T
Travel Secrets
:: مسافر ::
تفاصيل رحلة جورجيا, رحلة في أحضان جبال القوقاز
رحلتنا المره دي حتكون مختلفه عن رحلاتنا السابقه , حنكتشف حضاره عريقة , وغامضه في نفس الوقت على ناس كثير, تعالو معايا خلال السطور القادمة أخدكم في تفاصيل رحلتنا الى جورجيا ( دولة من عالم الأحلام)
أول محطتنا خلال الرحلة حتكون زيارتنا للعاصمة تيبليسي اللي حتحس أنها مدينة منعزله عن العالم , كأن الزمن توقف عندها في فتره معينه , و ده حيخليك تحس أنك دخلت في فيلم قديم و بسرعة الشعور ده حيتلاشى لما تشوف المباني الحديثه و النظام و النظافة المعهودة في الدول الأوربية
حنزور قلاع و مباني قديمة و كنائس
و ينابيع حارة و نركب تليفريك تيبليسي علشان نتفرج على كل العاصمة من أعلى نقطه في العاصمة .
محطتنا التانيه حتكون الى كازبجي في أحضان جبال القوقاز المليئة بالمناظر الطبيعية التي تفوق الخيال وتهدئ النفوس طبيعتها الساحرة و اجوائها البارده حتنقلك لعالم مختلف مافيهوش مظاهر التكنولوجيا اللي محوطانا في كل مكان , لأن دائما بنهدف خلال رحلاتنا اننا نخرج من اجواء المدينة ونهرب للطبيعة , حنمر خلال رحلتنا على مدن و معابد و انهار و جبال و شلالات و حتكون فرصه رائعة للاستمتاع بالطبيعة الخلابة لجبال القوقاز , و لعشاق المغامرات و الأدرينالين حنعمل أقوى رحلة رافتنج في نهر اراجفي السريع.
محطتنا التاليه حتكون لثاني أكبر مدينة في جورجيا ( كوتايسي ) و دي فيها 4 اماكن تعد من اهم مواقع التراث العالمي على قائمة اليونيسكو , حنشوف فيها محميات طبيعيه في ساتبليا و أثار أقدام لديناصور حقيقي , و مجمع كهوف و مغارات اتشكلت على مدار ملايين السنين , حندخل لكهف بروميثيوس علشان نشوف بحيرات تحت الأرض و شلالات متحجرة و انهار جوفيه في رحله حتاخدك في عالم من الخيال.
أخر محطتنا حتكون في مدينة لما قبل التاريخ , مدينة مسخيتا و دي سكنت قبل 1000 سنه من الميلاد و كانت عاصمة جورجيا في القرون الوسطى , حنزور فيها كاترائيه سفيتيتسخوفيلي ( عدي الأسم هو صعب فعلا
) , المهم ده كان مكان تتويج ومكان لدفن الملوك الجورجيين , حنزور كمان مدينة حجريه بنيت بالكامل داخل الصخور.
خلال رحلتنا حنتعرف على ثقافة شعب جورجيا التقليدية الذاخرة بالمأكولات الشهية والملابس التراثية والإكسسوارات المدهشة وأيضاً بالرقصات الشعبية الشيقة.
موعد الرحلة :
الرحله ان شاء الله حتكون من تاريخ 10 سبتمبر الى تاريخ 17 سبتمبر , المفاجأه ان سعر تذكرة الطيران 2550 جنيه فقط على طيران اير كايرو و دي بتقلع من الغردقة مباشرة الى تبيليسي . و ده موقع حجز تذكرة الطيران : https://www.flyaircairo.com/en
مصاريف الرحلة :
تمن الاشتراك في الرحله للفرد في الغرفة المزدوجة 380 دولار أمريكي فقط و ده حيشمل الاتي :
• الانتقالات من و الى المطار في تبليسي .
• جميع المزارات خلال الرحله في كل المدن
• كل الانتقالات خلال الرحله بباصات سياحية مكيفه
• الاقامة في غرفة مزوجة بالافطار في فندق 3 نجوم في تيبليسي
• الاقامة في جيست هاوس في كازبيجي و كوتايسي
• كل الرحلات المذكورة في البرنامج
• رحلة الرافتنج شاملة كل المعدات
• مرشد سياحي طوال مده الرحلة.
الغير مشمول في السعر :
• ثمن تذكرة الطيران 2550 جنيه من موقع اير كايرو مباشرة
• الفيزا و سعرها 20 دولار من موقع السفاره مباشره : /Georgia e-VISA Portal
• أي مصاريف شخصيه طوال الرحلة
• أي أنشطه أو وجبات غير مذكورة في البرنامج
خطوات الحجز :
أولا : التقديم على الفيزا و دي بتاخد تقريبا 5 ايام , و ده بوست الحصول على الفيزا : /Travel Secrets
ثانيا : بعد الحصول على الفيزا مباشرة حيتم حجز تذكرة الطيران من موقع اير كايرو , و دفع 50% من قيمة الاشتراك في الرحلة لتأكيد الحجز
العدد محدود جدا جدا للحفاظ على جودة التنظيم و الأهتمام بكل فرد , بعد أكتمال العدد مباشرة حيتم غلق باب الحجز .
