E
Eman Khalifa
:: مسافر ::
السلام عليكم ، نفترشلكم حاجه ونمشي نرقد
••رغم أني مسافره لعدد لا بأس بيه من الدول بس مانحس أني جربت متعة السفر الحقيقيه يعني العواصم والمدن الكبيره يلي مشيتلهن ماجتني فيهن الفرصه أني نجرب ثقافتهم ونعيش حياتهم مش زي مثلا لما تسافر لبلاد وتعيش مع عائله منها وتجرب لبسهم و وكالهم واتعرف كويس على تقاليدهم مش غير محلات ومعالم سياحية وخلاص فهمتوو كيفوووو!!
••بس في تجربه حلووه عشتها وقلت نشاركها معكم والتجربه كانت كالتالي كان عندي جيراني جوهم يهبل بكل وخاطرهم يعرفوا كل شي عن ليبيا فرتبت معاهم لسهره سافرنا فيها الى ليبيا ونحن في مكاننا والفكره كانت اني نطيب وكال ليبي ونعزموا كل الناس لي خاطرهم يعرفوا معلومات عن ليبيا واتصلت بصاحبتي عشان تساعدني وجاري اللطيف جهز شاشة عرض قدمنا عن طريقها تقرير عن ليبيا طبعا السهره سمينها((der libysche Abend)) أو المساء الليبي وجربوا الاكل الليبي وشافوا لبسنا التقليدي وطريقة حواشينا والاثار الليبيه وحكيتلهم على سكان ليبيا وأصولهم واللغات لي يحكوا بيهن وعلى الاحتلال الايطالي والاستقلال والفاتح وفبراير وعلى مناخ ليبيا وطبيعتها وعلى طبيعة عمل الليبيين وأكثر التخصصات لي يقروا فيهن وطبعا در روحه نحن شعب طلاب علم عاد هما يشوفوا فيه نسحن ع القرايه وحالي عطيب فصدقوا المهم بجد كان يوم حلووو وحسيت انهم بجد تعلقوا بليبيا وكلهم يتمنوا يزوروها بعد ماكانت شي مهمل في عقولهم وهذينا صور العشاء وصور جيراني اللطيفين لي بجد مش حننساهم طول عمري
الصور مانزلن كلهن عاودته المنشور
••رغم أني مسافره لعدد لا بأس بيه من الدول بس مانحس أني جربت متعة السفر الحقيقيه يعني العواصم والمدن الكبيره يلي مشيتلهن ماجتني فيهن الفرصه أني نجرب ثقافتهم ونعيش حياتهم مش زي مثلا لما تسافر لبلاد وتعيش مع عائله منها وتجرب لبسهم و وكالهم واتعرف كويس على تقاليدهم مش غير محلات ومعالم سياحية وخلاص فهمتوو كيفوووو!!
••بس في تجربه حلووه عشتها وقلت نشاركها معكم والتجربه كانت كالتالي كان عندي جيراني جوهم يهبل بكل وخاطرهم يعرفوا كل شي عن ليبيا فرتبت معاهم لسهره سافرنا فيها الى ليبيا ونحن في مكاننا والفكره كانت اني نطيب وكال ليبي ونعزموا كل الناس لي خاطرهم يعرفوا معلومات عن ليبيا واتصلت بصاحبتي عشان تساعدني وجاري اللطيف جهز شاشة عرض قدمنا عن طريقها تقرير عن ليبيا طبعا السهره سمينها((der libysche Abend)) أو المساء الليبي وجربوا الاكل الليبي وشافوا لبسنا التقليدي وطريقة حواشينا والاثار الليبيه وحكيتلهم على سكان ليبيا وأصولهم واللغات لي يحكوا بيهن وعلى الاحتلال الايطالي والاستقلال والفاتح وفبراير وعلى مناخ ليبيا وطبيعتها وعلى طبيعة عمل الليبيين وأكثر التخصصات لي يقروا فيهن وطبعا در روحه نحن شعب طلاب علم عاد هما يشوفوا فيه نسحن ع القرايه وحالي عطيب فصدقوا المهم بجد كان يوم حلووو وحسيت انهم بجد تعلقوا بليبيا وكلهم يتمنوا يزوروها بعد ماكانت شي مهمل في عقولهم وهذينا صور العشاء وصور جيراني اللطيفين لي بجد مش حننساهم طول عمري
الصور مانزلن كلهن عاودته المنشور