T
Travel Secrets
:: مسافر ::
الصيف بدء و ناس كتير بتفكر تسافر بره و تركيا تعتبر أختيار مناسب أوي لأصحاب الميزانيه البسيطه , البوست ده فيه كل المعلومات المحتاج تعرفها عن الفيزا و التصريح الأمني لتركيا :
و مبدئيا قبل ما تكمل قراءة أتمنى من حضرتك تعمل شير في ثانيه واحده لأن البوست أكيد حيفيد حد من أصحابك
فيزا تركيا 3 حالات , شوف انت مين فيهم :
الحالة الأولى : سنك أقل من 20 سنه أو أكتر من 45 سنه , أو معاك فيزا شنجن أو أمريكا صالحه , يبقى حتعمل الفيزا أون لاين من الموقع ده /Electronic Visa Application System , و دي سعرها 20 دولار فقط بتدفعها بالفيزا أو الماستر كارد , بس خلي بالك لازم تكون حاجز تذكره على أحد الخطوط دي : Turkish Airlines, Pegasus Airlines, Onur Air or Egypt Air , و يكون معاك حجز فندق خلال فترة اقامتك في تركيا , و باسبورك صالح على الاقل 6 شهور , بتعمل الخطوات بكل سهوله من على الموقع و بتجيلك الفيزا على الايميل خلال دقيقتين تطبعها و كده احنا خلصنا
الحالة التانيه : لو مكتوب في باسبورك مهنه يبقى حتعمل فيزا سياحه من السفاره التركيه و خطواتها كالتالي:
- الأوراق المطلوبة ( جواز سفر ساري المفعول و صالح أقل شيء 6 شهور - كشف حساب بنكي على اخر 6 شهور فيه مبلغ مش اقل من 10.000 جنيه و يكون عليه عمليات سحب وايداع كويسه ، لو في حالة انك قاصر أو كنتي بنت غير متزوجه ينفع حساب الوالد أو الوالدة او دفتر توفير أو اي إثبات أملاك , خطاب من العمل ، و لو انت طالب أو طالبة بتجيب شهادة قيد من الجامعة - حجز طيران وفندق مبدئي - تأمين طبي و ده بيتعمل في مصر للتأمين مثلا أو أي مكتب تأمين - صورتين شخصيتين 4*6 ).
- خطوات التقديم على الفيزا من خلال الموقع الرسمي للسفاره من هنا: /T.C. Dışişleri Bakanlığı Konsolosluk İşlemleri
حتعمل سكان لكل الأوراق على الموقع و تكمل الخطوات أون لاين وتاخد ميعاد علشان تروح تقدم فى السفارة والإستلام بيكون بعد 3 أيام عمل,
- بعد ما حتحدد الموعد حتروح السفاره سواء في القاهره أو الاسكندريه و تاخد كل الورق ده معاك تاني و تسلمه في السفاره و بعد 3 ايام عمل ان شاء الله تستلم الفيزا . ملحوظة : لازم ورقة الميعاد علشان تعرف تدخل السفارة , والتكلفة 470 جنيه للدخول مرة واحده ، والفيزا المتعددة بـ 1570 جنيه.
الحالة الثالثة : لو أنت طالب أو مكتوب في باسبورك حاصل على ( .... ) يبقى لازم تطلع فيزا زياره مش سياحه علشان تعرف تاخد تصريح أمني, و هي نفس الخطوات السابقه و لكن بتزيد على الأوراق المطلوب : دعوة من شركة في تركيا و الفيزا مش بتكون بغرض السياحه بتعملها زياره و دي ممكن تتعمل عن طريق بعض شركات السياحه في مصر.
