ازاي تحافظ على شنطة سفرك من الضياع : موقف صعب...

  • بادئ الموضوع بادئ الموضوع Travel Secrets
  • تاريخ البدء تاريخ البدء
عرض العطلة
T

Travel Secrets

:: مسافر ::
#1
ازاي تحافظ على شنطة سفرك من الضياع :
موقف صعب جدا وبيهدد ان الاجازة تتدمر .. لو شنطة سفرك ضاعت او موصلتش علي الرحلة وانت مسافر. ويا سلام لو في الشتا !

● اشتري شنطة سفر مميزة بالوان مختلفة عن الأسود والبني ولو دي الوان شنطتك لازم تحط استيكر ملون يميز الشنطة.
. ●بلاش تقفل الشنطة بقفل لكن ممكن تغلفها افضل.من الإجراءات الامنية المتبعة في اغلب المطارات تفتيش شنط عشوائية بشكل يدوي.
● اكتب بياناتك الشخصية علي الشنطة بالانجليزي ويكون منها رقم داخل دولة الوصول . وكمان بيانات الاتصال في بلدك الأم لحد من أقاربك
● اي الكترونيات او مجوهرات او ادوية مهمة لازم تكون في الهاند باج. مع حجوزات الفنادق والتذاكر وصورة من الجواز .ويا ريت لو معاك طقم خروج وطقم للنوم .
● تصوير الشنطة بالموبايل صور واضحة .ممكن تحتاجها .
● الحذر الحذر الحذر من رحلات الترانزيت .لان 90% من الشنط المفقودة بتضيع في بلد الوصول الاول..والحل انك توصل المطار بدري جدا وتتأكد من موظف الكاونتر ان استيكر الترانسفير موجود وواضح علي الشنطة . ( انا بحط 2 استيكر زيادة للتاكيد).

طيب شنطتنا ضاعت لا قدر الله , نتصرف ازاي ؟؟

مهم جدا نحتفظ بالبوردنج واستيكر الشنط لأن ده المرجع الأهم لشركات الطيران في البحث عن الشنط الضايعة واثبات قانوني لملكيتك ليها.
كل مطار موجود فيه مكتب لشركات الطيران وهناك بتعمل شكوي عن الشنط وبيطلبوا منك رقم ليك في البلد .وغالبا بتوصل الشنط علي اول رحلة من بلد السفر.

لو حصلك موقف زي ده , قولنا اتصرفت ازاي ؟ و كان على اي شركة طيران
By: Hatham
#أين_أشيائي #travel_secrets
13754698_1774667389415421_7825570695588820235_n.jpg
 
#3
شنطتي ما طلعتش على السير في مطار أتاتورك -اسطنبول
كنت مسافر على Turkish airlines .. رحت لمكتبهم في المطار شافوا الاستيكر اللي على التذكرة و بعتوا واحد معايا ندور عليها على سير رحلتي بس ما كانتش موجودة
عملوا شوية اتصالات لحد ما الشنطة طلعت بس على سير رحلة تانية خالص !
الشنطة كانت ايدها مكسورة .. عرفت بعدين إني كان ممكن اخليهم يصلحوها أو يستبدلوها مجانا من مكتب جوه المطار .. بس للأسف ما كنتش اعرف وقتها :D
 
#4
It happened many times with me, but 99 % the main reason is the short transit time, so i recommend to be sure that you have enough transit time. to check in early does not help as most of time bags go togather to the airplane. last thing if it happen, there are good carriers who give you the basic stuff for first night, such as toothbrush, shaving machine, toothpaste, etc . if the bag takes long time to return, you have the right to ask for a compensation
 
#5
حصلت معايا اول رحلة رجوع من الاجازة من القاهرة للرياض علي متن الخطوط السعودية اموري تمام والتيكت علي الشنطة انزل انتظر علي السير تقريبا الناس كلها خدت حاجتها والسير معتش بيجيب شنط مفيش خلاص شنط الا حاجات بسيطة انتظرت لحد ماكلمت العسكري الي واقف دخل جوة معرفش عمل اية جدة وشوية وكان ناس معايا برضة متاخرين شنطهم لقينا الشنط علي السير لسة داخلة قولتلها خوشي في حضن اخوكي كان في بط بقي ومحشي
من بعدها الحمد لله 9 سنين سفر شنطتي بتسبقني مش علي السير لا بلاقيها متكومة علي الارض
 
