T
Travel Secrets
:: مسافر ::
يا نهار أزرق حيوقفوا كمان تذاكر ال SOTO هي ناقصه !!!!
طيب واحده واحده كده علشان الناس تفهم يعني ايه SOTO اصلا ؟
سوتو يعني : sold outside, ticketed outside , يعني بالصلاه على النبي كده تذاكر تم حجزها و تم بيعها في دوله مش موجوده أصلا في مسار الرحله, يعني بالبلدي كده تكون مسافر من لندن الى باريس, و اللي يصدرلك التذكره و يحجزها مكتب سفريات مصري.
طيب ايه المشكله في الموضوع يعني ؟ المشكله أن بعض مكاتب الحجز المصريه أصبحوا يستغلوا فروقات سعر الدولار بين البنك و السوق السوداء و يشتروا التذاكر دي بسعر الصرف الرسمي من البنك و يبيعوها بسعر صرف السوق السوداء , فيعملوا منها مكاسب ضخمه جدا .
تعالو بقى للحته المهمه , هو الموضوع ده حيؤثر علينا ازاي كمسافرين بميزانيات محدوده ؟ غالبا مش حيأثر علينا خالص , لأن القرار ده يشمل مكاتب حجز الطيران المصريه و وكلاء السفر فقط , و مالوش علاقه بالحجز اون لاين من شركات الطيران مباشرة أو من وكلاء السفر اللي خارج مصر زي ebookers و Expedia و غيرهم , يعني حضرتك تقدر تدخل تحجز التذكره عادي جدا من اي شركة طيران في العالم اون لاين بالكريدت كارد المصريه بدون اي مشاكل لأنك بتشتريها من بلدها مباشرة مش من وكيل سفريات مصري , يعني تقدر تشتري تذاكر من AIRASIA أو من RAYANAIR أو من EASYJET بدون اي مشكله.
لكن طبعا اللي حيتأثر بالقرار ده هما فئتين فقط و هما مكاتب حجز تذاكر الطيران المصريه لأن مش حيكون مسموح لهم انهم يشتروا تذاكر لا يتضمن خط السير فيها اي مطار داخل مصر , و بالتالي الفئه التانيه اللي حتتأثر هي الناس اللي بتعتمد على مكاتب حجز التذاكر انها تحجزلها تذاكر الطيران للوجهات اللي خارج مصر.
علشان تعرف ازاي تحجز أرخص تذكرة طيران اقرا الموضوع ده : /Travel Secrets
By: Bahaa
#قرار_وزير_الطيران_المدني #هي_ناقصه #travelsecrets
طيب واحده واحده كده علشان الناس تفهم يعني ايه SOTO اصلا ؟
سوتو يعني : sold outside, ticketed outside , يعني بالصلاه على النبي كده تذاكر تم حجزها و تم بيعها في دوله مش موجوده أصلا في مسار الرحله, يعني بالبلدي كده تكون مسافر من لندن الى باريس, و اللي يصدرلك التذكره و يحجزها مكتب سفريات مصري.
طيب ايه المشكله في الموضوع يعني ؟ المشكله أن بعض مكاتب الحجز المصريه أصبحوا يستغلوا فروقات سعر الدولار بين البنك و السوق السوداء و يشتروا التذاكر دي بسعر الصرف الرسمي من البنك و يبيعوها بسعر صرف السوق السوداء , فيعملوا منها مكاسب ضخمه جدا .
تعالو بقى للحته المهمه , هو الموضوع ده حيؤثر علينا ازاي كمسافرين بميزانيات محدوده ؟ غالبا مش حيأثر علينا خالص , لأن القرار ده يشمل مكاتب حجز الطيران المصريه و وكلاء السفر فقط , و مالوش علاقه بالحجز اون لاين من شركات الطيران مباشرة أو من وكلاء السفر اللي خارج مصر زي ebookers و Expedia و غيرهم , يعني حضرتك تقدر تدخل تحجز التذكره عادي جدا من اي شركة طيران في العالم اون لاين بالكريدت كارد المصريه بدون اي مشاكل لأنك بتشتريها من بلدها مباشرة مش من وكيل سفريات مصري , يعني تقدر تشتري تذاكر من AIRASIA أو من RAYANAIR أو من EASYJET بدون اي مشكله.
لكن طبعا اللي حيتأثر بالقرار ده هما فئتين فقط و هما مكاتب حجز تذاكر الطيران المصريه لأن مش حيكون مسموح لهم انهم يشتروا تذاكر لا يتضمن خط السير فيها اي مطار داخل مصر , و بالتالي الفئه التانيه اللي حتتأثر هي الناس اللي بتعتمد على مكاتب حجز التذاكر انها تحجزلها تذاكر الطيران للوجهات اللي خارج مصر.
علشان تعرف ازاي تحجز أرخص تذكرة طيران اقرا الموضوع ده : /Travel Secrets
By: Bahaa
#قرار_وزير_الطيران_المدني #هي_ناقصه #travelsecrets