كده احنا خلصنا الفيزا حنروح بقى علشان نعمل التصريح الأمني من مجمع التحرير
التصريح الأمني :
أي حد سنه من 18 الى 40 سنه مهما كانت مهنته أو شهادته لازم يطلع تصريح امني للسفر الى تركيا بس ليها حالتين :
الحالة الأولى : لو مكتوب مهنه في جواز سفرك : تقدر تعمل فيزا سياحة أو زيارة أو عمل من سفارة تركيا
الحالة الثانية : لو مكتوب في جواز سفرك طالب أو حاصل على ( ... ) , يبقى لازم تطلع فيزا زياره فقط للحصول على تصريح أمني
طيب اجراءات التصريح الأمني ايه : تصور الفيزا و الباسبور و تاخد معاك نص جنيه و تروح مجمع التحرير , الدور الأول , مكتب رقم 15 ( مكتب ظابط الاتصال ) و تقدم على التصريح و تستلمه ان شاء الله بعد 4 ايام تقريبا و بتكون صالحيته شهرين من تاريخ الاستلام
By: Bahaa
#فيزا_تركيا #travel_secrets
و مبدئيا قبل ما تكمل قراءة أتمنى من حضرتك تعمل شير في ثانيه واحده لأن البوست أكيد حيفيد حد من أصحابك
فيزا تركيا 3 حالات , شوف انت مين فيهم :
الحالة الأولى : سنك أقل من 20 سنه أو أكتر من 45 سنه , أو معاك فيزا شنجن أو أمريكا صالحه , يبقى حتعمل الفيزا أون لاين من الموقع ده /Electronic Visa Application System , و دي سعرها 20 دولار فقط بتدفعها بالفيزا أو الماستر كارد , بس خلي بالك لازم تكون حاجز تذكره على أحد الخطوط دي : Turkish Airlines, Pegasus Airlines, Onur Air or Egypt Air , و يكون معاك حجز فندق خلال فترة اقامتك في تركيا , و باسبورك صالح على الاقل 6 شهور , بتعمل الخطوات بكل سهوله من على الموقع و بتجيلك الفيزا على الايميل خلال دقيقتين تطبعها و كده احنا خلصنا
الحالة التانيه : لو مكتوب في باسبورك مهنه يبقى حتعمل فيزا سياحه من السفاره التركيه و خطواتها كالتالي:
- الأوراق المطلوبة ( جواز سفر ساري المفعول و صالح أقل شيء 6 شهور - كشف حساب بنكي على اخر 6 شهور فيه مبلغ مش اقل من 10.000 جنيه و يكون عليه عمليات سحب وايداع كويسه ، لو في حالة انك قاصر أو كنتي بنت غير متزوجه ينفع حساب الوالد أو الوالدة او دفتر توفير أو اي إثبات أملاك , خطاب من العمل ، و لو انت طالب أو طالبة بتجيب شهادة قيد من الجامعة - حجز طيران وفندق مبدئي - تأمين طبي و ده بيتعمل في مصر للتأمين مثلا أو أي مكتب تأمين - صورتين شخصيتين 4*6 ).
- خطوات التقديم على الفيزا من خلال الموقع الرسمي للسفاره من هنا: /T.C. Dışişleri Bakanlığı Konsolosluk İşlemleri
حتعمل سكان لكل الأوراق على الموقع و تكمل الخطوات أون لاين وتاخد ميعاد علشان تروح تقدم فى السفارة والإستلام بيكون بعد 3 أيام عمل,
- بعد ما حتحدد الموعد حتروح السفاره سواء في القاهره أو الاسكندريه و تاخد كل الورق ده معاك تاني و تسلمه في السفاره و بعد 3 ايام عمل ان شاء الله تستلم الفيزا . ملحوظة : لازم ورقة الميعاد علشان تعرف تدخل السفارة , والتكلفة 470 جنيه للدخول مرة واحده ، والفيزا المتعددة بـ 1570 جنيه.
الحالة الثالثة : لو أنت طالب أو مكتوب في باسبورك حاصل على ( .... ) يبقى لازم تطلع فيزا زياره مش سياحه علشان تعرف تاخد تصريح أمني, و هي نفس الخطوات السابقه و لكن بتزيد على الأوراق المطلوب : دعوة من شركة في تركيا و الفيزا مش بتكون بغرض السياحه بتعملها زياره و دي ممكن تتعمل عن طريق بعض شركات السياحه في مصر.
كده احنا خلصنا الفيزا حنروح بقى علشان نعمل التصريح الأمني من مجمع التحرير
التصريح الأمني :
أي حد سنه من 18 الى 40 سنه مهما كانت مهنته أو شهادته لازم يطلع تصريح امني للسفر الى تركيا بس ليها حالتين :
الحالة الأولى : لو مكتوب مهنه في جواز سفرك : تقدر تعمل فيزا سياحة أو زيارة أو عمل من سفارة تركيا
الحالة الثانية : لو مكتوب في جواز سفرك طالب أو حاصل على ( ... ) , يبقى لازم تطلع فيزا زياره فقط للحصول على تصريح أمني
طيب اجراءات التصريح الأمني ايه : تصور الفيزا و الباسبور و تاخد معاك نص جنيه و تروح مجمع التحرير , الدور الأول , مكتب رقم 15 ( مكتب ظابط الاتصال ) و تقدم على التصريح و تستلمه ان شاء الله بعد 4 ايام تقريبا و بتكون صالحيته شهرين من تاريخ الاستلام
By: Bahaa
#فيزا_تركيا #travel_secrets