويل : و دي حديقة على تل مرتفع في برشلونه و منها تقدر تشوف أحلى منظر لكل برشلونه و البحر, دي بردو من تصميم جاودي, و انت فيها حتسمتع بالطبيعه و الفن المعماري معا . دي سعر تذكرتها 7 يورو و ممكن بردو تحجزها اون لاين.
• لا سيجرادا فاميليا
: من أهم معالم برشلونه طبعا و دي يا سيدي كنيسه بدء بناءها سنه 1882 على يد المصمم أنطونيو جاودي و مات يا عيني قبل ما يخلص بنائها, أحب أقولك أنها لسه مخلصتش لحد النهارده بقولهم 135 سنه بيبنوها, بس الصراحة هي تحفة معمارية تستاهل الزيارة. المهم دي تذكرتها اون لاين 15 يورو و طبعا بتختار الموعد اللي حتكون فيه هناك علشان تدخل على طول و متقفش في أي طوابير ( ملحوظة المعلومة دي وفرت عليا ساعه انتظار في الطابور لو مكنش معايا تذكرة أون لاين )
ندخل بقى في الحاجات المجانيه :
• شارع Passeig de Gràcia : ده من أهم شوارع الموضه في برشلونه و فيه كل محلات الموضة العالميه .
• لو مهتم بالعمارة و بالفنان المعماري انطوني جاودي متفوتش جولة مع مرشد سياحي لمدة ساعتين تتفرج فيها على انجازاته و تتعرف على تاريخه و كل ده يا جميل ببلاش و تقدر تحجز الجولة مجانا من الموقع ده : https://goo.gl/ClBJKF , خلال الجولة حتزور المبنيين كاسا باتلو و كاسا ميلا و دول مبنيين تحفه في نفس شارع Passeig de Gràcia من تصميم جاودي
• برشلونه القديمة أو Gothic Quarter : من احلى الجولات اللي ممكن تعملها في برشلونه أنك تحجز مع مرشد سياحي و ياخدك جولة في حواري برشلونه القديمة و يحكيلكم قصص عن برشلونه و تاريخها , ( بجد رحلة ممتعه ) و المفاجأه يا حلو , الرحله دي كمان كلها ببلاش لمدة ساعتين مع مرشد سياحي محترف و ممكن تحجزها من الموقع ده /Free Gothic Quarter Tour | Free Walking Tours Barcelona , لو الجولة عجبتك متنساش تدفع بقشيش للمرشد على الأقل 5 يورو على تعبه و على المعلومات الرائعة اللي عرفتها عن برشلونه.
• شارع الراملا ❤: أيون أسمه كده الرملا علشان زمان كان كله رمل و العرب سموه الرملا فالاسم مشي لحد دلوقتي هو أشهر شارع سياحي في برشلونه , ( عامل زي خليج نعمه كده في شرم الشيخ ) . أول الشارع من جهة البحر حتلاقي ميدان و تمثال كريستوفر كولمبوس و فيه أعلن عن اكتشافه للعالم الجديد., و أخرالشارع حتوصل لساحة بلازا دي كاتالونيا. شارع الرملا كله مطاعم و كافيهات و فنانين شارع . متنساش تجرب تاكل البايلا و التاباس ♨ . ملحوظة : أحترس من النشالين
• شاطئ برشلونه : لو بتحب البحر يبقى لازم تزور شاطئ برشلونه ( بارسيلونيتا ) , نموذج مختلف من الشواطئ , مش حقدر أقول غير كده و خلي بالك أغلب الشاطئ
• متحف بيكاسو , متحف دالي , المتحف الوطني : كل دول تقدر تدخلهم ببلاش أول يوم أحد من كل شهر.
• النافورة السحرية
Magic Fountain of Montjuïc : و دي نافورة راقصة مع عرض ليزر و اضاءات على الموسيقى العالمية , بليل المنظر خيالي طبعا من امام متحف الفن الوطني MNAC . و عروضها في الصيف بتبدأ من الساعه 9 بليل و لمدة نص ساعه لحد الساعه 11 بليل , و ببلاش طبعا
برشلونه مدينة شبابية لا تنام B| , فالشباب اللي بيحبوا السهر و الفرفشة فبرشلونه بالنسبه لهم حتكون من أحلى الوجهات .
