T
Travel Secrets
:: مسافر ::
وعدتكم امبارح اني أقولكم بعض الاقتراحات للتغلب على موضوع قلة حد الشراء على الكريدت كارد في البنوك المصريه للناس المحبين للسفر , خلينا نتفق مبدئيا هيا الناس كانت بتسافر ازاي قبل اختراع بطاقات الائتمان !! كانت عادي بتحجز من مكاتب السفر و بتحول عمله و بتسافر برده , طبعا احنا كده بنرجع لعصر الجاهليه ما قبل الانترنت لعدم قدرتنا على التطور الطبيعي في تنظيم رحلتنا بنفسنا و احنا قاعدين في البيت و من خلال كريدت كارد و لاب توب , و لكن ده الوضع حاليا للأسف و لازم نحاول نتغلب عليه . ححاول أقترح عليكم بعض الاقتراحات اللي من خلالها حنحاول نقلل استخدامنا للكريدت كارد بشكل كبير حتى لو هيا مش حل جذري لكن اعتقد ممكن تساعد ناس كتير :
الحل الأسهل و الأكثر عملية : أنك تفتح اكتر من حساب في بنوك مختلفه و ده حيخلي حد السحب ليك أعلى لو عندك أكتر من بطاقة ائتمان . و لكن ده ممكن يكون صعب على ناس كتير فحقولكم على حلول عمليه بشكل اكبر
الحل الأول :
ازاي نتغلب على أكبر مبلغ بيتم دفعه خلال السفر و هو تذكرة الطيران ؟ الحل بـأننا نشتري التذكرة كاش بالجنيه المصري من شركة الطيران مباشرة أو من عن طريق وكيل سفر مصري , أغلب شركات الطيران في العالم ليها فروع في مصر و نقدر عن طريق مكتبهم اننا نشتري التذكره منهم مباشره كاش بالجنيه المصري حتى لو أغلى حاجه بسيطه بس حنوفر مبلغ كبير من حد الشراء على الكريدت كارد ممكن يصل ل 50% من سعر رحلتنا لو عملنا كده . ( عدا طبعا بعض شركات الطيران الداخليه زي اير اسيا مثلا فدي ملهاش مكاتب في مصر و لكن غالبا بيكون سعر التذكره رخيصه فمش حتأثر كتير على حد الشراء )
الحل الثاني :
أكبر تاني ميزانيه في الرحله بتكون غالبا للسكن , و نفدر نتغلب على الموضوع ده بأننا نخلي الدفع عند الوصول بعملة البلد , و ده نقدر نحجزه من مواقع زي موقع booking.com او hostelworld.com مثلا و نختار الدفع عند الوصول . و نوفر بردو البند ده من حد الشراء على الكريدت كارد
الحل الثالث :
الرحلات السياحيه و ده من البنود الكبيره بردو في الرحله , و الحل للموضوع ده أن فيه كتير من الشركات الاون لاين , بتقدر تحجز من خلالها رحلاتك السياحيه الداخليه و تبعتلك تأكيد الحجز على الايميل و الدفع بردو بيكون عند الوصول و بكده بنكون ضمنا اننا حجزنا بسعر أرخص لأننا استفدنا من سعر الاون لاين
طيب كده الحمد لله دفعنا الطيران بالجنيه المصري و وفرنا 50% من الدولارات بتاعتنا و كمان الفنادق و الرحلات السياحيه حندفعهم بعملة البلد و استخدامنا للكريدت كارد حيتوقف فقط على الحاجات الصعب دفعها كاش او عند الوصول أو خايفين سعرها يتغير لو حجزناها متاخر , زي مثلا رحلات الطيران الداخلي أو حجز الباصات أو القطر في أوروبا و ده بيكون اسعارهم مش كتير و مش حتأثر على حد الشراء بشكل كبير,
