A
Ahmed Fawzy
:: مسافر ::
المحطة التانية : سويسرا ...انترلاكن
المواصلة : طيران على Rayan air
الاقامة : easy falkon hostel ودا في منطقة اسمها انترلاكن
كانت الخطة يتاعتي قبل ما اسافر ايطالياو فرنسا علطول على اساس انهم نص سياحة اوروبا بس وانا برتب الرحلة لقيت Ryan air عامل تيكت من فلورنسا لجينيف بحوالي 350 جنيه مصري بس ... ايوة الرقم صحيح هو 350 جنيه بس ... فقلت ليه لا ... ممكن اخدها محطة اقصر بيها مشوار القطر واسمي زرت سويسرا .... كنت مرتب على ليلة واحدة بس .وكنت حاجزها في جينيف ... بس بمجرد ما وصلت ورجلي خطيت بيها برة المطار و شميت الهوا و حسيت حلاوة ونظافة الجو قررت فورا ارجع المطار اقعد على الواي فاي الغي حجز اوتيل فرنسا واشوف ايه احسن حتة تتراح في سويسرا ... قررت اقص يومين من الجدول وازودهم في البلد الوهمية دي ...لقيت كل الدنيا بتتكلم عن بلد اسمها انترلاكن شمال سويسرا ... قعدت ارتب بروجرام جديد بطاقة وبداية جديدة كاني لسة طالع من مصر .... وقتها من حلاوة البلد لافكرت في فلوس ولا تكاليف ولا اي حاجة .. ودي احد متع السفر ...انترلاكن منطقة جبيلة بين بحيرتين .. كلها جبال وخضرة بتتميز ان فيها كل اجواء السنة في نفس اللحظة ... على الارض صيف ... في نص الجبل برد ... قمة الجبل تلج .... البلد خضراء بالكامل ...وفيها نشاطات كتير زي البريجدلينج والطيران الشراعي والكياك والهايكينج.... مواصلاتها من جنبف قطار بحوال 60 فرنك .... دخلت حجزت الهوستيل اونلاين وبدات انفذ بقى الخطة الجديدة
درجة الحرارة كانت في ايطاليا كانت قرب ال 30 ... وصلنا سويسرا الساعة 10 الصبح ودرجة الحرارة 21 ماكنتش مصدق حلاوة الجو ...نقلة حضارية نوعية .... من ايطاليا الي هي بلد تاريخ اثري ناسه ضحوكين بشوشين وعشوائيين زينا لبلد متطور تكنولوجي ذكي وناس قمة العملية والراحة النفسية طبيعة ما حصلتش وكل حاجة سهلة ومتاحة .... محطة القطار كانت في نفق تحت المطار ... الرحلة لانترلاكن كانت حوالي 5 ساعات ... 5 ساعات ممتعة عنيا مانزلنش فيها من على الشباك مش مصدق حلاوة المنظر ونظافة البلد والطبيعة الغريبة ..
العملة في سويسرا الفرنك السويسري ومابيتعاملوش باليورو بس هو نفس القيمة تقريبا وافضل حاجة هناك لو معاك debet card اسحب على قد احتياجك لانك مش
هتحتاج الفرنك بعد كدة
مش هتحتاج خط انترنت في سويسرا هما عندهم الواي فاي في الشارع مجانا للسياح بس نص ساعة ونص ساعة مش طول الوقت فكنت بستخدم الواي فاي
اول ما وصلت انتر لاكن كنت مصدوم من كل حاجة ... بلد ذكي جدا ... نضيف جدا ... منعش جدا ... صديق جدا للانسان ... الكائنات الي هناك علطول مبتسمه ومتعاونين جدا .. البلد مش كبيرة قوي وقفت في المحطة كان في واي فاي مجاني عرفت مكان الهوستيل وبدات اتحرك وصممت امشي ... وصلت اخدت جولة كدة قبل المغرب ... البلد مش كارثة في الاسعار زي ما الناس متصورة اه سويسرا غالية للمعيشة او للشوبينج بس عادية لو نازل 3 او اربع ايام ... نفس اسعار اغلب دول اوروبا .... رحت اكلت في ماك ... طلعت اتمشى على رجلي واتمشى بس كان اخلى فيحة ... طلعت على الساحة الي بتنزل فيها الباراشوتات مكان قد الاستاد كله نجيلة جنبه جبل ارتفاعه كيلو تقريبا والناس بتنط منه ... وحواليك العربيات بقى من لامبورجيني لفراري عيش ... شغلت مزيكا في وداني ولفيتلي ساعة ورجعت انام من تعب السفر وعشان ابدء اليوم بدري
الهوستيل كان رائع ... الموظفة ادتني الخريطة واقترحت عليا اتحرك ازاي اليومين الي قاعدهم ... اتعرفت على ولد ياباني وبنت برازيلية قررنا نتحرك مع بعض وقعدنا نرغي لحد مانمنا