• بالنسبة للمواصلات هات تذاكر t10 : و دي 10 تذاكر سعرهم 10 يورو تقدر تركب بيهم المترو 10 مرات
أتمنى ان الموضوع يكون عجبكم و قدرت اختصرلكم مدينة من أحلى مدن أوروبا في شوية سطور لكن الحقيقة مجلدات متكفيش المدينة دي في جمالها ❤
اللي عاوز يعرف ياخد فيزا شنجن ازاي حتلاقي المعلومات الكامله عن الفيزا في البوست /Travel Secrets
ملحوظه : دي مش رحلة أحنا منظمنها لكن ممكن تعتمد على نفسك و تحجزها بنفسك , أنا اديتلك كل المفاتيح كل اللي عليك أنك تفتح الباب بس
لو البوست عجبك اعمله شير مع أصحابك يمكن يتجننوا هما كمان و يطلعوا معاك
By: Bahaa
#برشلونة_الحلم_حقيقة
حلم طبعا
, لأ تصدق ده بجد و بحق و حقيقي تعالا بقى يا حلو و أقولك حتعمل ايه , هات كوباية شاي
و مخمخ كده علشان البوست ده حيغير فكرتك عن السفر ✈الطيران : حنحجز على طيران Aegean و ده الطيران اليوناني من القاهره ( مش حقولك بقى روح شرم و الغردقه و الكلام ده ) و سعر التذكرة ذهاب و عودة 1850 جنيه ( السفر بتاريخ 21 نوفمبر و العودة بتاريخ 27 نوفمبر ) يعني أسبوع زي الفل في برشلونة
الفندق : بما انك شاب أو حتى بنت فمافيش مشكله اننا نعد في هوستل محترم و ده حيكلفنا 600 جنيه شامل الافطار و الضرائب كمان , ( الهوستل : زي بيت الشباب بتحجز سرير في غرفه مشتركة فيها 5 شباب , و كل الأوربيين الشباب بيسافروا و بيلفوا العالم بالطريقة دي , و فيه غرف للشباب بس و غرف بنات بس ) , ممكن تحجز في هوستل اسمه Hostel Sun & Moon , الهوستل ده كمان موقعه ممتاز علشان يبعد عن شارع الراملا خطوات فقط و ده يعتبر ( المركز السياحي للمدينة )
حلو اوي يعني لحد كده صارفين 2450 جنيه , ازاي بقى تتفسح في برشلونه بالمبلغ الباقي !!!
تصدق يا عزيزي انك ممكن تتفسح في برشلونه و مش حتكلفك أكتر من 500 جنيه فقط و تروح الكامب نو كمان
بما انك على صفحة #travel_secrets فلازم أظبطك و أقولك حتعمل ايه و حتتكلف كام بالتفصيل .
خلينا نبدأ بالحاجات اللي بفلوس الأول :
• ملعب الكامب نو : طبعا زياره لبرشلونه متكتملش بدون زيارة الكامب نو , من اهم ملاعب أوروبا و ده تذكرته ممكن تجيبها ب 25 يورو و تحجزها اون لاين من agents لأن سعرها من موقعهم أو من البواية أغلى من كده. و يا سلام بقى لو حظك حلو و فيه ماتش لبرشلونه في الملعب , حتكون طبعا لحظات تاريخية
• المتحف العلمي CosmoCaixa : للناس اللي بتحب العلم و التجارب أو لو في زيارة عائليه لبرشلونه لازم تزور المتحف ده , و سعر تذكرته 4 يورو فقط.
• بارك جويل : و دي حديقة على تل مرتفع في برشلونه و منها تقدر تشوف أحلى منظر لكل برشلونه و البحر, دي بردو من تصميم جاودي, و انت فيها حتسمتع بالطبيعه و الفن المعماري معا . دي سعر تذكرتها 7 يورو و ممكن بردو تحجزها اون لاين.
• لا سيجرادا فاميليا
: من أهم معالم برشلونه طبعا و دي يا سيدي كنيسه بدء بناءها سنه 1882 على يد المصمم أنطونيو جاودي و مات يا عيني قبل ما يخلص بنائها, أحب أقولك أنها لسه مخلصتش لحد النهارده بقولهم 135 سنه بيبنوها, بس الصراحة هي تحفة معمارية تستاهل الزيارة. المهم دي تذكرتها اون لاين 15 يورو و طبعا بتختار الموعد اللي حتكون فيه هناك علشان تدخل على طول و متقفش في أي طوابير ( ملحوظة المعلومة دي وفرت عليا ساعه انتظار في الطابور لو مكنش معايا تذكرة أون لاين )ندخل بقى في الحاجات المجانيه :
• شارع Passeig de Gràcia : ده من أهم شوارع الموضه في برشلونه و فيه كل محلات الموضة العالميه .
