T
Travel Secrets
:: مسافر ::
مغامرة في أحضان الهيمالايا ( الحلقة الثانية )
الساعة 8 بليل في منطقة من جبال الهملايا.
الحدث: مجموعة من 4 افراد منهم بنات لسه موصلتش للفندق. بعد غياب الشمس. بساعة.
و الخطورة عالية جدا نظرا لوعورة الطريق الصاعد للجبل الموجود وسط قري جبلية وعرة وعدم وجود اي اضاءة ترشد المجموعة الباقية لمكان الفندق
............
بدأنا اليوم التاني من الرحلة متجهين لمدينة بوخارا الجميلة بالباص الخاص بالجروب .الطريق طويل جدا .المناظر جميلة بس يعيبه الزحمة وانه طريق بدائي جدا .لدرجه ان مسافة 200 كيلو محتاجة 7 ساعات . و لكن قضينا الوقت مبسوطين و مستمتعين بالمناظر الطبيعيه
بعد الوصول للفندق .بسرعة علي بحيرة فيوا لعمل جولة بالمراكب وكانت من امتع اللحظات فعلا.
..........................
بداية الرحلة الحقيقية والتحدي ..
كل الجروب جاهز للمغامرة الحقيقية ورحلة المشي الجبلي لمده 5 ايام .. المخاطرة ارتفعت ..ابتداء من اللحظة دي مفيش اي وسيلة مواصلات غير رجليك بس.. انت حتعيش الحياة زي ما السكان الاصليين عايشنها . .الرحلة طويلة ومسافة المشي والصعود حوالي 17 كيلو أول يوم بس !!
وفيهم 3500 درجة سلم لازم تطلعها لو حبيت توصل وتكمل رحلة المشي لمسافة 70 كيلو علي 5 ايام
بدات الرحلة من منطقة نيابول وطول الطريق المناظر والطبيعية. ومشاهده القري الجبلية الجميلة تخليك تنسي التعب والمجهود..فريق المرشدين متوزع مع كل المجموعات لاختلاف سرعة كل مجموعة. و الحمالين معانا شايلين كل الشنط بتاعتنا علشان نستمتع أحنا بالمناظر الطبيعية بدون ارهاق اضافي على الرحلة .
فجأه تنزل علينا أمطار شديدة ( ثلج و رياح قوية جدا ) , و بسبب صعوبة الرؤيه المجموعه بدأت تتوه عن بعض , ويبتدي القلق . مجموعة حاولت تستخبي من المطر الجامد جوه استراحة , ونفاجئ كلنا ان قوة المطر اقوي من السقف اللي احنا واقفين تحته ..وتضطر مجموعتنا الصغيرة انها تدخل غرفة تداري اكتر ..بس من قوة العاصفة فتحت شبابيك الغرفة و بدأ الثلج يدخل من كل مكان..ويزيد القلق و الاحوال الجوية الصعبة من صعوبة الطريق . و زاد القلق أكثر لما المجموعة التانيه أتاخرت أكتر من ساعة وسط العاصفة و بدأت الشمس تغرب بالفعل و الظلام خيم على المكان , و المنطقة دي من الجبل مافيهاش اي مصدر للاضاءة طول الطريق.
ينتهي الموقف بسؤال للمرشد عن المسافة الباقية للوصول للفندق فيشاورلنا علي تلة بعييدة علي قمة جبل .
موضوع التريكنج في الهيمالايا مش سهل لكن هو تحدي جسماني و ذهني من الممتع انك تجربه بنفسك و لكن لسلامتك أنصحك يكون معاك مرشد أو دليل متمرس جدا في المنطقه دي ..
المشكله ان فيه مجموعة لسه موصلتش و فيها بنات, أتأخروا حوالي ساعة و الدنيا ضلمت وحاسس ان فيه حاجة مش مريحة حتحصل , ربنا يستر بجد .
أستنوا الحلقة الجاية علشان تعرفوا حصلهم ايه .
