T
Travel Secrets
:: مسافر ::
لف باريس كلها ب 17 جنيه
طريقه جديده علشان تتفرج على مدينة الأضواء باريس بأرخص سعر , تصدق انك ممكن تتنقل في كل باريس و تلف بين كل معالمها و كل ده مش حيكلفك أكتر من 17 جنيه في اليوم او 80 جنيه في الأسبوع
الحل مع خدمة Vélib :
دي خدمة تأجير دراجات هوائية ( عجل يعني ) وفرتها بلدية باريس من سنة 2007 علشان تحافظ على البيئه و تتفرج على باريس بأرخص سعر و كمان تخليك تخس شوية
النظام ده معتمد أنك بتاخد عجلة من محطه و تلف بيها زي ما انت عاوز و ترجعها محطه تانيه أو نفس المحطه و هكذا , تقدر تستخدم الخدمة دي 24/7 على مدار الأسبوع
الخدمة دي بتوفرلك استخدام اكتر من 23600 عجلة في باريس متوزعه في اكتر من 1800 محطه في كل ضواحي باريس , بين كل محطه و التانيه مش اكتر من 300 متر. الحلو في الموضوع أنك مش حتحمل هم انك ترجع العجله لنفس المكان أو حتخاف تسيبها في الشارع لا تتسرق , كل اللي عليك انك توديها لأقرب محطه ليك و كده انت في السليم 
طريقة استخدامها بسيطه جدا : كل اللي انت بتعمله انك بتدخل على الموقع ده : /Paris - Vélib' - vélos en libre-service à Paris - Site Officiel و تسجل عليه و تشترك يوم أو اسبوع و تدفع بالكريدت كارد , حيبعتولك رقم سري و هو ده حيكون مفتاحك لاستخدام الخدمه دي من اي محطه في باريس.
الخدمه دي كمان متوفره على أبليكشن على الموبيل بيوضحلك أقرب محطه ليك و الباقي من مدة اشتراكك و مدى توفر العجل في المحطه دي .
يعني حتلف باريس و حتوفر و تتحرك براحتك و تعمل رياضه و تدعيلي
By: Bahaa
#لف_باريس_بالعجله #travel_secrets
طريقه جديده علشان تتفرج على مدينة الأضواء باريس بأرخص سعر , تصدق انك ممكن تتنقل في كل باريس و تلف بين كل معالمها و كل ده مش حيكلفك أكتر من 17 جنيه في اليوم او 80 جنيه في الأسبوع
الحل مع خدمة Vélib :
دي خدمة تأجير دراجات هوائية ( عجل يعني ) وفرتها بلدية باريس من سنة 2007 علشان تحافظ على البيئه و تتفرج على باريس بأرخص سعر و كمان تخليك تخس شوية
النظام ده معتمد أنك بتاخد عجلة من محطه و تلف بيها زي ما انت عاوز و ترجعها محطه تانيه أو نفس المحطه و هكذا , تقدر تستخدم الخدمة دي 24/7 على مدار الأسبوع
الخدمة دي بتوفرلك استخدام اكتر من 23600 عجلة في باريس متوزعه في اكتر من 1800 محطه في كل ضواحي باريس , بين كل محطه و التانيه مش اكتر من 300 متر. الحلو في الموضوع أنك مش حتحمل هم انك ترجع العجله لنفس المكان أو حتخاف تسيبها في الشارع لا تتسرق
, كل اللي عليك انك توديها لأقرب محطه ليك و كده انت في السليم طريقة استخدامها بسيطه جدا : كل اللي انت بتعمله انك بتدخل على الموقع ده : /Paris - Vélib' - vélos en libre-service à Paris - Site Officiel و تسجل عليه و تشترك يوم أو اسبوع و تدفع بالكريدت كارد , حيبعتولك رقم سري و هو ده حيكون مفتاحك لاستخدام الخدمه دي من اي محطه في باريس.
الخدمه دي كمان متوفره على أبليكشن على الموبيل بيوضحلك أقرب محطه ليك و الباقي من مدة اشتراكك و مدى توفر العجل في المحطه دي .
يعني حتلف باريس و حتوفر و تتحرك براحتك و تعمل رياضه و تدعيلي
By: Bahaa
#لف_باريس_بالعجله #travel_secrets