مرة كنت في مناسبة ومش بايتة في الحوش وراقدة في...

[Marwa Bent Elforjani]

مرة كنت في مناسبة ومش بايتة في الحوش وراقدة في دار امعبية تعبي عاد عارفين مناسبات الليبيين وعليك حشمة عمري في حياتي ماطلعلي صوت واني راقدة ولا خترفت بس في الليلة هادي للأسف البرستيج ضاع .
المهم أنا عمري ما جت في بالي ايطاليا ولا كنت انفكر انزورها بس يومها شكلي ماخليت ماحطيت علي روما
نضت الصبح لقيت الجماعة يتسهوكوا عليا اللي اتقولي هي تعالي افطري عارفينه فطور بسيط مش في مستوى روما بس يلا ، واللي اتقولي غمضي عيونك وافطري وتخايلي روحك في روما وهلبا تلقيح لين عرغت منهم اني طول الليل نحلم ونقول مشيت لروما ودرت في روما وووووالخ

المهم من ماشي لروما تستاهل انحققه الحلم ولالا عنشكل روما وخلاص

 

[Lotfia Hakiem]

ههههههههههه ربي يكتبلك وتمشيلها يا رب .....هيا في اماكن احلا في ايطاليا من روما بس اتهبل فيها الفاتيكان لازم تزوريها والكلوسيوم(المدرج الروماني )❤❤❤

 

[Doja Elmadani]

هلبا كلا انتي كان حققتي حلمك ما تنسينيش عاد دعوة لصديقتك

 

[Bessi Khorshed A]

انا مشيتلها من كم سنه خيال بكل بكل شعبها بشوش بكل وفيها حياه وجو غير عادى ان شالله ربي يحققلك امنيتك وتمشيلها قريب

 

[Taha Ben Esmael]

روما جميلة جدا، فيها شبه كبير من بعض الأماكن في طرابلس، المدينة غنية واجد تاريخيا، ثلاثة أو أربعة أيام كافيات عشان اتيديري فيها لفة باهية

 

[Basma Ahmed]

واحده من امنيات حياتي وبأن الله تتحقق هي نعيش في ايطاليا ولو لفتره بسيطه نحب اللغه الايطاليه هلباااا

 

[Arwa T Khorshed]

روما تهبل بكل تستاهل بس حتی فينيسيا اتجنن بكل بكل مدينة الاحلام ان شاءالله تزوري إيطاليا كلها

 

[Khaled Edhass]

بالله المرة الجاية. .احلميلنا بإسبانيا. . وياريت صور للذكرى بس ماحكيتيش ع التشخير. .في والا لا. .لأنه من المؤثرات الصوتية

 

[محمد الجراري]

إن شاء الله يتحقق

 

[Anas Gargum]

تستحق طبعا .. وان شاءالله تزوريها

تاكلي احسن اكل .. وتدهوري وتشوفي مباني .. وبالمرة تخطمي علي فينسيا ساعتين بالقطار تقريبا

 

[Mustafa Jalal Fteita]

خلاص عشان خاطرك القروب حيدير حملة انجمعوا اكبر مبلغ مالي ونسفروك غادي وتلفي علي روما كلها ✌✌

 

[Aml Ben Khayal]

حلوه❤

 

[Inassa Jawhar]

اكيدة استلموك مدة العرس كله هههههه نفس الجو يطلع منى مواقق يمسكوها ليا العمر كله

 

[Bisho Kalil]

ربي يكتبلك وتمشيلها فعﻻ تستحق تحلمي بيها وﻻزم بالقطار تزور فينسيا وبيزا

 

[Hussam England]

السفرة الجاية روما بعون الله