اليوم الاول : Hiking على جبل لمدة 3 ساعات ... ونط بالباراشوت ... رحلة لقرية اونترسين ونزول النهر بالكياك... بدانا نطلع الجبل واجرت عصيان الهايكينج ب 5 فرنك وطبعا كانت فكرة سخيفة جدا لراجل شرق اوسطي متهدل الدهون من كل جانب مترهل الجسم زيي بس ادي اخرة الي يمشي ورا اليابانيين ولما وصلنا كان في فوق مطعم بيعمل باربيكيو على الجبل وتحتك المنظر يقتل .. طلعنا اكلنا الاكلة المتينة وريحنا وشربنا الشاي ...كسلت بصراحة انزل زي ماطلعت فكان في ناس بتقضيها من فزق الجبل نط بالباراشوت كانت النطة بحوالي 70 فرنك ... فقررت اديها ان شالله ما عن حد ما حوش ... اي نعم كانت تجربة وهمية بس حراقة قوي ... بتفضل في الجو ربع ساعة وياسالام بقى لما تبقى داخل مرعوب ان ناطط بيك بنوتة طولها لحد ركبتك .... ويصبرك انها زي القمر فتتفاجئ انها انشف من 10 رجالة زيي رجعنا الهوستيل ريحنا شوية ورحنا قرية جنب انترلاكن فيها نهر وبيعملو جولة بالكياك كانت بحوالي 30 فرنك خلصنا واتوجهنا على الفندق للنوم
اليوم الثاني : اعلى قمة في انترلاكن "الهاردر كولم " جولة نهرية بين البحيرتين بالفيري ... سهرة انترتينمت في الهوستيل
الهاردر كولم نقطة بتبعد عن مستوى الارض 3 كم تقريبا بينطلع ليها بمترو راسي ... من فوق بتقدر تشوف البلد كانك في طيارة ... وفوق بقى احساس الجو الرائع وطعم الفطار السويسري كريب بالجبنة السويسري والشكولاتة ... كان معاياكتاب حاولت اعمل عميق واقراه بس ماقدرتش لاني مابحبش القراية .. فقضيتها مزيكا بعد ما نزلت ركبت الفيري زي الاتوبيس النهري في جولة 3 ساعات بين البحيرتين حيث الماية الصافية والهوا الي يفتح اي صدر في الدنيا ونزلت فيها على كذا محطة مابين شلالات وجزر فيها اشجار غريبة ... رجعت نمت وكانت حفلة الهوستيل بالليل ولميت حاجاتي استعدادا لفرنسا الصبح
يمكن سويسرا ماخدتش مني وقت كبير ومارتبتش لاي حاجة فيها خطيرة بس كانت بالنسبالي محطة مهمة وكانو امتع يومين قضيتهم في حياتي ...
باريس:
المواصلات : قطار من انترلاكن لحد باريس
الاقامة :هوستيل st.christopher in
الصبح ركبت القطر من انترلاكن على باريس المشوار كان حوالي 4 ساعات بالقطار فائق السرعة والتذكرة كانت ب 70 فرنك ... وصلت في محطة جار دي ايست ... وركبت محطة مترو واحدة لحد العوستيل ...دا اكتر هوستيل دخلته بمعنى هوستيل محترم مترتب صح كل 3 اوض حمام وكا كوريدور ليه الكترونيك كي هوستيل نظيف وفي كل مرافقه بالفطار وكان مريح جدا جدا
بالنسبة للمواصلات عندهم برضه تذاكر المترو والقطر والباص اذكرة واحدة باليوم او 3 او 5 انا جبت الاخيرة ب 34 يورو بس الي اتعلمته بعد كدة انك لو نازل في الويك اند بيبقى عندهم التذكرة بخصم 50% فاحسن تاخد تذكرة الويك اند
وبعدها اشتري عدد الايام الي باقيلك اوفر
باكد تاني ان الانترنت على موبالك في اوروبا حاجة مهمة جدا جدا جدا لانه اولا هيسليك في اي انتظار وهيجاوبك عن اي سؤال كوني هيقابلك وهيخليك تتواصل مع حبايبك غير ال maps لانه فعلا في ايدك احسن من الف تور جايد ... دقيق جدا لدرجة انه بيقولك المكان الي انت رايحة من كل الطرق وبكل المواصلات وتوقيتها بالدقيقة والمسافة بالخطوة .. فمحدش يستخسر ...جبت خط لايكا داتا ... هو خط مجاني بتشحنة 10 يورو يديك 3 جيجا بالاضافة ان طبعا من غير Google maps هتتبهدل في السؤال والفرنسين دمهم تقيل وعاملين زينا ساعة الظهر في محطة السادات
انطباعي الاول عن باريس بعد ايطاليا وسوييرا ماكنش خطير و ماعجبتنيش زيهم .. برضه بلد فيها شوية هرجله كدة ومش واو قوي في النظافة خصوصا ان كثرة الجنسيات والافارقة الكتير الي هناك مديك احساس كدة مش ظريف تحسه وسط البلد عندنا ....
