T
Travel Secrets
:: مسافر ::
صدق أو لا تصدق
التحدي الثاني : ازاي تسافر ميلان و فينيسيا بأقل من 300 دولار . تصدق أن ده بجد و بحق و حقيقي , مش قلتلكم احنا اد التحدي و حنسافر يعني حنسافر و لا حيهمنا دولار غالي و لا غيره .
ايه رأيك تقضي اسبوع بين ميلانو و فينيسيا بمبلغ أقل من 300 دولار . ركز معايا و اقرا الكلمتين دول بتركيز
• سعر تذكرة الطيران من شرم الشيخ الى ميلانو طيران مباشر سعرها 1310 جنيه مصري ذهاب و عوده على طيران Meridiana و ده متوفر في تاريخ السفر 2 فبراير الى 9 فبراير
• سعر الليله في ميلانو في فندق اسمه hotel salus من موقع Airbnb بسعر 12 دولار في الليله
• سعر الليله في فينيسيا في هوستل II Lato Azzurro و بالافطار كمان بسعر 22 دولار
• الانتقالات من ميلانو الى فينسيا و العكس بالقطار حتكلفك 22 دولار
يعني الرحله دي كامله طيران دولي و فنادق في فينيسيا و ميلانو و انتقالات ما بين المدينيتن حتكلفك حوالي 285 دولار
الجزء اللي فات كده كسبنا التحدي و عرفنا ازاي نقدر نسافر ميلانو و فينيسيا بمبلغ أقل من 300 دولار , كده حضرتك ممكن تقفل البوست و تشوف بوست تاني , بس لو الموضوع يهمك فعلا و عاوز تعرف لو رحت هناك تتفسح فين أقرا الكلام اللي جاي ده علشان مهم جدا
ميلان : ليها سحر و رونق خاص , حتحسهم أول ما توصل لساحة الدومو الشهيره و تشوف كنيسة الدومو اللي بتعد من اكبر الكنائس في العالم , و انت ماشي بين شوارعها و حواريها حتشوف مجموعه من اهم و اجمل المعالم السياحيه و اللي أغلبها دخولها مجانا على فكره. طيب ايه أهم معالم روما :
الدومو بيازا : و دي و أشهر ساحه في ميلان , و حتلاقي فيها مطاعم و كافيهات كتير , و بتحتضن كنيسة الدومو و اللي بتعد أهم معلم سياحي في ميلان , و علشان تطلع الكنيسه من فوق و تشوف أجمل منظر لميلان ده حيكلفك تقريبا 7 دولار لو طلعت على السلالم , و 11 دولار لو أخدت الاسانسير
مركزGalleria Vittorio : و ده اتبنى في القرن ال 18 و يعد من احمل مباني ميلان , و يكفيك فخرا انك تتمشى فيه و تتفرج على أشهر دور الأزياء العالميه زي برادا و أرماني و جوتشي و لوي فيتون , و طبعا دخول مكان زي ده مش حيكلفك و لا مليم
بورتا سيمبيون : و ده يعتبر مركز المدينه و بيسمى قوس النصر , و الغريب أني شفت قوس نصر زي ده في أغلب العواصم الأوربيه زي برشلونه و باريس كمان . و انت هناك متنساش تعدي على حديقة باركو سيمبيون و دي من أجمل حدائق ميلان و كل ده طبعا ببلاش
كنيسة سانتا ماريا ديلي غراتسيا : و طبعا اشهر حاجه في الكنيسه دي لوحة العشاء الأخير لليوناردو دا فينتشي و دي دخولها ممكن يكلفك 8 دولار
نافيليو جراندي : لو عاوز تعيش الأجواء الفينيسيه و انت في ميلان تقدر تزور المكان ده و تستمتع بوجبه ايطاليه على ضفاف القنوات المائيه , و كأنك في فينيسيا