عرض العطلة
#8
كانت مسافر من القاهره لباريس علي اير فرنس و للاسف الشنطه متحطش عليا استيكر و انا ماخدتش بالي غير لما وصلت باريس لاقيت ناقص ستيكر و عملت محضر هناك و لما رجعت مصر روحت للشركه في مطار القاهره قالولي اني في شركة تانيه مسؤله عن الشنط المفقوده و لما اتصلت بيهم قالولي ان المحضر اتعمل في باريس و مش تبعنا و مش هنقدر نعمل حاجه و تابع علي الموقع و الحمد لله الشنطه مجتش لحد دلوقتي
 
#10
لو ضاعت لا قدر الله او حتى كان فيها نقص او ضرر متطلعش من المطار غير وانت عامل محضر ضياع او تلف للشنطه دي نقطه مهمه جدا
 
عرض العطلة
#11
حصلى قبل كدة كنت راجع مصر على مطار برج العرب فى اسكندرية و اتاخرت شوية فى الجوازات روحت على السير ملقتش شنطتتى وقعدت مستنى لحد ما لاقيت ان كل الناس مشيت واتبقى شنطة واحدة بس شكلها قريب جدا من شنطتى نفس اللون ونفس الماركة بس اصغر بس انا كنت حافظ حجم الشنطة وتفصيلها بس فى واحدة طلعت قبلى من الجوازات وشافت شنطتتى واخدتها وسافرت وانا عملت محضر وروحت على القاهرة بس لستر ربنا كنت سايب رقمى و عنوانى فى تيكت الشنطة اتصلت بيا ورجعت الشنطة الحمد الله فا فعلا زى ما استاذ هيثم قال لازم شنطتك تكون مميزة بلون معين او علامة واضحة زى تربط شريطة بلون مميز على ايد الشنطة و تكتب بياناتك ورقم موبايلك عشان لو حصل تبديل وطبعا التغليف بالرول بلاستيك فى المطار كمان بيحميها اكتر وبيحافظ على الشنطة تقدر تسافر بيها كتير لان لو مغلفتهاش اخرك تسافر بالشنطة مرتين ثلاثة لان معظم عمال المطارات بيعاملو الشنط معاملة مرات الاب
 
#13
كنا رايحين المانيا و ضيعو شنطنا في الترانزيت في مطار زيورخ عشان طلعنا متاخر من مصر و وصلنا بعد ما الطيارة طلعت و طلعو شنطنا علي الطيارة من غيرنا !! جبهولنا بعد تلت ايام كانو من اسؤا ايام حياتي كفاية الرعب علي الحجات الغالية اللي في الشنطة كنت واخدة دهب ربنا ستر
 
#14
كنت مسافرة الجونة على شركة مصر للطيران و الجميل فى الموضوع ان احنا طلعنا الطيارة و وصلنا مطار الغردقة و الشنط كانت لسة فى المطار مطلعتش على الطيارة من الاساس ،، اخدنا تعويض حوالى400 جنية على ما اتذكر ،، بس بصراحة الشنطة وصلتلى لحد الجونة و كل الكانوا فى الطيارة نفس الكلام
 
عرض العطلة
#16
حصلي موقف اهبل في مطار الخرطوم
كنت مسافر من جده اثيوبيا وكان في ترانزيت في الخرطوم وكنت هغير كمان شركة الطيران يعني من جده للخرطوم طيران سعودي ومن الخرطوم لاديس ابابا طيران اثيوبي
فلازم هستلم شنطي في الخرطوم بايدي واروح علي بوردينج الاثيوبيه
 
#17
وصلت الشنطه ع السير وانا بره في مكان الترانزيت ومش نافع ادخل بدون ختم دخول اخد شنطي ومدير مطار وخطابات تعهد وموظفين امن نرافقين عشان ادخل اخد شنطتي واخرج
 
#19
مرتين حصلت معايا على KLM و Lufthansa ، و كان ترانزيت و الشنط سافرت غلط بلاد تانية ، لكن في المرتين الشركتين خدوا مني عنوان الفندق اللي مقيم فيه و ادوني شنطة تصبيرة لبيات ليلة كان فيها تيشيرت و شورت و مستلزمات النضافة الشخصية كلها ، و تاني يوم فعلا الشنط جاتلي عالفندق اللي انا فيه

مصر للطيران بقى ضيعوا عليا ٢٠ ك تمر فاخر كنت جايبه من السعودية و بحسبن عليهم اخد الوقتي
 
#20
ههههههههههه.. لسه حاصل معايا الموقف دة من 3 ايام في مطار كوالا و استني الشنطة يومين علشان تيجي من مطار جوانزوا.. ماساه انسانيه
 
عرض العطلة
عرض العطلة
عرض العطلة
أعلى أسفل
عودة
قائمة