T
Travel Secrets
:: مسافر ::
زي ما عودناكم دايما اننا نشرحلكم كل التطورات الخاصه بالسفر , و لاننا دايما بنوصل المعلومه كامله ، عمرو الشريف ( مدير أحد البنوك في مصر ) حيشرحلكم القرار اللي اصدره البنك المركزي امبارح عن وقف التعامل بالديبت كارد ( كارت الخصم المباشر ) و البريبيد كارت ( الكارت المدفوع مقدما) في التعاملات خارج مصر بالعملات الاجنبيه
أولا فيه في مصر 3 انواع كروت بيتم اصدارهم و التعامل بيهم خارج مصر اشهرهم :
1) الكريدت كارت Credit card ( كارت الائتماني ) و ده بيكون كارت بلاستيك بحد سحب كاش او مشتريات معين و بيتم سداد فاتورته بعد 55 يوم و ممكن تسدد 5% علي الاقل من فاتورتك و باقي المبلغ بيتحسب عليه فوائد لو ما تمش سداده , و ده بيطلع اما بضمان فلوس في البنك سواء شهادات استثمار او ودائع او حساب توفير و بيكون تقريبا 90% حد الائتماني بتاعه من الفلوس الموجوده في البنك و اللي بيتم التحفظ عليها لصالح الكارت او بيتم اصدار الكارت من غير ضمان نقدي بس لازم يكون عندك مرتب و بيتحول للبنك و حاجات من دي اجراءات كثيره له – الكارت ده ما اتوقفش استعماله بالعملات الاجنبيه خارج مصر يعني زي ما احنا بس حاطيين حد سحب نقدي له حوالي 200 دولار في اليوم لو بتسحب بيه كاش من ماكينه البنك و انت مسافر انما ممكن تشتري بيه او تحجز طيران او فنادق بدون حد اقصي انشالله بمليون دولار لو حد الكارت بتاعك يسمح بكده و في الحاله دي البنك بيحاسبك بسعر الدولار الرسمي مقابل الجنيه و يزود عليه 3.5% يعني حوالي الدولار بيقف بسعر 9.20 جنيه , و ده شغال و لم يتوقف وقفه
2) الديبت الكارت Debit Card اللي اتوقف استعماله في السفر او في حجز الانترنت او اي تعامل بالعملات الاجنبيه ده كارت خصم مباشر يعني كارت بلاستيك بيسحب من رصيدك اللي في البنك مباشرة في ساعتها , يعني الكارت ده اصلا اخترعوه علشان الناس تسحب بيه كاش من المكينات بدل الدخول للبنك , و البنوك بيدوا دايما مع حسابات تحويل المرتبات و شويه شويه الكارت ده اصبح كارت ممكن تشتري بيه و يخصم من رصيدك زي ما بتسحب بيه كاش و شويه شويه كمان اصبح الكارت ده مفتوح بره مصر للشراء او السحب بالعملات الاجنبيه و ده اللي اتوقف .
3) البرييبد كارت prepaid card او الكارت مدفوع مقدما دي للناس اللي معندهاش و لا ديبت و لا كريدت كارد و عايزه تعمل معاملات علي النت من شرا او حجز فنادق فبتروح البنك و تطلع كارت بتاخده في ساعتها و تشحنه بمبلغ معين و تشتري بيه من النت و لما الفلوس اللي فيه تخلص بتشحنه تاني و هكذا و ده نسبه قليله من الناس عارفه بيه لان يمكن 4 بنوك في مصر بس اللي بتطلعه , و ده بردة حيتوقف استخدامه للأسف.