لا سكالا : لمحبين الأوبرا و الموسيقى متفوتوش زيارة المكان ده لأنه يعتبر من اشهر دور الأوبرا في العالم , يمكن يكون حظك حلو و يكون بيستضيف واحد من كبار النجوم العالميين في الاوبرا
دي أهم معالم ميلان , لكن الميزة بقى و انت في ميلان تقدر تزور مدن جنبها بكل سهوله أما عن طريق القطار أو الباص و أغلب الاماكن دي تبعد عن ميلان من نص ساعه الى ساعة زي بحيرة كومو أو مدينة بافيا أو بريسيا أو كريمونا لكن أنا اخترتلكم المدينة الأشهر في ايطاليا لأصحاب المزاج العالي ( فينيسيا )
فينيسيا :
لازم تزور كاتدرائية و ساحة سان ماركو : و ده المكان الأساسي للتجمع و حتلاقي فيه كافيهات و مطاعم و متاحف كتير تستحق الزيارة و منهم متحف دوكالي
- يا سعدك يا هناك لو حضرت الكرنفال في فينسيا , من ساحة سان ماركو الى ساحة سان باولو حتشوف الملابس التنكرية و الأقنعة و الاحتفالات و عروض مختلفة في مشهد ممتع مش حتشوفه في أي مكان تاني في العالم
- سمعت عن الزجاج الملون المورانو Murano تعرف أن ده أسم جزيرة في فينيسيااشتهرت بأعمال الزجاج و اتسمى الزجاج المورانو على أسمها , لو انت في فينسيا متفوتش زيارة الجزيرة دي
لو وصلت لهنا يبقى حضرتك مهتم و عاوز تعرف تطلع الفيزا ازاي , أدخل على اللينك ده علشان تعرف كل تفاصيل فيزا شنجن و ازاي تاخدها بكل سهوله : /Travel Secrets
لو الموضوع عجبك أعمل شير مع أصدقائك علشان تشجعني أدخلكم بالتحدي التقيل أوي البوست القادم
By: Bahaa
#تحدي_300_دولار #travelsecrets
التحدي الثاني : ازاي تسافر ميلان و فينيسيا بأقل من 300 دولار . تصدق أن ده بجد و بحق و حقيقي , مش قلتلكم احنا اد التحدي و حنسافر يعني حنسافر و لا حيهمنا دولار غالي و لا غيره .
ايه رأيك تقضي اسبوع بين ميلانو و فينيسيا بمبلغ أقل من 300 دولار . ركز معايا و اقرا الكلمتين دول بتركيز
• سعر تذكرة الطيران من شرم الشيخ الى ميلانو طيران مباشر سعرها 1310 جنيه مصري ذهاب و عوده على طيران Meridiana و ده متوفر في تاريخ السفر 2 فبراير الى 9 فبراير
• سعر الليله في ميلانو في فندق اسمه hotel salus من موقع Airbnb بسعر 12 دولار في الليله
• سعر الليله في فينيسيا في هوستل II Lato Azzurro و بالافطار كمان بسعر 22 دولار
• الانتقالات من ميلانو الى فينسيا و العكس بالقطار حتكلفك 22 دولار
يعني الرحله دي كامله طيران دولي و فنادق في فينيسيا و ميلانو و انتقالات ما بين المدينيتن حتكلفك حوالي 285 دولار
الجزء اللي فات كده كسبنا التحدي و عرفنا ازاي نقدر نسافر ميلانو و فينيسيا بمبلغ أقل من 300 دولار , كده حضرتك ممكن تقفل البوست و تشوف بوست تاني , بس لو الموضوع يهمك فعلا و عاوز تعرف لو رحت هناك تتفسح فين أقرا الكلام اللي جاي ده علشان مهم جدا
ميلان : ليها سحر و رونق خاص , حتحسهم أول ما توصل لساحة الدومو الشهيره و تشوف كنيسة الدومو اللي بتعد من اكبر الكنائس في العالم , و انت ماشي بين شوارعها و حواريها حتشوف مجموعه من اهم و اجمل المعالم السياحيه و اللي أغلبها دخولها مجانا على فكره. طيب ايه أهم معالم روما :