طيب حنجيب دولارات منين ؟ كل مسافر بيقدر انه ياخد من البنك حوالي 500 دولار قبل السفر بسعر الصرف الرسمي ( المبلغ ده بيختلف من بنك للتاني ) و لكن عموما بيكون 500 دولار , مهمتي بقى اني أعرفك من خلال المواضيع اللي على الصفحه ازاي رحلتك كلها متكلفش أكتر من ال 500 دولار دي . و ده اللي حنعرفه في بوستات مهمه حنبدأها من بكره ان شاء الله
By: Bahaa
#حنسافر_يعني_حنسافر #تبا_للكريدت_كارد #travelsecrets
الحل الأسهل و الأكثر عملية : أنك تفتح اكتر من حساب في بنوك مختلفه و ده حيخلي حد السحب ليك أعلى لو عندك أكتر من بطاقة ائتمان . و لكن ده ممكن يكون صعب على ناس كتير فحقولكم على حلول عمليه بشكل اكبر
الحل الأول :
ازاي نتغلب على أكبر مبلغ بيتم دفعه خلال السفر و هو تذكرة الطيران ؟ الحل بـأننا نشتري التذكرة كاش بالجنيه المصري من شركة الطيران مباشرة أو من عن طريق وكيل سفر مصري , أغلب شركات الطيران في العالم ليها فروع في مصر و نقدر عن طريق مكتبهم اننا نشتري التذكره منهم مباشره كاش بالجنيه المصري حتى لو أغلى حاجه بسيطه بس حنوفر مبلغ كبير من حد الشراء على الكريدت كارد ممكن يصل ل 50% من سعر رحلتنا لو عملنا كده . ( عدا طبعا بعض شركات الطيران الداخليه زي اير اسيا مثلا فدي ملهاش مكاتب في مصر و لكن غالبا بيكون سعر التذكره رخيصه فمش حتأثر كتير على حد الشراء )
الحل الثاني :
أكبر تاني ميزانيه في الرحله بتكون غالبا للسكن , و نفدر نتغلب على الموضوع ده بأننا نخلي الدفع عند الوصول بعملة البلد , و ده نقدر نحجزه من مواقع زي موقع booking.com او hostelworld.com مثلا و نختار الدفع عند الوصول . و نوفر بردو البند ده من حد الشراء على الكريدت كارد
الحل الثالث :
الرحلات السياحيه و ده من البنود الكبيره بردو في الرحله , و الحل للموضوع ده أن فيه كتير من الشركات الاون لاين , بتقدر تحجز من خلالها رحلاتك السياحيه الداخليه و تبعتلك تأكيد الحجز على الايميل و الدفع بردو بيكون عند الوصول و بكده بنكون ضمنا اننا حجزنا بسعر أرخص لأننا استفدنا من سعر الاون لاين
طيب كده الحمد لله دفعنا الطيران بالجنيه المصري و وفرنا 50% من الدولارات بتاعتنا و كمان الفنادق و الرحلات السياحيه حندفعهم بعملة البلد و استخدامنا للكريدت كارد حيتوقف فقط على الحاجات الصعب دفعها كاش او عند الوصول أو خايفين سعرها يتغير لو حجزناها متاخر , زي مثلا رحلات الطيران الداخلي أو حجز الباصات أو القطر في أوروبا و ده بيكون اسعارهم مش كتير و مش حتأثر على حد الشراء بشكل كبير,
طيب حنجيب دولارات منين ؟ كل مسافر بيقدر انه ياخد من البنك حوالي 500 دولار قبل السفر بسعر الصرف الرسمي ( المبلغ ده بيختلف من بنك للتاني ) و لكن عموما بيكون 500 دولار , مهمتي بقى اني أعرفك من خلال المواضيع اللي على الصفحه ازاي رحلتك كلها متكلفش أكتر من ال 500 دولار دي . و ده اللي حنعرفه في بوستات مهمه حنبدأها من بكره ان شاء الله
By: Bahaa
#حنسافر_يعني_حنسافر #تبا_للكريدت_كارد #travelsecrets