اليوم الاول : (طبعا برج ايفل وشامبزيليزيه وقوس النصر )
برج ايفل مهم قوي نعرف هو ايه واتبنى ليه ... ومكوناته ايه ... انا مش هحكي عشان الناس الي مسافرة ما تكسلش وتقرا .. بس هتنبسطو جدا لما تطلعو الدور الاخير وتعرفو ان فيه مكتب المهندس جوستاف ايفل ... قعدت طبعا هناك 3 ساعات اتصور بشكل هستيري ... طلعت البرج ونزلت اتغديت واتعرفت وقتها على شلة طلبة اتراك قعدت معاهم شوية وانطلقت بعد كدة على الشمزيليزيه وقوس النصر ...بالنسبة للشامبزيليزيه ما اتوهمتش قوي يعني شارع عادي جدا فيه محلات غالية جدا ... وكافيهات كلها خلايجة ولبنانيين... نهايته قوس النصر وهو دي الي بجد ممتع قوي انك تتصور عنده ... قوس النصر هو مبنى نصب تذكاري بناه نابليون بونابارت عشان يكون ذكرى تخلد انتصارات الجيوش الامبراطورية وبناه في الموقع دا بحيث يكون نقطة انطلاق لخمس شوارع رئيسية بتوزع على كل باربيس ... شامزيليزيه كان واحد حبيبي نصحني اروحه بالليل بياجرو عربيات فراري ولمبورجيني وحاجات كدة بالربع ساعة تلفلك لفتين في الشامبزيليزيه بحوالي 25 يور فانا رجعت بالليل مخصوص ركبت لمبورجيني ديابلو .. بصراحة مش قادر اوصف احساسي بالانبهار والفزع الي جالي اول ماركبت بس احنا لسة مانعرفش يعني اي عربيات" مهم قوى لو حبيت القصة دي الرخصة الدولية .. ماعندهمش هما بالحب زينا كدة "
اليوم الثاني : متحف اللوفر
يا دوب لو انت هتلف المتحف بما يرضي الله وجري يكفيك يوم واحد .. حجزت التذكرة اون لاين عشان الطوابير في الصيف بشعة كانت ب 13 يورو تقريبا وبيعملها سكان في على الموبايل .... المتحف رائع وشاسع ... لو من الناس الي بتحب التاريخ والاثار اعتقد ممكن تيجي اكتر من يوم لان لا يمكن هتخلص في يوم واحد
اليوم الثالث: كتدارئية سيكرت هارت ونوتردام وجولة في نهر السين
سيكرت هارت كنيسة على هضبة عالية قوي وسلالم للابد ... طبعا انا داخلي في 15 يوم مقضيها اصنام وسلالم وكنايس لحد ما استويت ومابقيتش فعلا مركز غير اني اقعد في اماكن مريحة لعيني واسمع مزيكا واتصور ... يمكن من الحاجات الممتعة روعة الفن في بنا الكنايس والتحف الفنية فيها بس انا تبعت تماما .. قبل المغرب وصلت لنهر السين ركبت فلوكة بتاخد باربي من اولها لاخرها افتكر لحوالي 11 يورو ... حطيت منير في وداني وعشت بقى شوية استجمام
اليوم الرابع : تعبت جدا وجالي نزلة برد قوية وكنت عامل حسابي على ديزني بس قلت لا هقعد اليوم دا كله اريح وانام كفايتي ... ورحت غسلت هدومي واكتفيت باني اتغدى ساعة المغرب عند برج ايفيل واقعد بس ممكن اكون جيت على حساب يوم بس مهم قوي ترتاح شوية
اليوم الخامس : قصر فرساي
هو في مقاطعة فيرساي .. والي رايح ياخد باله انه بتذكرة غير تذكرة باريس عشان بس ماحدش يخالفك ... هو قصر بمعنى كلمة قصر ... بناه لويس ال 14 في البداية زي بيت جنب الغابة للصيد بس اتطور بعده وبقى مركز للعيلة الملكية .. القر من جوا رائع الجمال ... في جدايق بديعة الانسيق ونافورة عالية جدا ... وبحيرة تقدر تركب فيها مركب تجدف فيه بنفسك النص ساعة ب 12 يورو ... ماتحاولش تبعد قوي بالمركب عشان سواقته صعبة وغالبا هتلبس اكتر من نص ساعة
اليوم السادس : ملاهي استريكس
تقول الاسطورة لازم تروح ديزني مدام رحت باريس ... بس انا كنت ناوي من الاول مش هروح ديزني الا مع مراتي وبناتي عشان كنت واعدهم فقررت اروح ايتريكس بارك .... كملاهي وهمية ... فيها الهاب خطيرة ومعدل الادرينالين مش عادي ... هي ساعة تقريبا من باريس بالقطر والتذكرة ب 50 يورو ... اغلب الاوروبيين بيروحوها عشان هي كالعاب احلى من ديزني بس يوم كان اكتر من رائع
