T
Travel Secrets
:: مسافر ::
نيبال..قبل الحكاية
..مغامرة في احضان الهميلايا
بدأت المغامرة بفكرة ..وهدف واحد . وانتهت باهداف كتير اتحققت لكل شاب وكل بنت شاركونا في رحلة #travel_secrets
الفكرة كانت رحله مختلفه عن أي رحله سياحيه , رحله نهرب فيها من اجواء المدنية المزعجة بكل تفاصيلها ..نهرب للطبيعة الجبلية في أحضان جبال الهيمالايا وتتحداها بمغامرة صعبة حاولنا نقلل صعوبتها من خلال التنظيم الجيد والتعامل مع فريق مرشدين محترف هناك.
مجموعة كبيرة حاولت تكون متواجدة معانا في الرحلة من مصر وبره مصر . للاسف ظروف شخصية منعت انضمامهم لينا وبنشكرهم علي ثقتهم فينا. الجروب اتحرك من أغلب الدول العربيه و اتجمعنا كلنا في كاتماندو , و بدأت رحلتنا ب 13 مغامر , شباب و بنات و كمان راجل و مراته , منهم 4 بنات كسروا الخوف و اتحدوا نفسهم و اتحدوا الظروف , و وثقوا فينا و كانوا اول مرة يسافروا بره مصر. من بداية الرحله و بالفعل كلنا بقينا اخوات , شباب و بنات, و كان أمامنا هدف واحد اننا نكمل الرحله للاخر و نتحدى اي ظروف حتواجهنا .
الرحله مكنتش سهلة لكن في نفس الوقت كانت ممتعة , خلال رحلتنا اتعرضنا لمواقف صعبة بسبب تغير الجو في اليوم الواحد من صيف لشتاء لأمطار ثلجية . الحمدلله كنا مستعدين وفريق الارشاد هناك كان بيقدملنا الدعم في كل الاوقات .نصيحة متسمعش كلام حد بيقولك الطريق سهل وشنطة علي ظهرك وخلاص وتوفر فلوسك .. لو انت لوحدك واتعرضت لاي مشكلة صحية , مين حيساعدك ؟! لو توهت وسط الجبال دي حتعرف تتصرف أزاي في مكان لا فيه شبكة موبيل و لا حتى حد بيتكلم انجليزي. انت طريقك بين جبال وغابات وطبيعة ساحرة ومجنونة بجد . اوعي تخاطر بسلامتك ابدا .الطرق الجبلية اللي حتمر بيها هناك محتاجة مرشد وحمال معاك عشان مين بقدر يشيل شنطة 20 كيلو ويمشي بيها اكتر من 70 كيلو ؟!!
رحلتنا كانت 8 ايام منهم 5 ايام مشي بين الجبال. اول يوم بس مشينا وطلعنا 17 كيلو .منها مسافات كبيرة بين قري وبيوت جبليه ماهولة.. ومنها اماكن وعرة جدا. الحمد لله كنا مستعدين لكل الاحتمالات . والحمدلله البنات بالذات هما اكتر ناس رجعوا مرتاحين وشايفين انها رحلة ومغامرة العمر. حصل معانا مواقف كتير و رجعنا بقصص أكتر, كلها قصص تحدي , من أحد المواقف اللي حصلتلنا واحنا ماشيين في الغابات , مطرت علينا تلج . و المجموعه اتفرقت و مكان التجمع والاستراحة كان علي مسافة بعيدة , حتعرفوا حصل معانا ايه و اتجمعنا ازاي
. انت بجد في بلد مناخه متقلب وده اللي بيزود متعة المغامرة والادرينالين .
انتظروا الحكاية الاولي من حكايات نيبالية بالصور والاحداث والمغامرات.
#في_أحضان_الهيمالايا #travel_secrets
..مغامرة في احضان الهميلايا
بدأت المغامرة بفكرة ..وهدف واحد . وانتهت باهداف كتير اتحققت لكل شاب وكل بنت شاركونا في رحلة #travel_secrets
الفكرة كانت رحله مختلفه عن أي رحله سياحيه , رحله نهرب فيها من اجواء المدنية المزعجة بكل تفاصيلها ..نهرب للطبيعة الجبلية في أحضان جبال الهيمالايا وتتحداها بمغامرة صعبة حاولنا نقلل صعوبتها من خلال التنظيم الجيد والتعامل مع فريق مرشدين محترف هناك.
مجموعة كبيرة حاولت تكون متواجدة معانا في الرحلة من مصر وبره مصر . للاسف ظروف شخصية منعت انضمامهم لينا وبنشكرهم علي ثقتهم فينا. الجروب اتحرك من أغلب الدول العربيه و اتجمعنا كلنا في كاتماندو , و بدأت رحلتنا ب 13 مغامر , شباب و بنات و كمان راجل و مراته , منهم 4 بنات كسروا الخوف و اتحدوا نفسهم و اتحدوا الظروف , و وثقوا فينا و كانوا اول مرة يسافروا بره مصر. من بداية الرحله و بالفعل كلنا بقينا اخوات , شباب و بنات, و كان أمامنا هدف واحد اننا نكمل الرحله للاخر و نتحدى اي ظروف حتواجهنا .
الرحله مكنتش سهلة لكن في نفس الوقت كانت ممتعة , خلال رحلتنا اتعرضنا لمواقف صعبة بسبب تغير الجو في اليوم الواحد من صيف لشتاء لأمطار ثلجية . الحمدلله كنا مستعدين وفريق الارشاد هناك كان بيقدملنا الدعم في كل الاوقات .نصيحة متسمعش كلام حد بيقولك الطريق سهل وشنطة علي ظهرك وخلاص وتوفر فلوسك .. لو انت لوحدك واتعرضت لاي مشكلة صحية , مين حيساعدك ؟! لو توهت وسط الجبال دي حتعرف تتصرف أزاي في مكان لا فيه شبكة موبيل و لا حتى حد بيتكلم انجليزي. انت طريقك بين جبال وغابات وطبيعة ساحرة ومجنونة بجد . اوعي تخاطر بسلامتك ابدا .الطرق الجبلية اللي حتمر بيها هناك محتاجة مرشد وحمال معاك عشان مين بقدر يشيل شنطة 20 كيلو ويمشي بيها اكتر من 70 كيلو ؟!!
رحلتنا كانت 8 ايام منهم 5 ايام مشي بين الجبال. اول يوم بس مشينا وطلعنا 17 كيلو .منها مسافات كبيرة بين قري وبيوت جبليه ماهولة.. ومنها اماكن وعرة جدا. الحمد لله كنا مستعدين لكل الاحتمالات . والحمدلله البنات بالذات هما اكتر ناس رجعوا مرتاحين وشايفين انها رحلة ومغامرة العمر. حصل معانا مواقف كتير و رجعنا بقصص أكتر, كلها قصص تحدي , من أحد المواقف اللي حصلتلنا واحنا ماشيين في الغابات , مطرت علينا تلج . و المجموعه اتفرقت و مكان التجمع والاستراحة كان علي مسافة بعيدة , حتعرفوا حصل معانا ايه و اتجمعنا ازاي
. انت بجد في بلد مناخه متقلب وده اللي بيزود متعة المغامرة والادرينالين .انتظروا الحكاية الاولي من حكايات نيبالية بالصور والاحداث والمغامرات.
#في_أحضان_الهيمالايا #travel_secrets
