T
Travel Secrets
:: مسافر ::
فكرت تعمل لجوء لكندا و تاخد الجنسيه خلال 3 سنين , و تضمن مستقبل مستقر لأولادك
ده دليلك الكامل للجوء لكندا
مبدئيا عاوزين نفرق ما بين اللجوء و طلب الهجرة , طلب الهجرة بيقدر يقدم عليه أي حد من أي جنسية عن طريق البرنامج السريع حاليا و اجراءاته ممكن تخلص خلال 6 شهور الى سنه و ده بيتعمل قبل ما تسافر كندا و اجراءاته أطول من اللجوء, انما طلب اللجوء بيتم بعد ما توصل كندا و بتكون اجراءاته أسرع , بس ده ليه وضع خاص .
علشان تطلب لجوء الى كندا لازم تكون واحد من اتنين :
• الأول: أنك تكون هربت من بلدك و مش قادر ترجع تاني علشان خايف على نفسك من الموت , لظروف حرب مثلا زي سوريا أو العراق أو توم هانكس في فيلم The Terminal
• الثاني : شخص خايف يرجع بلده لانه ممكن يتعرض لتعذيب بسبب توجهاته السياسية مثلا او انتمائه لمجموعه أو حزب معين أو لعرقه .
معروف ان اللي بيطلب لجوء لازم يكون واصل من دولة غير أمنه , يعني مينفعش تطلب لجوء و أنت واصل من دولة مستقره مثلا
طيب أنا دلوقتي واحد من الاتنين دول و عاوز اعمل لجوء أعمله أزاي ؟
• الطريقة الأولى : تقدر تطلب لجوء بمجرد وصولك لأي من مطارات كندا أو عند وصولك لحدود كندا , و تقدر تصرح بده و انك عاوز تستفيد ببرنامج حماية اللاجئين الأجانب في كندا
• الطريقة الثانية: لو دخلت كندا بالفعل تقدر تقدم على لجوء في اي مكتب من المكاتب التابعه لوزارة الهجرة و الجنسية الكندية اما شخصيا , و ممكن أي حد قريبك يقدملك طلب لجوء لو انت مش موجود بالفعل في كندا
• الطريقة الثالثة : و دي صعبة شويه و هو أنك بتطلب اللجوء عن طريق المفوضية السامية لشؤون اللاجئين , و هي بترسل طلب لسفارة كندا في بلدك أو البلد اللي انت مقيم فيه علشان يجيبولك تأشيرة و يتمموا عملية سفرك , بس دي بتحصل في حالات نادرة
ممكن تقدر تعرف معلومات أكتر بزيارتك للموقع الالكتروني لوزارة الهجرة و الجنسية الكندية CIC
طيب بعد ما قدمت لجوء أعمل ايه ؟
كل واحد بيطلب لجوء لازم يملى كل البيانات المطلوبه في استمارة و بيتحددلك مقابلة أو جلسة استماع و ده بيتم داخل كندا أو في سفارة كندا لو كنت خارجها و يدرسوا حالتك و يقرروا هل فعلا تستحق اللجوء أو لأ .
طيب عملت لجوء و اتقبل زي الفل الحمد لله , وضعي ايه بقى ؟
بيتم منحك اقامة دائمة في كندا بموجب حماية اللاجئين في كندا , و بعد 3 سنين تقدر تقدم على الجنسيه و تكون مواطن كندي
كلام زي الفل طيب خلال ال 3 سنين دول كندا حتقدملي ايه ؟
• أولا بمجرد وصولك لكندا , الحكومة الكمديه حتقدملك سكن لائق و كمان الأثاث المنزلي الأساسي
• و كمان حيقدمولك توجيه مالي , و كل خدمات الرعاية الصحية و العلاج
• الحكومة حتقدملك الدعم في أي وقت احتجت لكده
• حيقدروا يوفرولك عمل ملائم على حسب خبرتك , و لو مشتغلتش حتقدر تحصل على فروض اللاجئين اللي بيحصلوا على مساعدات الحكومة
على فكره كندا استقبلت 50 الف لاجئ سوري خلال عام 2016
ملحوظة مهمة : البوست لا يخصنا نحن المصريين و ربنا يديم علينا نعمة الأمن و الأمان , و للأسف معنديش أي اجابه على أي استفسار يخص الموضوع ده على الرسائل الخاصه و لا أقدر أقدم أي مساعده من أي نوع لأي حد بيفكر يهاجر أو يعمل لجوء , كل اللي اعرفه مكتوب في الموضوع ده
By: Bahaa
#اللجوء_الى_كندا #travelsecrets
ده دليلك الكامل للجوء لكندا
مبدئيا عاوزين نفرق ما بين اللجوء و طلب الهجرة , طلب الهجرة بيقدر يقدم عليه أي حد من أي جنسية عن طريق البرنامج السريع حاليا و اجراءاته ممكن تخلص خلال 6 شهور الى سنه و ده بيتعمل قبل ما تسافر كندا و اجراءاته أطول من اللجوء, انما طلب اللجوء بيتم بعد ما توصل كندا و بتكون اجراءاته أسرع , بس ده ليه وضع خاص .