اليوم الاخير كانت طيارتي العصر لمصر ...بعد كانت رحلة وهمية ...طويلة ومتعبة .... استفدت منها كتير وتعبت برضه كتير وقابلت ناس كتير
ممكن اقول ملاحظات عامة وسريعة .... مهم قوي قوي انك تاخد وقتك كفاية في كل دولة او مزار لو هتروح كذا بلد ... العبرة مش بكتر الاماكن او الدول الي هاروحها العبرة بانت اتبسطت قد ايه واستفدت قد ايه ... مش لازم انك تروح كل الاماكن المشهورة في الدولة الي بتزورها لانها مش دايما بتكون على هواك ممكن تشوفها مجرد حجارة بالنسبالك وممكن تكون معجزة اهام بعينك وروحك هتترتاح ازاي ... اعرف ما اتبسطتش قوي في متحف اللوفر وانبسطو في فرساي ... في ناس تحب الطبيعة وناس تحب الاثار .. اعمل الي انت بتحبه مش الي الناس بتروحه .... مهم قوي كل بلد تروحها تاكل اكلها وتدوقه وتجيب لنفسك تذكار من هناك حتى لو ميدالية مفاتيح هتفضل طول عمرها مصاحباك وبتفكرك .... اتعلم من الناس الي بتشوفها في السفر بيعيشو ازاي وبيتحركو ازاي وبيفكرو ازي وعبر عن نفسك وعن بلدك احنا شعب بارع ومحبوب وعندنا حضارة اعظم من اي حضارة من الدول دي
ايطاليا رغم انها كانت متحف كبير وفرنسا بلد المدنية وسويسرا بلد التطور بس مصر هي الكوليكشن الي فيه كل دا وناس مصر فعلا اطيب واجدع ناس واثارنا ومزارتنا وجو بلدنا احسن من كل دول العابم بس احنا للاسف حظنا مش حلو اننا مش عارفين نستمتع بيها ولا هي مؤهله انها تستقبلنا ولا احنا مقدرين قيمتها ...احتفظ بتذاكر المزارات والكتيبات الي بتاخدها وتذاكر المترو واكتب عليها ذكرياتك وحطهم كلهم في صندوق او صفيحة وافتحها كل شوية وشم ريحتها وافتكر اخلى لحظات حياتك ..... اتصور كتير واضحك من قلبك وانت بتتصور مامهم الصورة تطلع حلوة مهن قوي تطلع انت فيها مبسوط وماتتكسفش تقول للناس يصوروك ولا حتى تتكسف تلاقي حد نفسه يتصور ومحرج يقول لحد فتعرض عليه انك تساعده ، انت كدة حققت امنية لواحد هيفضل طول عمره يفتكر الصورة دي وممكن جدا تبقى الصورة دي سبب صداقة .... حاول جدا تكون سفريتك ليها انعكاس على سلوكك يعني حاول تعيش التحضر الي شفته بره جوامصر ... اكيد هتبقى لوحدك واكيد الناس هتنتقدك بس صدقوني هتعيشو لحظات رقي واحترام رهيب للذات .وهتحسو انكو مختلفين ... نصيحة اخير ة سفرو السفر دنيا تانية وعمر على عمرك ... السفر مش رفاهية ومش متعة ناس نعاها فلوس السفر دا قدرة وطاقة ... الصحابة والعرب والغرب كانو بيسافرو على دواب وكانوا بيستفادوا ...الامام الشافعي قال عن السفر لما كان بيسافر بالشهور على جمل
سافر تجد عوضاً عمَّن تفارقهُ
وَانْصِبْ فَإنَّ لَذِيذَ الْعَيْشِ فِي النَّصَبِ
إني رأيتُ وقوفَ الماء يفسدهُ
إِنْ سَاحَ طَابَ وَإنْ لَمْ يَجْرِ لَمْ يَطِبِ
والأسدُ لولا فراقُ الأرض ما افترست
والسَّهمُ لولا فراقُ القوسِ لم يصب
والشمس لو وقفت في الفلكِ دائمةً
لَمَلَّهَا النَّاسُ مِنْ عُجْمٍ وَمِنَ عَرَبِ
والتَّبْرَ كالتُّرْبَ مُلْقَى ً في أَمَاكِنِهِ
والعودُ في أرضه نوعً من الحطب
فإن تغرَّب هذا عزَّ مطلبهُ
وإنْ تَغَرَّبَ ذَاكَ عَزَّ كالذَّهَب
اخيرا .. انا استفدت قوي من الجروب ومن معلومات كتير عليه ... اتشجعت من بوستات كتير لمغامرات ناس حريفة سفر كانوا امناء جدا وهما بيعرضو وبتتمنى يكون البوست دا مفيد لاي حد ... الادمن بصراحة والناس كلها على الجروب لو جربت ادخل تسالهم عن اي حاجة على السفر هتلاقي لهفة وجدعنه لا يمكن نلاقيها في حد غير في الجروب دا ...