By: Haitham & Bahaa
#مغامرة_نيبال #travel_secrets
الساعة 8 بليل في منطقة من جبال الهملايا.
الحدث: مجموعة من 4 افراد منهم بنات لسه موصلتش للفندق. بعد غياب الشمس. بساعة.
و الخطورة عالية جدا نظرا لوعورة الطريق الصاعد للجبل الموجود وسط قري جبلية وعرة وعدم وجود اي اضاءة ترشد المجموعة الباقية لمكان الفندق
............
بدأنا اليوم التاني من الرحلة متجهين لمدينة بوخارا الجميلة بالباص الخاص بالجروب .الطريق طويل جدا .المناظر جميلة بس يعيبه الزحمة وانه طريق بدائي جدا .لدرجه ان مسافة 200 كيلو محتاجة 7 ساعات . و لكن قضينا الوقت مبسوطين و مستمتعين بالمناظر الطبيعيه
بعد الوصول للفندق .بسرعة علي بحيرة فيوا لعمل جولة بالمراكب وكانت من امتع اللحظات فعلا.
..........................
بداية الرحلة الحقيقية والتحدي ..
كل الجروب جاهز للمغامرة الحقيقية ورحلة المشي الجبلي لمده 5 ايام .. المخاطرة ارتفعت ..ابتداء من اللحظة دي مفيش اي وسيلة مواصلات غير رجليك بس.. انت حتعيش الحياة زي ما السكان الاصليين عايشنها . .الرحلة طويلة ومسافة المشي والصعود حوالي 17 كيلو أول يوم بس !!
وفيهم 3500 درجة سلم لازم تطلعها لو حبيت توصل وتكمل رحلة المشي لمسافة 70 كيلو علي 5 ايام
بدات الرحلة من منطقة نيابول وطول الطريق المناظر والطبيعية. ومشاهده القري الجبلية الجميلة تخليك تنسي التعب والمجهود..فريق المرشدين متوزع مع كل المجموعات لاختلاف سرعة كل مجموعة. و الحمالين معانا شايلين كل الشنط بتاعتنا علشان نستمتع أحنا بالمناظر الطبيعية بدون ارهاق اضافي على الرحلة .
فجأه تنزل علينا أمطار شديدة ( ثلج و رياح قوية جدا ) , و بسبب صعوبة الرؤيه المجموعه بدأت تتوه عن بعض , ويبتدي القلق . مجموعة حاولت تستخبي من المطر الجامد جوه استراحة , ونفاجئ كلنا ان قوة المطر اقوي من السقف اللي احنا واقفين تحته ..وتضطر مجموعتنا الصغيرة انها تدخل غرفة تداري اكتر ..بس من قوة العاصفة فتحت شبابيك الغرفة و بدأ الثلج يدخل من كل مكان..ويزيد القلق و الاحوال الجوية الصعبة من صعوبة الطريق . و زاد القلق أكثر لما المجموعة التانيه أتاخرت أكتر من ساعة وسط العاصفة و بدأت الشمس تغرب بالفعل و الظلام خيم على المكان , و المنطقة دي من الجبل مافيهاش اي مصدر للاضاءة طول الطريق.
ينتهي الموقف بسؤال للمرشد عن المسافة الباقية للوصول للفندق فيشاورلنا علي تلة بعييدة علي قمة جبل .
موضوع التريكنج في الهيمالايا مش سهل لكن هو تحدي جسماني و ذهني من الممتع انك تجربه بنفسك و لكن لسلامتك أنصحك يكون معاك مرشد أو دليل متمرس جدا في المنطقه دي ..
المشكله ان فيه مجموعة لسه موصلتش و فيها بنات, أتأخروا حوالي ساعة و الدنيا ضلمت وحاسس ان فيه حاجة مش مريحة حتحصل , ربنا يستر بجد .
أستنوا الحلقة الجاية علشان تعرفوا حصلهم ايه .
By: Haitham & Bahaa
#مغامرة_نيبال #travel_secrets