الدومو بيازا : و دي و أشهر ساحه في ميلان , و حتلاقي فيها مطاعم و كافيهات كتير , و بتحتضن كنيسة الدومو و اللي بتعد أهم معلم سياحي في ميلان , و علشان تطلع الكنيسه من فوق و تشوف أجمل منظر لميلان ده حيكلفك تقريبا 7 دولار لو طلعت على السلالم , و 11 دولار لو أخدت الاسانسير
مركزGalleria Vittorio : و ده اتبنى في القرن ال 18 و يعد من احمل مباني ميلان , و يكفيك فخرا انك تتمشى فيه و تتفرج على أشهر دور الأزياء العالميه زي برادا و أرماني و جوتشي و لوي فيتون , و طبعا دخول مكان زي ده مش حيكلفك و لا مليم
بورتا سيمبيون : و ده يعتبر مركز المدينه و بيسمى قوس النصر , و الغريب أني شفت قوس نصر زي ده في أغلب العواصم الأوربيه زي برشلونه و باريس كمان . و انت هناك متنساش تعدي على حديقة باركو سيمبيون و دي من أجمل حدائق ميلان و كل ده طبعا ببلاش
كنيسة سانتا ماريا ديلي غراتسيا : و طبعا اشهر حاجه في الكنيسه دي لوحة العشاء الأخير لليوناردو دا فينتشي و دي دخولها ممكن يكلفك 8 دولار
نافيليو جراندي : لو عاوز تعيش الأجواء الفينيسيه و انت في ميلان تقدر تزور المكان ده و تستمتع بوجبه ايطاليه على ضفاف القنوات المائيه , و كأنك في فينيسيا
لا سكالا : لمحبين الأوبرا و الموسيقى متفوتوش زيارة المكان ده لأنه يعتبر من اشهر دور الأوبرا في العالم , يمكن يكون حظك حلو و يكون بيستضيف واحد من كبار النجوم العالميين في الاوبرا
دي أهم معالم ميلان , لكن الميزة بقى و انت في ميلان تقدر تزور مدن جنبها بكل سهوله أما عن طريق القطار أو الباص و أغلب الاماكن دي تبعد عن ميلان من نص ساعه الى ساعة زي بحيرة كومو أو مدينة بافيا أو بريسيا أو كريمونا لكن أنا اخترتلكم المدينة الأشهر في ايطاليا لأصحاب المزاج العالي ( فينيسيا )
فينيسيا :
لازم تزور كاتدرائية و ساحة سان ماركو : و ده المكان الأساسي للتجمع و حتلاقي فيه كافيهات و مطاعم و متاحف كتير تستحق الزيارة و منهم متحف دوكالي
- يا سعدك يا هناك لو حضرت الكرنفال في فينسيا , من ساحة سان ماركو الى ساحة سان باولو حتشوف الملابس التنكرية و الأقنعة و الاحتفالات و عروض مختلفة في مشهد ممتع مش حتشوفه في أي مكان تاني في العالم
- سمعت عن الزجاج الملون المورانو Murano تعرف أن ده أسم جزيرة في فينيسيااشتهرت بأعمال الزجاج و اتسمى الزجاج المورانو على أسمها , لو انت في فينسيا متفوتش زيارة الجزيرة دي
لو وصلت لهنا يبقى حضرتك مهتم و عاوز تعرف تطلع الفيزا ازاي , أدخل على اللينك ده علشان تعرف كل تفاصيل فيزا شنجن و ازاي تاخدها بكل سهوله : /Travel Secrets
لو الموضوع عجبك أعمل شير مع أصدقائك علشان تشجعني أدخلكم بالتحدي التقيل أوي البوست القادم
By: Bahaa
#تحدي_300_دولار #travelsecrets