تحياتي ِ
احمد فوزي -الاسكندرية -28فبراير 2017
المواصلة : طيران على Rayan air
الاقامة : easy falkon hostel ودا في منطقة اسمها انترلاكن
كانت الخطة يتاعتي قبل ما اسافر ايطالياو فرنسا علطول على اساس انهم نص سياحة اوروبا بس وانا برتب الرحلة لقيت Ryan air عامل تيكت من فلورنسا لجينيف بحوالي 350 جنيه مصري بس ... ايوة الرقم صحيح هو 350 جنيه بس ... فقلت ليه لا ... ممكن اخدها محطة اقصر بيها مشوار القطر واسمي زرت سويسرا .... كنت مرتب على ليلة واحدة بس .وكنت حاجزها في جينيف ... بس بمجرد ما وصلت ورجلي خطيت بيها برة المطار و شميت الهوا و حسيت حلاوة ونظافة الجو قررت فورا ارجع المطار اقعد على الواي فاي الغي حجز اوتيل فرنسا واشوف ايه احسن حتة تتراح في سويسرا ... قررت اقص يومين من الجدول وازودهم في البلد الوهمية دي ...لقيت كل الدنيا بتتكلم عن بلد اسمها انترلاكن شمال سويسرا ... قعدت ارتب بروجرام جديد بطاقة وبداية جديدة كاني لسة طالع من مصر .... وقتها من حلاوة البلد لافكرت في فلوس ولا تكاليف ولا اي حاجة .. ودي احد متع السفر ...انترلاكن منطقة جبيلة بين بحيرتين .. كلها جبال وخضرة بتتميز ان فيها كل اجواء السنة في نفس اللحظة ... على الارض صيف ... في نص الجبل برد ... قمة الجبل تلج .... البلد خضراء بالكامل ...وفيها نشاطات كتير زي البريجدلينج والطيران الشراعي والكياك والهايكينج.... مواصلاتها من جنبف قطار بحوال 60 فرنك .... دخلت حجزت الهوستيل اونلاين وبدات انفذ بقى الخطة الجديدة
درجة الحرارة كانت في ايطاليا كانت قرب ال 30 ... وصلنا سويسرا الساعة 10 الصبح ودرجة الحرارة 21 ماكنتش مصدق حلاوة الجو ...نقلة حضارية نوعية .... من ايطاليا الي هي بلد تاريخ اثري ناسه ضحوكين بشوشين وعشوائيين زينا لبلد متطور تكنولوجي ذكي وناس قمة العملية والراحة النفسية طبيعة ما حصلتش وكل حاجة سهلة ومتاحة .... محطة القطار كانت في نفق تحت المطار ... الرحلة لانترلاكن كانت حوالي 5 ساعات ... 5 ساعات ممتعة عنيا مانزلنش فيها من على الشباك مش مصدق حلاوة المنظر ونظافة البلد والطبيعة الغريبة ..
العملة في سويسرا الفرنك السويسري ومابيتعاملوش باليورو بس هو نفس القيمة تقريبا وافضل حاجة هناك لو معاك debet card اسحب على قد احتياجك لانك مش
هتحتاج الفرنك بعد كدة
مش هتحتاج خط انترنت في سويسرا هما عندهم الواي فاي في الشارع مجانا للسياح بس نص ساعة ونص ساعة مش طول الوقت فكنت بستخدم الواي فاي
اول ما وصلت انتر لاكن كنت مصدوم من كل حاجة ... بلد ذكي جدا ... نضيف جدا ... منعش جدا ... صديق جدا للانسان ... الكائنات الي هناك علطول مبتسمه ومتعاونين جدا .. البلد مش كبيرة قوي وقفت في المحطة كان في واي فاي مجاني عرفت مكان الهوستيل وبدات اتحرك وصممت امشي ... وصلت اخدت جولة كدة قبل المغرب ... البلد مش كارثة في الاسعار زي ما الناس متصورة اه سويسرا غالية للمعيشة او للشوبينج بس عادية لو نازل 3 او اربع ايام ... نفس اسعار اغلب دول اوروبا .... رحت اكلت في ماك ... طلعت اتمشى على رجلي واتمشى بس كان اخلى فيحة ... طلعت على الساحة الي بتنزل فيها الباراشوتات مكان قد الاستاد كله نجيلة جنبه جبل ارتفاعه كيلو تقريبا والناس بتنط منه ... وحواليك العربيات بقى من لامبورجيني لفراري عيش ... شغلت مزيكا في وداني ولفيتلي ساعة ورجعت انام من تعب السفر وعشان ابدء اليوم بدري
الهوستيل كان رائع ... الموظفة ادتني الخريطة واقترحت عليا اتحرك ازاي اليومين الي قاعدهم ... اتعرفت على ولد ياباني وبنت برازيلية قررنا نتحرك مع بعض وقعدنا نرغي لحد مانمنا