غدا ان شاء الله حنزل بوست كامل عباره عن سؤال و جواب لكل الأسئله اللي حتخطر على بالكم عن الرحله
By: Bahaa Aldeen Farouk
#رحلة_جورجيا #التنظيم_الناجح #travel_secrets
رحلتنا المره دي حتكون مختلفه عن رحلاتنا السابقه , حنكتشف حضاره عريقة , وغامضه في نفس الوقت على ناس كثير, تعالو معايا خلال السطور القادمة أخدكم في تفاصيل رحلتنا الى جورجيا ( دولة من عالم الأحلام)
أول محطتنا خلال الرحلة حتكون زيارتنا للعاصمة تيبليسي اللي حتحس أنها مدينة منعزله عن العالم , كأن الزمن توقف عندها في فتره معينه , و ده حيخليك تحس أنك دخلت في فيلم قديم و بسرعة الشعور ده حيتلاشى لما تشوف المباني الحديثه و النظام و النظافة المعهودة في الدول الأوربية
حنزور قلاع و مباني قديمة و كنائس
و ينابيع حارة و نركب تليفريك تيبليسي علشان نتفرج على كل العاصمة من أعلى نقطه في العاصمة . محطتنا التانيه حتكون الى كازبجي في أحضان جبال القوقاز المليئة بالمناظر الطبيعية التي تفوق الخيال وتهدئ النفوس طبيعتها الساحرة و اجوائها البارده حتنقلك لعالم مختلف مافيهوش مظاهر التكنولوجيا اللي محوطانا في كل مكان , لأن دائما بنهدف خلال رحلاتنا اننا نخرج من اجواء المدينة ونهرب للطبيعة , حنمر خلال رحلتنا على مدن و معابد و انهار و جبال و شلالات و حتكون فرصه رائعة للاستمتاع بالطبيعة الخلابة لجبال القوقاز , و لعشاق المغامرات و الأدرينالين حنعمل أقوى رحلة رافتنج في نهر اراجفي السريع.
محطتنا التاليه حتكون لثاني أكبر مدينة في جورجيا ( كوتايسي ) و دي فيها 4 اماكن تعد من اهم مواقع التراث العالمي على قائمة اليونيسكو , حنشوف فيها محميات طبيعيه في ساتبليا و أثار أقدام لديناصور حقيقي , و مجمع كهوف و مغارات اتشكلت على مدار ملايين السنين , حندخل لكهف بروميثيوس علشان نشوف بحيرات تحت الأرض و شلالات متحجرة و انهار جوفيه في رحله حتاخدك في عالم من الخيال.
أخر محطتنا حتكون في مدينة لما قبل التاريخ , مدينة مسخيتا و دي سكنت قبل 1000 سنه من الميلاد و كانت عاصمة جورجيا في القرون الوسطى , حنزور فيها كاترائيه سفيتيتسخوفيلي ( عدي الأسم هو صعب فعلا
) , المهم ده كان مكان تتويج ومكان لدفن الملوك الجورجيين , حنزور كمان مدينة حجريه بنيت بالكامل داخل الصخور.خلال رحلتنا حنتعرف على ثقافة شعب جورجيا التقليدية الذاخرة بالمأكولات الشهية والملابس التراثية والإكسسوارات المدهشة وأيضاً بالرقصات الشعبية الشيقة.
موعد الرحلة :
الرحله ان شاء الله حتكون من تاريخ 10 سبتمبر الى تاريخ 17 سبتمبر , المفاجأه ان سعر تذكرة الطيران 2550 جنيه فقط على طيران اير كايرو و دي بتقلع من الغردقة مباشرة الى تبيليسي . و ده موقع حجز تذكرة الطيران : https://www.flyaircairo.com/en
مصاريف الرحلة :
تمن الاشتراك في الرحله للفرد في الغرفة المزدوجة 380 دولار أمريكي فقط و ده حيشمل الاتي :
• الانتقالات من و الى المطار في تبليسي .
• جميع المزارات خلال الرحله في كل المدن
• كل الانتقالات خلال الرحله بباصات سياحية مكيفه
• الاقامة في غرفة مزوجة بالافطار في فندق 3 نجوم في تيبليسي
• الاقامة في جيست هاوس في كازبيجي و كوتايسي
• كل الرحلات المذكورة في البرنامج
• رحلة الرافتنج شاملة كل المعدات
• مرشد سياحي طوال مده الرحلة.
الغير مشمول في السعر :
• ثمن تذكرة الطيران 2550 جنيه من موقع اير كايرو مباشرة
• الفيزا و سعرها 20 دولار من موقع السفاره مباشره : /Georgia e-VISA Portal
• أي مصاريف شخصيه طوال الرحلة
• أي أنشطه أو وجبات غير مذكورة في البرنامج
خطوات الحجز :
أولا : التقديم على الفيزا و دي بتاخد تقريبا 5 ايام , و ده بوست الحصول على الفيزا : /Travel Secrets
ثانيا : بعد الحصول على الفيزا مباشرة حيتم حجز تذكرة الطيران من موقع اير كايرو , و دفع 50% من قيمة الاشتراك في الرحلة لتأكيد الحجز
العدد محدود جدا جدا للحفاظ على جودة التنظيم و الأهتمام بكل فرد , بعد أكتمال العدد مباشرة حيتم غلق باب الحجز .
غدا ان شاء الله حنزل بوست كامل عباره عن سؤال و جواب لكل الأسئله اللي حتخطر على بالكم عن الرحله
By: Bahaa Aldeen Farouk
#رحلة_جورجيا #التنظيم_الناجح #travel_secrets