T
Travel Secrets
:: مسافر ::
هو كده السفر بح !!!
مش حنكر أن الوضع حاليا بقى أصعب كتير من الأول و مهمتنا بتزداد صعوبة , و فعلا بقالي كذا يوم مش عارف أكتب ايه !! لأن أي كلام في السفر في الفتره دي كان حيبقى مستفز جدا , إنخفاض قيمة الجنيه المصري أمام باقي العملات بحوالي 50% أدى الى ارتفاع تذاكر الطيران حوالي 48% , و كمان أسعار الفنادق و الرحلات و تكاليف الرحله عموما زادت تقريبا للضعف . يعني الرحله اللي كانت ممكن تكلفك 5 ألاف جنيه بقت حتكلفك حوالي 10 الاف جنيه . لكن قيمة الدولار فعليا في الخارج زي ما هيا متغيرتش . و ده حيخلي الفتره الجايه أغلب الشركات السياحيه أو تسعير الرحلات عموما يكون بالدولار الأمريكي مش بالجنيه المصري لأن الجنيه عام و غطس و محدش عارف حيقب تاني أمتى و كل يوم بسعر !!!
طيب و بعدين حنعد نندب حظنا و ننسى موضوع السفر و نعتبره بقى حلم مستحيل الحدوث و لا نعمل ايه !!؟
من وجهة نظري الفتره اللي جايه المسافرين الشباب حينقسموا جزئين :
الجزء الأول اللي معتبر السفر نوع من انواع الرفاهيه و كماليات أعتقد أنه حيؤجل فكرة السفر مؤقتا لحد ما يحوش قرشين حلوين و الأمور تتضح شويه.
الجزء التاني : و دول بالنسبه لهم السفر أسلوب حياة , هيا الوسيله اللي بيخرجوا بيها من روتين الحياة يطلعوا يستنشقوا أوكسجين و يجددوا خلايا مخهم و يرجعوا تاني , الناس دي حتلاقي ألف طريقه أنهم يسافروا بردو و لو كان السفر هيا الحاجه الوحيده اللي حيستثمر فيها فلوسه . و دي الناس اللي حفضل أكتبلهم مواضيع و أعرفهم أسرار السفر الرخيص , علشان أنا من الناس دي و صدقوني مهما حصل مش حيقدروا يوقفونا عن ممارسة الحاجه الوحيده الحلوة في حياتنا .
فأرجوك لو انت شايف السواد فقط و أن السفر أصبح مستحيل , أقرا المواضيع القادمه على الصفحه بدون أي تعليقات سلبيه يمكن الدنيا تظبط و يظهر بصيص أمل و أقدر أغير وجهة نظرك , و لو انت انسان السفر بالنسبه لك حياة فمكانك هنا معايا , لسه عندي أسرار كتير عن السفر و ازاي أنك تحقق حلمك و #حتسافر_يعني_حتسافر
By: Bahaa
#دعوة_للتفاؤل #travelsecrets
مش حنكر أن الوضع حاليا بقى أصعب كتير من الأول و مهمتنا بتزداد صعوبة , و فعلا بقالي كذا يوم مش عارف أكتب ايه !! لأن أي كلام في السفر في الفتره دي كان حيبقى مستفز جدا , إنخفاض قيمة الجنيه المصري أمام باقي العملات بحوالي 50% أدى الى ارتفاع تذاكر الطيران حوالي 48% , و كمان أسعار الفنادق و الرحلات و تكاليف الرحله عموما زادت تقريبا للضعف . يعني الرحله اللي كانت ممكن تكلفك 5 ألاف جنيه بقت حتكلفك حوالي 10 الاف جنيه . لكن قيمة الدولار فعليا في الخارج زي ما هيا متغيرتش . و ده حيخلي الفتره الجايه أغلب الشركات السياحيه أو تسعير الرحلات عموما يكون بالدولار الأمريكي مش بالجنيه المصري لأن الجنيه عام و غطس و محدش عارف حيقب تاني أمتى و كل يوم بسعر !!!
طيب و بعدين حنعد نندب حظنا و ننسى موضوع السفر و نعتبره بقى حلم مستحيل الحدوث و لا نعمل ايه !!؟
من وجهة نظري الفتره اللي جايه المسافرين الشباب حينقسموا جزئين :
الجزء الأول اللي معتبر السفر نوع من انواع الرفاهيه و كماليات أعتقد أنه حيؤجل فكرة السفر مؤقتا لحد ما يحوش قرشين حلوين و الأمور تتضح شويه.
الجزء التاني : و دول بالنسبه لهم السفر أسلوب حياة , هيا الوسيله اللي بيخرجوا بيها من روتين الحياة يطلعوا يستنشقوا أوكسجين و يجددوا خلايا مخهم و يرجعوا تاني , الناس دي حتلاقي ألف طريقه أنهم يسافروا بردو و لو كان السفر هيا الحاجه الوحيده اللي حيستثمر فيها فلوسه . و دي الناس اللي حفضل أكتبلهم مواضيع و أعرفهم أسرار السفر الرخيص , علشان أنا من الناس دي و صدقوني مهما حصل مش حيقدروا يوقفونا عن ممارسة الحاجه الوحيده الحلوة في حياتنا .
فأرجوك لو انت شايف السواد فقط و أن السفر أصبح مستحيل , أقرا المواضيع القادمه على الصفحه بدون أي تعليقات سلبيه يمكن الدنيا تظبط و يظهر بصيص أمل و أقدر أغير وجهة نظرك , و لو انت انسان السفر بالنسبه لك حياة فمكانك هنا معايا , لسه عندي أسرار كتير عن السفر و ازاي أنك تحقق حلمك و #حتسافر_يعني_حتسافر
By: Bahaa
#دعوة_للتفاؤل #travelsecrets
كده فيل امل نحلم نسافر تانى 