اليوم الاول : Hiking على جبل لمدة 3 ساعات ... ونط بالباراشوت ... رحلة لقرية اونترسين ونزول النهر بالكياك... بدانا نطلع الجبل واجرت عصيان الهايكينج ب 5 فرنك وطبعا كانت فكرة سخيفة جدا لراجل شرق اوسطي متهدل الدهون من كل جانب مترهل الجسم زيي بس ادي اخرة الي يمشي ورا اليابانيين ولما وصلنا كان في فوق مطعم بيعمل باربيكيو على الجبل وتحتك المنظر يقتل .. طلعنا اكلنا الاكلة المتينة وريحنا وشربنا الشاي ...كسلت بصراحة انزل زي ماطلعت فكان في ناس بتقضيها من فزق الجبل نط بالباراشوت كانت النطة بحوالي 70 فرنك ... فقررت اديها ان شالله ما عن حد ما حوش ... اي نعم كانت تجربة وهمية بس حراقة قوي ... بتفضل في الجو ربع ساعة وياسالام بقى لما تبقى داخل مرعوب ان ناطط بيك بنوتة طولها لحد ركبتك .... ويصبرك انها زي القمر فتتفاجئ انها انشف من 10 رجالة زيي رجعنا الهوستيل ريحنا شوية ورحنا قرية جنب انترلاكن فيها نهر وبيعملو جولة بالكياك كانت بحوالي 30 فرنك خلصنا واتوجهنا على الفندق للنوم
اليوم الثاني : اعلى قمة في انترلاكن "الهاردر كولم " جولة نهرية بين البحيرتين بالفيري ... سهرة انترتينمت في الهوستيل
الهاردر كولم نقطة بتبعد عن مستوى الارض 3 كم تقريبا بينطلع ليها بمترو راسي ... من فوق بتقدر تشوف البلد كانك في طيارة ... وفوق بقى احساس الجو الرائع وطعم الفطار السويسري كريب بالجبنة السويسري والشكولاتة ... كان معاياكتاب حاولت اعمل عميق واقراه بس ماقدرتش لاني مابحبش القراية .. فقضيتها مزيكا بعد ما نزلت ركبت الفيري زي الاتوبيس النهري في جولة 3 ساعات بين البحيرتين حيث الماية الصافية والهوا الي يفتح اي صدر في الدنيا ونزلت فيها على كذا محطة مابين شلالات وجزر فيها اشجار غريبة ... رجعت نمت وكانت حفلة الهوستيل بالليل ولميت حاجاتي استعدادا لفرنسا الصبح
يمكن سويسرا ماخدتش مني وقت كبير ومارتبتش لاي حاجة فيها خطيرة بس كانت بالنسبالي محطة مهمة وكانو امتع يومين قضيتهم في حياتي ...
باريس:
المواصلات : قطار من انترلاكن لحد باريس
الاقامة :هوستيل st.christopher in
الصبح ركبت القطر من انترلاكن على باريس المشوار كان حوالي 4 ساعات بالقطار فائق السرعة والتذكرة كانت ب 70 فرنك ... وصلت في محطة جار دي ايست ... وركبت محطة مترو واحدة لحد العوستيل ...دا اكتر هوستيل دخلته بمعنى هوستيل محترم مترتب صح كل 3 اوض حمام وكا كوريدور ليه الكترونيك كي هوستيل نظيف وفي كل مرافقه بالفطار وكان مريح جدا جدا
بالنسبة للمواصلات عندهم برضه تذاكر المترو والقطر والباص اذكرة واحدة باليوم او 3 او 5 انا جبت الاخيرة ب 34 يورو بس الي اتعلمته بعد كدة انك لو نازل في الويك اند بيبقى عندهم التذكرة بخصم 50% فاحسن تاخد تذكرة الويك اند
وبعدها اشتري عدد الايام الي باقيلك اوفر
باكد تاني ان الانترنت على موبالك في اوروبا حاجة مهمة جدا جدا جدا لانه اولا هيسليك في اي انتظار وهيجاوبك عن اي سؤال كوني هيقابلك وهيخليك تتواصل مع حبايبك غير ال maps لانه فعلا في ايدك احسن من الف تور جايد ... دقيق جدا لدرجة انه بيقولك المكان الي انت رايحة من كل الطرق وبكل المواصلات وتوقيتها بالدقيقة والمسافة بالخطوة .. فمحدش يستخسر ...جبت خط لايكا داتا ... هو خط مجاني بتشحنة 10 يورو يديك 3 جيجا بالاضافة ان طبعا من غير Google maps هتتبهدل في السؤال والفرنسين دمهم تقيل وعاملين زينا ساعة الظهر في محطة السادات
انطباعي الاول عن باريس بعد ايطاليا وسوييرا ماكنش خطير و ماعجبتنيش زيهم .. برضه بلد فيها شوية هرجله كدة ومش واو قوي في النظافة خصوصا ان كثرة الجنسيات والافارقة الكتير الي هناك مديك احساس كدة مش ظريف تحسه وسط البلد عندنا ....