• لو مهتم بالعمارة و بالفنان المعماري انطوني جاودي متفوتش جولة مع مرشد سياحي لمدة ساعتين تتفرج فيها على انجازاته و تتعرف على تاريخه و كل ده يا جميل ببلاش و تقدر تحجز الجولة مجانا من الموقع ده : https://goo.gl/ClBJKF , خلال الجولة حتزور المبنيين كاسا باتلو و كاسا ميلا و دول مبنيين تحفه في نفس شارع Passeig de Gràcia من تصميم جاودي
• برشلونه القديمة أو Gothic Quarter : من احلى الجولات اللي ممكن تعملها في برشلونه أنك تحجز مع مرشد سياحي و ياخدك جولة في حواري برشلونه القديمة و يحكيلكم قصص عن برشلونه و تاريخها , ( بجد رحلة ممتعه ) و المفاجأه يا حلو , الرحله دي كمان كلها ببلاش لمدة ساعتين مع مرشد سياحي محترف و ممكن تحجزها من الموقع ده /Free Gothic Quarter Tour | Free Walking Tours Barcelona , لو الجولة عجبتك متنساش تدفع بقشيش للمرشد على الأقل 5 يورو على تعبه و على المعلومات الرائعة اللي عرفتها عن برشلونه.
• شارع الراملا ❤: أيون أسمه كده الرملا علشان زمان كان كله رمل و العرب سموه الرملا فالاسم مشي لحد دلوقتي هو أشهر شارع سياحي في برشلونه , ( عامل زي خليج نعمه كده في شرم الشيخ ) . أول الشارع من جهة البحر حتلاقي ميدان و تمثال كريستوفر كولمبوس و فيه أعلن عن اكتشافه للعالم الجديد., و أخرالشارع حتوصل لساحة بلازا دي كاتالونيا. شارع الرملا كله مطاعم و كافيهات و فنانين شارع . متنساش تجرب تاكل البايلا و التاباس ♨ . ملحوظة : أحترس من النشالين
• شاطئ برشلونه : لو بتحب البحر يبقى لازم تزور شاطئ برشلونه ( بارسيلونيتا ) , نموذج مختلف من الشواطئ , مش حقدر أقول غير كده و خلي بالك أغلب الشاطئ
• متحف بيكاسو , متحف دالي , المتحف الوطني : كل دول تقدر تدخلهم ببلاش أول يوم أحد من كل شهر.
• النافورة السحرية
Magic Fountain of Montjuïc : و دي نافورة راقصة مع عرض ليزر و اضاءات على الموسيقى العالمية , بليل المنظر خيالي طبعا من امام متحف الفن الوطني MNAC . و عروضها في الصيف بتبدأ من الساعه 9 بليل و لمدة نص ساعه لحد الساعه 11 بليل , و ببلاش طبعا برشلونه مدينة شبابية لا تنام B| , فالشباب اللي بيحبوا السهر و الفرفشة فبرشلونه بالنسبه لهم حتكون من أحلى الوجهات .
• بالنسبة للمواصلات هات تذاكر t10 : و دي 10 تذاكر سعرهم 10 يورو تقدر تركب بيهم المترو 10 مرات
أتمنى ان الموضوع يكون عجبكم و قدرت اختصرلكم مدينة من أحلى مدن أوروبا في شوية سطور لكن الحقيقة مجلدات متكفيش المدينة دي في جمالها ❤
اللي عاوز يعرف ياخد فيزا شنجن ازاي حتلاقي المعلومات الكامله عن الفيزا في البوست /Travel Secrets
ملحوظه : دي مش رحلة أحنا منظمنها لكن ممكن تعتمد على نفسك و تحجزها بنفسك , أنا اديتلك كل المفاتيح كل اللي عليك أنك تفتح الباب بس
لو البوست عجبك اعمله شير مع أصحابك يمكن يتجننوا هما كمان و يطلعوا معاك
By: Bahaa
#برشلونة_الحلم_حقيقة