F
Fafi Ibra
:: مسافر ::
رحلتنا لميامي الايام اللي فاتت ننصح بزيارتها خاصة في الوقت هضا لانه الجو في الشمال تواا جمود وثلوج وحالياً فلوريدا أقل حمو ورطوبة من الصيف
الأماكن اللي ننصح بزيارتهن
اول حاجة تمشي للداون تاون وتاخد تذاكر للسفينة كروز تشيلك في البحر رحلة مدتها ساعه ونص تزور فيها شاليهات المشاهير زي شاكيرا ليوناردو ديكابريو بيكام دكتور فيل وغيرررهم واجدين سعر التذكرة 26$ رحلة ممتعة وتستحق انك تركبها
ثاني شي بعد السفينة تمشي تاخدي تذكرة الباص يلف بيكي في المدينة. سعر التذكرة 30$ مدتها ثلاث ساعات تقدري تركب وتنزل كل مرة في محطة كان تبي وكان ما تبيش تقعد في الباص بجوك في ثلاث خطوط للباص انت تختار شن بتركب الاماكن التاريخيه للمدينه او المعمار الهندسي للمدينة او جهة البحر. ولو تبي تذكرة ثلاث ايام تلفهن كلهن تقدر ب 45$
مول بال هاربور هضا مول خيالي بكل ويشروا منه المشاهير واسعاره خرافية بكل بس عادي التفرجه اطول في العمر المهم
الواحد يخشله ههههههه
في حاجة اخرى متحف اسمه متحف الاطفال مكان جميل جداً للي عنده اطفال كبار شوية يعني يمشوا ويحكوا مش بيبي
زينا لذلك ما عدينالش
وطبعاً ما ننسوش تشوف بحر ميامي سوا في ال Ocean drive
او south beach
اللي يجي ميامي بدون ما يشوف بحرها كأنه ماجش
واخيرا حديقة حيوانات اسمها lion country safari ميزتها انها drive through
يعني اتفرج عالحيوانات وانت ف سيارتك بدون ما تنزل جميلة جداً وفكرتها مميزة تذكرتها 35$
المطاعم العربية اللي مشيتلهن وننصح بيهن
الناظور الكببجي الباشا وطبعا ميامي مليانة مطاعم عربية دور عالقوقل وكل حاجة قدامك
وطبعا خاطي الاماكن اللي مشيتلهن في اماكن واااجد حلوة بس ما عديتلهنش لانه رحلتي كانت قصيرة ثلاث ايام فقط
اكتب الاماكن السياحية في ميامي حيطلعن عالم قدامك عالقوقل
الأماكن اللي ننصح بزيارتهن
اول حاجة تمشي للداون تاون وتاخد تذاكر للسفينة كروز تشيلك في البحر رحلة مدتها ساعه ونص تزور فيها شاليهات المشاهير زي شاكيرا ليوناردو ديكابريو بيكام دكتور فيل وغيرررهم واجدين سعر التذكرة 26$ رحلة ممتعة وتستحق انك تركبها
ثاني شي بعد السفينة تمشي تاخدي تذكرة الباص يلف بيكي في المدينة. سعر التذكرة 30$ مدتها ثلاث ساعات تقدري تركب وتنزل كل مرة في محطة كان تبي وكان ما تبيش تقعد في الباص بجوك في ثلاث خطوط للباص انت تختار شن بتركب الاماكن التاريخيه للمدينه او المعمار الهندسي للمدينة او جهة البحر. ولو تبي تذكرة ثلاث ايام تلفهن كلهن تقدر ب 45$
مول بال هاربور هضا مول خيالي بكل ويشروا منه المشاهير واسعاره خرافية بكل بس عادي التفرجه اطول في العمر المهم
الواحد يخشله ههههههه
في حاجة اخرى متحف اسمه متحف الاطفال مكان جميل جداً للي عنده اطفال كبار شوية يعني يمشوا ويحكوا مش بيبي
زينا لذلك ما عدينالش
وطبعاً ما ننسوش تشوف بحر ميامي سوا في ال Ocean drive
او south beach
اللي يجي ميامي بدون ما يشوف بحرها كأنه ماجش
واخيرا حديقة حيوانات اسمها lion country safari ميزتها انها drive through
يعني اتفرج عالحيوانات وانت ف سيارتك بدون ما تنزل جميلة جداً وفكرتها مميزة تذكرتها 35$
المطاعم العربية اللي مشيتلهن وننصح بيهن
الناظور الكببجي الباشا وطبعا ميامي مليانة مطاعم عربية دور عالقوقل وكل حاجة قدامك
وطبعا خاطي الاماكن اللي مشيتلهن في اماكن واااجد حلوة بس ما عديتلهنش لانه رحلتي كانت قصيرة ثلاث ايام فقط
اكتب الاماكن السياحية في ميامي حيطلعن عالم قدامك عالقوقل