اليوم الاول : (طبعا برج ايفل وشامبزيليزيه وقوس النصر )
برج ايفل مهم قوي نعرف هو ايه واتبنى ليه ... ومكوناته ايه ... انا مش هحكي عشان الناس الي مسافرة ما تكسلش وتقرا .. بس هتنبسطو جدا لما تطلعو الدور الاخير وتعرفو ان فيه مكتب المهندس جوستاف ايفل ... قعدت طبعا هناك 3 ساعات اتصور بشكل هستيري ... طلعت البرج ونزلت اتغديت واتعرفت وقتها على شلة طلبة اتراك قعدت معاهم شوية وانطلقت بعد كدة على الشمزيليزيه وقوس النصر ...بالنسبة للشامبزيليزيه ما اتوهمتش قوي يعني شارع عادي جدا فيه محلات غالية جدا ... وكافيهات كلها خلايجة ولبنانيين... نهايته قوس النصر وهو دي الي بجد ممتع قوي انك تتصور عنده ... قوس النصر هو مبنى نصب تذكاري بناه نابليون بونابارت عشان يكون ذكرى تخلد انتصارات الجيوش الامبراطورية وبناه في الموقع دا بحيث يكون نقطة انطلاق لخمس شوارع رئيسية بتوزع على كل باربيس ... شامزيليزيه كان واحد حبيبي نصحني اروحه بالليل بياجرو عربيات فراري ولمبورجيني وحاجات كدة بالربع ساعة تلفلك لفتين في الشامبزيليزيه بحوالي 25 يور فانا رجعت بالليل مخصوص ركبت لمبورجيني ديابلو .. بصراحة مش قادر اوصف احساسي بالانبهار والفزع الي جالي اول ماركبت بس احنا لسة مانعرفش يعني اي عربيات" مهم قوى لو حبيت القصة دي الرخصة الدولية .. ماعندهمش هما بالحب زينا كدة "
اليوم الثاني : متحف اللوفر
يا دوب لو انت هتلف المتحف بما يرضي الله وجري يكفيك يوم واحد .. حجزت التذكرة اون لاين عشان الطوابير في الصيف بشعة كانت ب 13 يورو تقريبا وبيعملها سكان في على الموبايل .... المتحف رائع وشاسع ... لو من الناس الي بتحب التاريخ والاثار اعتقد ممكن تيجي اكتر من يوم لان لا يمكن هتخلص في يوم واحد
اليوم الثالث: كتدارئية سيكرت هارت ونوتردام وجولة في نهر السين
سيكرت هارت كنيسة على هضبة عالية قوي وسلالم للابد ... طبعا انا داخلي في 15 يوم مقضيها اصنام وسلالم وكنايس لحد ما استويت ومابقيتش فعلا مركز غير اني اقعد في اماكن مريحة لعيني واسمع مزيكا واتصور ... يمكن من الحاجات الممتعة روعة الفن في بنا الكنايس والتحف الفنية فيها بس انا تبعت تماما .. قبل المغرب وصلت لنهر السين ركبت فلوكة بتاخد باربي من اولها لاخرها افتكر لحوالي 11 يورو ... حطيت منير في وداني وعشت بقى شوية استجمام
اليوم الرابع : تعبت جدا وجالي نزلة برد قوية وكنت عامل حسابي على ديزني بس قلت لا هقعد اليوم دا كله اريح وانام كفايتي ... ورحت غسلت هدومي واكتفيت باني اتغدى ساعة المغرب عند برج ايفيل واقعد بس ممكن اكون جيت على حساب يوم بس مهم قوي ترتاح شوية
اليوم الخامس : قصر فرساي
هو في مقاطعة فيرساي .. والي رايح ياخد باله انه بتذكرة غير تذكرة باريس عشان بس ماحدش يخالفك ... هو قصر بمعنى كلمة قصر ... بناه لويس ال 14 في البداية زي بيت جنب الغابة للصيد بس اتطور بعده وبقى مركز للعيلة الملكية .. القر من جوا رائع الجمال ... في جدايق بديعة الانسيق ونافورة عالية جدا ... وبحيرة تقدر تركب فيها مركب تجدف فيه بنفسك النص ساعة ب 12 يورو ... ماتحاولش تبعد قوي بالمركب عشان سواقته صعبة وغالبا هتلبس اكتر من نص ساعة
اليوم السادس : ملاهي استريكس
تقول الاسطورة لازم تروح ديزني مدام رحت باريس ... بس انا كنت ناوي من الاول مش هروح ديزني الا مع مراتي وبناتي عشان كنت واعدهم فقررت اروح ايتريكس بارك .... كملاهي وهمية ... فيها الهاب خطيرة ومعدل الادرينالين مش عادي ... هي ساعة تقريبا من باريس بالقطر والتذكرة ب 50 يورو ... اغلب الاوروبيين بيروحوها عشان هي كالعاب احلى من ديزني بس يوم كان اكتر من رائع
