#قصه_سريعه :) #مباره_في_روما_وبنغازي :)...

[Ali Fakree Eldin ElSallabi]

#قصه_سريعه
#مباره_في_روما_وبنغازي

ايطاليا 2013

قاعد في الهوتيل بتاعي في مدينه روما وانوتي في روحي عشان نطلع انهيج
خش عليا واحد صاحبي ع المسنجر ومكنش عارف اني مسافر وهوا قاعد في بنغازي
قالي ( عندي مباراه من ال9 لل 10 تلعب معايا ؟ )

طبعا انا بكل دناءه الدنيا قتله خلاص تم انا موافق انتلاقو الساعه 10
وكان وقتها الساعه 7
المهم
لبست وطلعت وهيجت
ورنيت عليه علي رقمه الليبي الساعه 9 ونص ( مزال ع المباراه نص ساعه )
قاللي الو ( استغرب طبعا انه رن عليه رقم دولي )
قتله : انا علي.... ومصارش مني شي في المباراه عشان جتني سفره لايطاليا ضروري وسافرت وتوا قاعد غادي

طبعا صاحبي معش عرف شن ايرد وميقدرش ايكذبني عشان الرقم الي طلعله دولي فهذا معناه اني فعلا قاعد في ايطاليا
المهم هزبني شويه وقالي من وين بنجيب واحد توا قبل المباراه بنص ساعه و سككر الخط
طبعا هوا المسكين صددق اني كنت في بنغازي وطلعت لروما نظرا لغبائه الشديد
وانا درت فيه مقلب ومقتلش اني ضحكت عليه الا بعد مروحت وطبعا حصلت هزايب واجد بس مش مهم المهم اني ضحكت واجد ع الموقف هذا انا وصحابي وانا في ايطاليا والمسكين صاحبي الي ضحكت عليه قاللي معش حنكلمك علي مباريات بكل

#ترافل_كوره <3
#قصص_سفر_للابد

 

[Esraa Adel]

كل ما نقرا واحد من مواقفك نقعد نعصر ف دماغي عشان نذكر اي موقف صارلي بس مفيش فايدة.. سفراتي كلهن مكسدات

 

[Emy Matouk]

تستاهل و شوية فيك . معقولة عابي عليك و انت تغير في جوك علي حسابه . أنا كل اللي في بالي كيف دار في اللاعب اللي ناقص

 

[Marwa Bent Elforjani]

حرام عليك شن هالشخص الشرير اللي داخلك هدا

 

[Nouredin Ben Atia]

 

[Mustafa Jalal Fteita]

كلمني شي مرة بلكي حتى نا نقعد في روما ونكذب عليك