T
Travel Secrets
:: مسافر ::
الموضوع للأسف جد و شكله حيتنفذ خلال ساعات أو أيام بالكثير , بس قبل ما نعرف حيأثر على السفر ازاي خلينا نعرف أصلا يعني ايه تعويم الجنيه :
حاليا البنك المركزي المصري هو اللي بيحدد سعر معروف و ثابت عند كل البنوك للدولار سواء ب 8.8 جنيه أو أكتر شويه أو أقل شويه , و ده بيتم حسب رؤية البنك المركزي لسوق النقد الأجنبي في مصر عموما , طيب يعني ايه تعويم الجنيه ؟ التعويم يا صاحبي يعني البنك المركزي ميحددش سعر ثابت للجنيه المصري و يسيب السوق هو اللي يحدده عن طريق العرض و الطلب , يعني لو زاد الطلب على الجنيه المصري سعره يزيد في السوق ( بلا وكسه ) و لو الجنيه المصري مش مطلوب و الدولار هو المطلوب أكتر يبقى سعر الدولار حيزيد مقابل سعر الجنيه المصري , ده كده الموضوع باختصار .
طيب هو سعر الدولار ممكن يوصل ل 50 جنيه مثلا طالما عرض و طلب ؟ لأ طبعا هنا بتيجي حاجه اسمها التعويم المدار , يعني الجنيه حيخضع للعرض و الطلب فعلا لكن مع فرض سعر مركزى وحد أقصى وحد أدنى للدولار. يعنى البنك المركزى بيقول إن سعر الدولار النهارده مثلا 10 جنيه، والحد الأدنى 9.75 جنيه، والحد الأقصى 10.75 جنيه. فلو زاد عن الحد الأقصى بيتدخل البنك وبيزود المعروض من الدولار علشان ينزل سعره.
طيب هو ايه أصلا فائدة التعويم ؟ الفائده الوحيده حتكون انه لما يخفض قيمة الجنيه في السوق فالصادرات حتزيد لأنه حيعزز قدرتها التنافسيه في جانب الأسعار, و حيعمل جذب للاستثمارات الأجنبيه فحيزود فرص العمل , و حيقضي على السوق السوداء للعمله لأن سعر السوق حيبقى زي سعر البنك ( معتمد على العرض و الطلب ) . لكن للاسف احنا بنستورد أكتر بكتير ما بنصدر فالسلع كلها سعرها حتزيد لأن الاستيراد كله بالدولار و لما سعر الدولار يزيد قيمة السلعه حتزيد و طبعا احنا اللي حنتحمل الزياده دي .
طيب الكلام ده حيؤثر على سوق السفر ازاي ؟
أولا بعد تعويم الجنيه خلال أيام أو ساعات قادمه محتمل يرتفع سعر صرف الدولار في البنوك الى 11.5 أو 12,5 جنيه , ده معناه أن اللي كان بيستخدم الكريدت كارد لدفع تذكره و لنفرض ب 100 دولار و كانت بتتحسب عليه بمبلغ 880 جنيه , دلوقتي حتتحسب عليه ب 1250 جنيه , لنفس التذكره بنفس السعر ( دي المصيبه الأولى )
ثانيا لما كنت بتسافر و تروح تاخد دولارات من البنك بسعر الصرف و يحسبوا لك الدولار بالسعر الرسمي 8.8 جنيه و تاخد مثلا 500 دولار ب 4400 جنيه , دلوقتي حتاخد نفس ال 500 دولار ب 6250 جنيه
يعني كل حجوزات الفنادق و الطيران للاسف قيمتها بالجنيه حتزيد لأننا بنشتريها غالبا بالدولار الأمريكي . يمكن الميزة الوحيده للموضوع ده انك لما حتعوز دولار و انت مسافر حتلاقيه موجود سواء في البنك أو الصرافه لأن سعره بقى تقريبا واحد و ثابت.
By: Bahaa
#تعويم_الجنيه
#اظهر_على_حقيقتك
#travel_secrets
حاليا البنك المركزي المصري هو اللي بيحدد سعر معروف و ثابت عند كل البنوك للدولار سواء ب 8.8 جنيه أو أكتر شويه أو أقل شويه , و ده بيتم حسب رؤية البنك المركزي لسوق النقد الأجنبي في مصر عموما , طيب يعني ايه تعويم الجنيه ؟ التعويم يا صاحبي يعني البنك المركزي ميحددش سعر ثابت للجنيه المصري و يسيب السوق هو اللي يحدده عن طريق العرض و الطلب , يعني لو زاد الطلب على الجنيه المصري سعره يزيد في السوق ( بلا وكسه ) و لو الجنيه المصري مش مطلوب و الدولار هو المطلوب أكتر يبقى سعر الدولار حيزيد مقابل سعر الجنيه المصري , ده كده الموضوع باختصار .
طيب هو سعر الدولار ممكن يوصل ل 50 جنيه مثلا طالما عرض و طلب ؟ لأ طبعا هنا بتيجي حاجه اسمها التعويم المدار , يعني الجنيه حيخضع للعرض و الطلب فعلا لكن مع فرض سعر مركزى وحد أقصى وحد أدنى للدولار. يعنى البنك المركزى بيقول إن سعر الدولار النهارده مثلا 10 جنيه، والحد الأدنى 9.75 جنيه، والحد الأقصى 10.75 جنيه. فلو زاد عن الحد الأقصى بيتدخل البنك وبيزود المعروض من الدولار علشان ينزل سعره.
طيب هو ايه أصلا فائدة التعويم ؟ الفائده الوحيده حتكون انه لما يخفض قيمة الجنيه في السوق فالصادرات حتزيد لأنه حيعزز قدرتها التنافسيه في جانب الأسعار, و حيعمل جذب للاستثمارات الأجنبيه فحيزود فرص العمل , و حيقضي على السوق السوداء للعمله لأن سعر السوق حيبقى زي سعر البنك ( معتمد على العرض و الطلب ) . لكن للاسف احنا بنستورد أكتر بكتير ما بنصدر فالسلع كلها سعرها حتزيد لأن الاستيراد كله بالدولار و لما سعر الدولار يزيد قيمة السلعه حتزيد و طبعا احنا اللي حنتحمل الزياده دي .
طيب الكلام ده حيؤثر على سوق السفر ازاي ؟
أولا بعد تعويم الجنيه خلال أيام أو ساعات قادمه محتمل يرتفع سعر صرف الدولار في البنوك الى 11.5 أو 12,5 جنيه , ده معناه أن اللي كان بيستخدم الكريدت كارد لدفع تذكره و لنفرض ب 100 دولار و كانت بتتحسب عليه بمبلغ 880 جنيه , دلوقتي حتتحسب عليه ب 1250 جنيه , لنفس التذكره بنفس السعر ( دي المصيبه الأولى )
ثانيا لما كنت بتسافر و تروح تاخد دولارات من البنك بسعر الصرف و يحسبوا لك الدولار بالسعر الرسمي 8.8 جنيه و تاخد مثلا 500 دولار ب 4400 جنيه , دلوقتي حتاخد نفس ال 500 دولار ب 6250 جنيه
يعني كل حجوزات الفنادق و الطيران للاسف قيمتها بالجنيه حتزيد لأننا بنشتريها غالبا بالدولار الأمريكي . يمكن الميزة الوحيده للموضوع ده انك لما حتعوز دولار و انت مسافر حتلاقيه موجود سواء في البنك أو الصرافه لأن سعره بقى تقريبا واحد و ثابت.
By: Bahaa
#تعويم_الجنيه
#اظهر_على_حقيقتك
#travel_secrets