اليوم الاخير كانت طيارتي العصر لمصر ...بعد كانت رحلة وهمية ...طويلة ومتعبة .... استفدت منها كتير وتعبت برضه كتير وقابلت ناس كتير
ممكن اقول ملاحظات عامة وسريعة .... مهم قوي قوي انك تاخد وقتك كفاية في كل دولة او مزار لو هتروح كذا بلد ... العبرة مش بكتر الاماكن او الدول الي هاروحها العبرة بانت اتبسطت قد ايه واستفدت قد ايه ... مش لازم انك تروح كل الاماكن المشهورة في الدولة الي بتزورها لانها مش دايما بتكون على هواك ممكن تشوفها مجرد حجارة بالنسبالك وممكن تكون معجزة اهام بعينك وروحك هتترتاح ازاي ... اعرف ما اتبسطتش قوي في متحف اللوفر وانبسطو في فرساي ... في ناس تحب الطبيعة وناس تحب الاثار .. اعمل الي انت بتحبه مش الي الناس بتروحه .... مهم قوي كل بلد تروحها تاكل اكلها وتدوقه وتجيب لنفسك تذكار من هناك حتى لو ميدالية مفاتيح هتفضل طول عمرها مصاحباك وبتفكرك .... اتعلم من الناس الي بتشوفها في السفر بيعيشو ازاي وبيتحركو ازاي وبيفكرو ازي وعبر عن نفسك وعن بلدك احنا شعب بارع ومحبوب وعندنا حضارة اعظم من اي حضارة من الدول دي
ايطاليا رغم انها كانت متحف كبير وفرنسا بلد المدنية وسويسرا بلد التطور بس مصر هي الكوليكشن الي فيه كل دا وناس مصر فعلا اطيب واجدع ناس واثارنا ومزارتنا وجو بلدنا احسن من كل دول العابم بس احنا للاسف حظنا مش حلو اننا مش عارفين نستمتع بيها ولا هي مؤهله انها تستقبلنا ولا احنا مقدرين قيمتها ...احتفظ بتذاكر المزارات والكتيبات الي بتاخدها وتذاكر المترو واكتب عليها ذكرياتك وحطهم كلهم في صندوق او صفيحة وافتحها كل شوية وشم ريحتها وافتكر اخلى لحظات حياتك ..... اتصور كتير واضحك من قلبك وانت بتتصور مامهم الصورة تطلع حلوة مهن قوي تطلع انت فيها مبسوط وماتتكسفش تقول للناس يصوروك ولا حتى تتكسف تلاقي حد نفسه يتصور ومحرج يقول لحد فتعرض عليه انك تساعده ، انت كدة حققت امنية لواحد هيفضل طول عمره يفتكر الصورة دي وممكن جدا تبقى الصورة دي سبب صداقة .... حاول جدا تكون سفريتك ليها انعكاس على سلوكك يعني حاول تعيش التحضر الي شفته بره جوامصر ... اكيد هتبقى لوحدك واكيد الناس هتنتقدك بس صدقوني هتعيشو لحظات رقي واحترام رهيب للذات .وهتحسو انكو مختلفين ... نصيحة اخير ة سفرو السفر دنيا تانية وعمر على عمرك ... السفر مش رفاهية ومش متعة ناس نعاها فلوس السفر دا قدرة وطاقة ... الصحابة والعرب والغرب كانو بيسافرو على دواب وكانوا بيستفادوا ...الامام الشافعي قال عن السفر لما كان بيسافر بالشهور على جمل
سافر تجد عوضاً عمَّن تفارقهُ
وَانْصِبْ فَإنَّ لَذِيذَ الْعَيْشِ فِي النَّصَبِ
إني رأيتُ وقوفَ الماء يفسدهُ
إِنْ سَاحَ طَابَ وَإنْ لَمْ يَجْرِ لَمْ يَطِبِ
والأسدُ لولا فراقُ الأرض ما افترست
والسَّهمُ لولا فراقُ القوسِ لم يصب
والشمس لو وقفت في الفلكِ دائمةً
لَمَلَّهَا النَّاسُ مِنْ عُجْمٍ وَمِنَ عَرَبِ
والتَّبْرَ كالتُّرْبَ مُلْقَى ً في أَمَاكِنِهِ
والعودُ في أرضه نوعً من الحطب
فإن تغرَّب هذا عزَّ مطلبهُ
وإنْ تَغَرَّبَ ذَاكَ عَزَّ كالذَّهَب
اخيرا .. انا استفدت قوي من الجروب ومن معلومات كتير عليه ... اتشجعت من بوستات كتير لمغامرات ناس حريفة سفر كانوا امناء جدا وهما بيعرضو وبتتمنى يكون البوست دا مفيد لاي حد ... الادمن بصراحة والناس كلها على الجروب لو جربت ادخل تسالهم عن اي حاجة على السفر هتلاقي لهفة وجدعنه لا يمكن نلاقيها في حد غير في الجروب دا ...
تحياتي ِ
احمد فوزي -الاسكندرية -28فبراير 2017