طيب تعرف منين اذا كان الكارت اللي معاك كريدت كارد و لا ديبيت كارد , لو مكتوب على الكارت كلمة debit أو electronic use only يعني الكارت ده ديبيت كارد و ده اللي المفروض حيتوقف من الاستخدام اون لاين
لو الكارت اللي معاك عليه شعار فيزا او ماستر كارد فقط يبقى كريدت كارد , و ده شغال في السحب اون لاين
يارب تكون الامور وضحت شويه للناس مع اني عارف ان قرار زي ده حيضر ناس كتير و انا أولهم , لكن الحمد لله الكريدت كارد شغال و تقدر تحجز و تسافر بدون مشاكل
ملحوظة : البوست مش مع القرار لأننا جميعا متضررين منه و لا مع الكروت الربوية و لا تسويق لكروت معينه , البوست فقط لتوضيح الفرق بين الكروت و ايه اللي شغال و ايه اللي اتوقف , و ان شاء الله يكون قرار متسرع و يرجعوا في قرارهم تاني
By: عمرو الشريف
#وقف_كروت_الائتمان #travel_secrets
أولا فيه في مصر 3 انواع كروت بيتم اصدارهم و التعامل بيهم خارج مصر اشهرهم :
1) الكريدت كارت Credit card ( كارت الائتماني ) و ده بيكون كارت بلاستيك بحد سحب كاش او مشتريات معين و بيتم سداد فاتورته بعد 55 يوم و ممكن تسدد 5% علي الاقل من فاتورتك و باقي المبلغ بيتحسب عليه فوائد لو ما تمش سداده , و ده بيطلع اما بضمان فلوس في البنك سواء شهادات استثمار او ودائع او حساب توفير و بيكون تقريبا 90% حد الائتماني بتاعه من الفلوس الموجوده في البنك و اللي بيتم التحفظ عليها لصالح الكارت او بيتم اصدار الكارت من غير ضمان نقدي بس لازم يكون عندك مرتب و بيتحول للبنك و حاجات من دي اجراءات كثيره له – الكارت ده ما اتوقفش استعماله بالعملات الاجنبيه خارج مصر يعني زي ما احنا بس حاطيين حد سحب نقدي له حوالي 200 دولار في اليوم لو بتسحب بيه كاش من ماكينه البنك و انت مسافر انما ممكن تشتري بيه او تحجز طيران او فنادق بدون حد اقصي انشالله بمليون دولار لو حد الكارت بتاعك يسمح بكده و في الحاله دي البنك بيحاسبك بسعر الدولار الرسمي مقابل الجنيه و يزود عليه 3.5% يعني حوالي الدولار بيقف بسعر 9.20 جنيه , و ده شغال و لم يتوقف وقفه
2) الديبت الكارت Debit Card اللي اتوقف استعماله في السفر او في حجز الانترنت او اي تعامل بالعملات الاجنبيه ده كارت خصم مباشر يعني كارت بلاستيك بيسحب من رصيدك اللي في البنك مباشرة في ساعتها , يعني الكارت ده اصلا اخترعوه علشان الناس تسحب بيه كاش من المكينات بدل الدخول للبنك , و البنوك بيدوا دايما مع حسابات تحويل المرتبات و شويه شويه الكارت ده اصبح كارت ممكن تشتري بيه و يخصم من رصيدك زي ما بتسحب بيه كاش و شويه شويه كمان اصبح الكارت ده مفتوح بره مصر للشراء او السحب بالعملات الاجنبيه و ده اللي اتوقف .
3) البرييبد كارت prepaid card او الكارت مدفوع مقدما دي للناس اللي معندهاش و لا ديبت و لا كريدت كارد و عايزه تعمل معاملات علي النت من شرا او حجز فنادق فبتروح البنك و تطلع كارت بتاخده في ساعتها و تشحنه بمبلغ معين و تشتري بيه من النت و لما الفلوس اللي فيه تخلص بتشحنه تاني و هكذا و ده نسبه قليله من الناس عارفه بيه لان يمكن 4 بنوك في مصر بس اللي بتطلعه , و ده بردة حيتوقف استخدامه للأسف.
طيب تعرف منين اذا كان الكارت اللي معاك كريدت كارد و لا ديبيت كارد , لو مكتوب على الكارت كلمة debit أو electronic use only يعني الكارت ده ديبيت كارد و ده اللي المفروض حيتوقف من الاستخدام اون لاين
لو الكارت اللي معاك عليه شعار فيزا او ماستر كارد فقط يبقى كريدت كارد , و ده شغال في السحب اون لاين
يارب تكون الامور وضحت شويه للناس مع اني عارف ان قرار زي ده حيضر ناس كتير و انا أولهم , لكن الحمد لله الكريدت كارد شغال و تقدر تحجز و تسافر بدون مشاكل
ملحوظة : البوست مش مع القرار لأننا جميعا متضررين منه و لا مع الكروت الربوية و لا تسويق لكروت معينه , البوست فقط لتوضيح الفرق بين الكروت و ايه اللي شغال و ايه اللي اتوقف , و ان شاء الله يكون قرار متسرع و يرجعوا في قرارهم تاني
By: عمرو الشريف
#وقف_كروت_الائتمان #travel_secrets