السلام عليكم .. كيف حالكم و آنستكم .. اني...

  • بادئ الموضوع بادئ الموضوع عبدالرحمن القاضي
  • تاريخ البدء تاريخ البدء
عرض العطلة
ع

عبدالرحمن القاضي

:: مسافر ::
#1
السلام عليكم ..

كيف حالكم و آنستكم ..

اني كنت ندور على قروب زي هكي ف الباين اني نصيبي جيت لأحسن قروب ..

السفر و ما أدراك ما السفر !

على قد ما نحب نسافر على قد ماتشوف مواقف من ناس و من تجارب السفر تصدمك ، و ما سمي السفر سفراً الا انه عن أخلاق الرجال يسفر .

ان شاءالله نفيدكم من تجاربي و نستفيد من تجاربكم .

ياريت كل حد يقوللنا وين سافر و شن احسن مكان سافرله و هل تحبو تسافرو بروحكم ؟ #SoloTravellers
 
عرض العطلة
#6
لعند توا ما فيش دولة ندمت اني مشيتلها كيف تونس لانها مملة نوعا ما و قعدت فيها فترة طويلة، و بالنسبة للسفر بروحك ما نحبش لازم يكون معاك شخص علي الاقل
 
#7
ما عمرى ما ندمت على مشيه لاى دوله بصراحة تقعد خير من القعدة فالحوش وما عندك وين تتطلعى حتى كان طلعتى تخافى تطلعى بروحك من المنابشات والمعاكسات وزيد يا زايد قصة السلاح
 
#8
السفر برفقه حلوه اتزيد حلاوة السفر ومستحيل نندم على اي سفره لان كل البلدان احسن من بلادي وحتى تونس انحبها فيها تغييرة جو بذات لما تقعد مافيش خيار غيرها
 
#10
طبعا كي نحكي على سفراتي معناته نحكي على سفراتي بروحي طبعا ، بداية سفراتي كانت في 1 ثانوي في ال2005 الى اوجلة لعائلة صديق الوالد قعدت فيها فترة وطلعت منها للصحراء كم مرة وزرت حقول ومواقع نفطية.
الشتاء لي بعده في 2006 سافرت لاوجلة كان في حدث عالمي وهو كسوف الشمس اللي يحدث كل مائة سنة وكان في كرنفال كبير استمتعت فيه جدا.

من بعدها سافرت لطرابلس اول مرة في 2008
2009 سافرت لمصر اول مرة مع خوي كان عنده امتحان تويفل اقمت اكثر شي في طنطا
2010 سافرت مع صاحبي سياحة لمصر واقمت اكثر شي فالقاهرة
2011 سافرت لمصر دورة تدريبية مع مجموعة اصدقاء
2012 سافرت لتونس مرتين شتاء وصيف دورات تدريبية
2014 سافرت لتركيا معاي اختي سياحة كانت وايضا نهاية 2014 سافرت لتونس لحضور منتدى دولي
2015 سافرت لتونس قعدت 9 شهور مع العائلة علاج وفيها سافرت مرتين لصفاقس وحدي ومرة لسوسة.

وهكذا نحب السفر وحاليا نخطط لسفرة للجزائر انا وصديق :)
 
عرض العطلة
عرض العطلة
عرض العطلة
أعلى أسفل
عودة
قائمة