علشان تطلب لجوء الى كندا لازم تكون واحد من اتنين :
• الأول: أنك تكون هربت من بلدك و مش قادر ترجع تاني علشان خايف على نفسك من الموت , لظروف حرب مثلا زي سوريا أو العراق أو توم هانكس في فيلم The Terminal
• الثاني : شخص خايف يرجع بلده لانه ممكن يتعرض لتعذيب بسبب توجهاته السياسية مثلا او انتمائه لمجموعه أو حزب معين أو لعرقه .
معروف ان اللي بيطلب لجوء لازم يكون واصل من دولة غير أمنه , يعني مينفعش تطلب لجوء و أنت واصل من دولة مستقره مثلا
طيب أنا دلوقتي واحد من الاتنين دول و عاوز اعمل لجوء أعمله أزاي ؟
• الطريقة الأولى : تقدر تطلب لجوء بمجرد وصولك لأي من مطارات كندا أو عند وصولك لحدود كندا , و تقدر تصرح بده و انك عاوز تستفيد ببرنامج حماية اللاجئين الأجانب في كندا
• الطريقة الثانية: لو دخلت كندا بالفعل تقدر تقدم على لجوء في اي مكتب من المكاتب التابعه لوزارة الهجرة و الجنسية الكندية اما شخصيا , و ممكن أي حد قريبك يقدملك طلب لجوء لو انت مش موجود بالفعل في كندا
• الطريقة الثالثة : و دي صعبة شويه و هو أنك بتطلب اللجوء عن طريق المفوضية السامية لشؤون اللاجئين , و هي بترسل طلب لسفارة كندا في بلدك أو البلد اللي انت مقيم فيه علشان يجيبولك تأشيرة و يتمموا عملية سفرك , بس دي بتحصل في حالات نادرة
ممكن تقدر تعرف معلومات أكتر بزيارتك للموقع الالكتروني لوزارة الهجرة و الجنسية الكندية CIC
طيب بعد ما قدمت لجوء أعمل ايه ؟
كل واحد بيطلب لجوء لازم يملى كل البيانات المطلوبه في استمارة و بيتحددلك مقابلة أو جلسة استماع و ده بيتم داخل كندا أو في سفارة كندا لو كنت خارجها و يدرسوا حالتك و يقرروا هل فعلا تستحق اللجوء أو لأ .
طيب عملت لجوء و اتقبل زي الفل الحمد لله , وضعي ايه بقى ؟
بيتم منحك اقامة دائمة في كندا بموجب حماية اللاجئين في كندا , و بعد 3 سنين تقدر تقدم على الجنسيه و تكون مواطن كندي
كلام زي الفل طيب خلال ال 3 سنين دول كندا حتقدملي ايه ؟
• أولا بمجرد وصولك لكندا , الحكومة الكمديه حتقدملك سكن لائق و كمان الأثاث المنزلي الأساسي
• و كمان حيقدمولك توجيه مالي , و كل خدمات الرعاية الصحية و العلاج
• الحكومة حتقدملك الدعم في أي وقت احتجت لكده
• حيقدروا يوفرولك عمل ملائم على حسب خبرتك , و لو مشتغلتش حتقدر تحصل على فروض اللاجئين اللي بيحصلوا على مساعدات الحكومة
على فكره كندا استقبلت 50 الف لاجئ سوري خلال عام 2016
ملحوظة مهمة : البوست لا يخصنا نحن المصريين و ربنا يديم علينا نعمة الأمن و الأمان , و للأسف معنديش أي اجابه على أي استفسار يخص الموضوع ده على الرسائل الخاصه و لا أقدر أقدم أي مساعده من أي نوع لأي حد بيفكر يهاجر أو يعمل لجوء , كل اللي اعرفه مكتوب في الموضوع ده
By: Bahaa
#اللجوء_الى_كندا #travelsecrets
