ا
ام طه
:: مسافر ::
رحلتنا إلى تركيا
في نهاية 2013 وبداية 2014 سافرنا لتركيا ✈
نذكر موقف صار معنا أيام مظاهرات الاتراك ضد اردوغان وكان من اصعب المواقف اللي مريت بها في السفر
وكنا خاشين للمول في شارع الاستقلال نحن خشينا من هنا وقعدت نطلع في كم حاجة عجبتني نبي نقيسهن
وقعدنا نسمعوا في صوت المتظاهرين يقرب والشرطة في جرتهم وقعدوا ويطلقوا في غازات
طبعا اصحاب المول طول قعدوا يسكروا في البيبان متاع المول بالسلاسل وقعدوا الناس داخل المول مرعبوبين
في الاول أنا ما خفتش واجد بس لما قعد الدخان متاع الغاز يخش حتي من الفتحات متاع القزاز وبدينا نشرقوا ننقاني ركبني الرعب ونحساب الغاز سام ونحساب روحي نبي نموت أنا وعويلتي اختناق وقعدت انادي علي راجلي باعلى صوتي وهو راكب في الدور الخامس اللي كان مخصص لملابس الرجالية
ومن ذاهب الشيرة كنت ماسكة الدبش في يدي اللي كنت ناويه نشريه قبل ما تبدأ الطحنة ونسيتهن في يدي مرة واحدة
ع المهم راجالي يسمع فيه انادي نزل يجرى وسيب الشراء حتى هو
وقعدت نكلم في الموظفة اللي تبيع تدلني ع باب خلفي ع شان نهربوا منه وفعلا دلتنا وأنا طالعة بالدبش ماسكته في يدي والمراه تبحت فيه بنظرة وين طالعة بيه حسيت منظري سخيف تحسابني نبي نهرب بالدبش
ع المهم عطيتها الدبش واعتذرتلتها ع السريع وطلعنا جري في الشارع وكان فاضي
ونحن في عز الجري نسمعوا في صوت الشرطة تجري وراء واحدين قربب مننا خشينا لاول عمارة قديمة وركبنا لدور الاول وشكلها قهوة خشينا فيها
نحن خشينا وشكلها قهوة مش تمام لان اشكال البنات اللي مقعمزات فيها شكلهن بنات ليل المهم قعدنا نرعشوا وقعد الدخان متاع الغاز يخش حتي من رواشن القهوة لقينا القرصون قعد يعطي فينا في مناديل مبلولة ونغموا بهن في خشومنا
وهربنا من القهوة المشبوهه بعد تباعد صوت الشرطة
ع المهم جرينا جري في الشارع وكان فاضي لعند ما وصلنا لشارع رائسي وشفنا الشرطة وافقة قعدنا نعطيولهم من بعيد We are form libya
ما كلمونش ورونا من وين نطلعوا وكان من المواقف الصعبة اللي مستحيل ننساها لدرجة ان ولدي صغير كان عمره حوالي 4 سنوات صارتله فوبيا من شارع الاستقلال وحرم علينا نمشوا في هذك الجهه
بس في القصة كلها مش واجعتني الا حاجتين نظرة المراه ليه اللي تحسابني نبي نهرب بالدبش
وجعني اللبسات كان خاطري فيهن وما شريتهنش
في نهاية 2013 وبداية 2014 سافرنا لتركيا ✈
نذكر موقف صار معنا أيام مظاهرات الاتراك ضد اردوغان وكان من اصعب المواقف اللي مريت بها في السفر
وكنا خاشين للمول في شارع الاستقلال نحن خشينا من هنا وقعدت نطلع في كم حاجة عجبتني نبي نقيسهن
وقعدنا نسمعوا في صوت المتظاهرين يقرب والشرطة في جرتهم وقعدوا ويطلقوا في غازات
طبعا اصحاب المول طول قعدوا يسكروا في البيبان متاع المول بالسلاسل وقعدوا الناس داخل المول مرعبوبين
في الاول أنا ما خفتش واجد بس لما قعد الدخان متاع الغاز يخش حتي من الفتحات متاع القزاز وبدينا نشرقوا ننقاني ركبني الرعب ونحساب الغاز سام ونحساب روحي نبي نموت أنا وعويلتي اختناق وقعدت انادي علي راجلي باعلى صوتي وهو راكب في الدور الخامس اللي كان مخصص لملابس الرجالية
ومن ذاهب الشيرة كنت ماسكة الدبش في يدي اللي كنت ناويه نشريه قبل ما تبدأ الطحنة ونسيتهن في يدي مرة واحدة
ع المهم راجالي يسمع فيه انادي نزل يجرى وسيب الشراء حتى هو
وقعدت نكلم في الموظفة اللي تبيع تدلني ع باب خلفي ع شان نهربوا منه وفعلا دلتنا وأنا طالعة بالدبش ماسكته في يدي والمراه تبحت فيه بنظرة وين طالعة بيه حسيت منظري سخيف تحسابني نبي نهرب بالدبش
ع المهم عطيتها الدبش واعتذرتلتها ع السريع وطلعنا جري في الشارع وكان فاضي
ونحن في عز الجري نسمعوا في صوت الشرطة تجري وراء واحدين قربب مننا خشينا لاول عمارة قديمة وركبنا لدور الاول وشكلها قهوة خشينا فيها
نحن خشينا وشكلها قهوة مش تمام لان اشكال البنات اللي مقعمزات فيها شكلهن بنات ليل المهم قعدنا نرعشوا وقعد الدخان متاع الغاز يخش حتي من رواشن القهوة لقينا القرصون قعد يعطي فينا في مناديل مبلولة ونغموا بهن في خشومنا
وهربنا من القهوة المشبوهه بعد تباعد صوت الشرطة
ع المهم جرينا جري في الشارع وكان فاضي لعند ما وصلنا لشارع رائسي وشفنا الشرطة وافقة قعدنا نعطيولهم من بعيد We are form libya
ما كلمونش ورونا من وين نطلعوا وكان من المواقف الصعبة اللي مستحيل ننساها لدرجة ان ولدي صغير كان عمره حوالي 4 سنوات صارتله فوبيا من شارع الاستقلال وحرم علينا نمشوا في هذك الجهه
بس في القصة كلها مش واجعتني الا حاجتين نظرة المراه ليه اللي تحسابني نبي نهرب بالدبش
وجعني اللبسات كان خاطري فيهن وما شريتهنش