T
Travel Secrets
:: مسافر ::
للباحثين عن السعادة 
تفتكر السعاده انك تشتري موبيل جديد , تلفزيون جديد , أو حتى لبس جديد , و لا انك تجرب حاجه جديده في حياتك و تسافر لمكان طول عمرك بتحلم تشوفه , هل السعاده في امتلاكك حاجه ماديه متعتها مؤقته , و لا السعاده في التجارب اللي بتكون شخصيتك و تخليك بني أدم أفضل , هل السعادة أنك تروح كل يوم نفس الكافيه علشان تشوف نفس الناس و تعمل نفس اللي بتعمله كل يوم , و لا السعاده انك تروح مكان تكون اول واحد رحته من اصحابك و تتعرف فيه على ناس و جنسيات و ثقافات جديدة !!!....
السعاده في رأيي هي الذكريات و اللحظات الحلوة اللي بتمر علينا و نفضل فاكرينها طول حياتنا, لحظة انك تشوف الثلج لأول مره , لحظة دخولك ديزني لاند و خروج الطفل اللي جواك , لحظة متابعتك لشروق الشمس على جبال الهيمالايا , لحظة انك تنط بباراشوت من طياره فوق جزيرة لانكاوي , لحظات و لحظات بتمر علينا و بتمثل ذكرياتنا السعيده .
تصدق ان في حياتك اليومية بمجرد تفكيرك في الذكريات السعيده اللي أكتسبتها من رحلاتك, بيتم افراز مادة السيروتنين في دماغك و ده بيساعدك أنك تسيطر على تفكيرك و تفكر بشكل ابداعي أكتر و بيساعدك تتجاوز كل المشاعر السلبيه , علشان كده اللي بيسافر كتير و عنده مخزون ممتاز من اللحظات و الذكريات السعيده غالبا بيكون ناجح جدا في حياته و بيفكر بشكل ايجابي و مبدع, بعكس اللي بيلف جوا الدايره بتاعته و مش عاوز يطلع منها .
خلاصه الموضوع : ان السفر بيضيفلك حاجة جديدة ويستاهل فعلا انك تستثمر فيه لان دا الى حيكون شخصيتك و يزود مخزونك من اللحظات و الذكريات السعيده , اللي حتقدر بيها تواجه ضغوط المجتمع و الطاقة السلبيه اللي محوطانا من كل مكان.
By: Bahaa Aldeen Farouk
#السفر_سعادة #travel_secrets
تفتكر السعاده انك تشتري موبيل جديد , تلفزيون جديد , أو حتى لبس جديد , و لا انك تجرب حاجه جديده في حياتك و تسافر لمكان طول عمرك بتحلم تشوفه , هل السعاده في امتلاكك حاجه ماديه متعتها مؤقته , و لا السعاده في التجارب اللي بتكون شخصيتك و تخليك بني أدم أفضل , هل السعادة أنك تروح كل يوم نفس الكافيه علشان تشوف نفس الناس و تعمل نفس اللي بتعمله كل يوم , و لا السعاده انك تروح مكان تكون اول واحد رحته من اصحابك و تتعرف فيه على ناس و جنسيات و ثقافات جديدة !!!....
السعاده في رأيي هي الذكريات و اللحظات الحلوة اللي بتمر علينا و نفضل فاكرينها طول حياتنا, لحظة انك تشوف الثلج لأول مره , لحظة دخولك ديزني لاند و خروج الطفل اللي جواك , لحظة متابعتك لشروق الشمس على جبال الهيمالايا , لحظة انك تنط بباراشوت من طياره فوق جزيرة لانكاوي , لحظات و لحظات بتمر علينا و بتمثل ذكرياتنا السعيده .
تصدق ان في حياتك اليومية بمجرد تفكيرك في الذكريات السعيده اللي أكتسبتها من رحلاتك, بيتم افراز مادة السيروتنين في دماغك و ده بيساعدك أنك تسيطر على تفكيرك و تفكر بشكل ابداعي أكتر و بيساعدك تتجاوز كل المشاعر السلبيه , علشان كده اللي بيسافر كتير و عنده مخزون ممتاز من اللحظات و الذكريات السعيده غالبا بيكون ناجح جدا في حياته و بيفكر بشكل ايجابي و مبدع, بعكس اللي بيلف جوا الدايره بتاعته و مش عاوز يطلع منها .
خلاصه الموضوع : ان السفر بيضيفلك حاجة جديدة ويستاهل فعلا انك تستثمر فيه لان دا الى حيكون شخصيتك و يزود مخزونك من اللحظات و الذكريات السعيده , اللي حتقدر بيها تواجه ضغوط المجتمع و الطاقة السلبيه اللي محوطانا من كل مكان.
By: Bahaa Aldeen Farouk
#السفر_سعادة #travel_secrets