كل واحد يقولنا اصعب شعورعاشه وهو مسافر برا ؟...

  • بادئ الموضوع بادئ الموضوع Mohannad Eissa
  • تاريخ البدء تاريخ البدء
عرض العطلة
M

Mohannad Eissa

:: مسافر ::
#1
كل واحد يقولنا اصعب شعورعاشه وهو مسافر برا ؟

اني عشت مع عائلة روسية 3 شهوراني وصاحبي يوم جينا بنروحو كلهم قعدو يبكو ويحظنو فينا ويقلولنا اوعدونا انكم بتولو وصلونا بسيارتهم للمطار الناس كلها تشوف وهما يبكو موقف ماننساشي بكل ويتواصلو معانا لليوم يقولولنا امتي بتجونا صاحبي اللي معاي علي اساس بيرجع للمدينة نفسها بس ظرف القراية والشغل ماسمحتش ..
 
#2
لما رفصتنى السفارة اﻻمريكية علقتها بكاء يوم كامل وانا راقدة انوض نبكى.. كل شي نصيب بس ﻻ مفر من انك تزعل لما تبي تمسك باى امل
 
#3
صدق من قال اصدق المشاعر يطلعن في المطارات والمستشفيات
لما ودعت خوتي واختي وروحت لليبيا من الصبح لاعند ركبت الطياره بكاء ربي يحفظهم وانتلاقوا من جديد
 
#4
لقيت روحي في شارع دوله عربيه الساعه 2 في الليل وشحن تليفوني 2 والهوتيل مبوش ايخششوني عشان جوازي مش معايا .. وليلتي مش معروف وين بنقضيها
 
عرض العطلة
#6
كنت مسافره من تركيا للبريطانيا وعمي وخالي يرجو في غادي
مطار تركيا خذو مني الشنطه وتمام وخلاص مازالت تكت الصعود
سالوني علي ورقه لما طلعتها التاريخ هالب يوم
ردولي الشنطه ومنعوني من السفر يومها >_<
مانعرفش نوصفلك شعوري
استكيت ساعه وقبل جمعت
 
#9
مشيت نصرف في يورو القيت المصرف مسكر،والقيت وحده تونسيه قالتلي تبي تصرفي تعالي محلي يصرف والمحل بعيييييد مشيت وصرفت وطلعنا ونا نسيت الطريق ونبي نرد للمحل معش عرفت قعدت نبرم بعدها اذكرت وتميت مسكته ونمشي وطلعو في الاخير ضاحكين عليا في التصريفوبكيت لأني حصلت هزايب واجد
 
#10
في اسطنبوب نسرقت المحفظه في قراند بزار فيها 1200 دولار و1200 ليره حصلناها رعشه لكن بعدها اتصلوا بينا ومسكو السراق
 
عرض العطلة
#11
نسيت نقالي في تاكسي ت وخشيت للمول تفكرته والتكسي مشي على حاله جاب ربي اني اختي متصله بيا ف مخزنه رقم الشفره الي شريتها وقعدت نتصل ونتصل ونتصل وخفت يركب حد معاه ويلقا الجهاز وياخده لين رد عليا صاحب تاكسي وقتله ها صديق انا في ناسي موبايل قالي انت وين اعطيته اسم المول الي نزلنا فيه قال ربع ساعه وانا جيبه وفاتت عليا اتقول ثلاث ايام مش ربع ساعه وجابه وخلصتله حق المشوار وعرررم ادعي
 
#12
هههههه كنا ماشيين اني و اختي و خوايا للمول
دوره انتلفت اني و اختي م لقينا خوايا
و حيه رحنا
و قعدنا ندورو و اندورو يمكن ثلث نص ساعه
و نكلمو ف الناس نبو نقال بش نتصلو بيه م يفهمو فينا نرسمو و انأشرو بلكي يفهمو ! م فيش فايده
بعدها لقيناهم و مشت الامور ^^
 
#13
ماشيه بروحي بالبص لأول مرة قبل كنت ديما مترو المهم ركبت البص ومشيت للمول وفي الترويحة بدال ما نركب في نفس البص طلعت ملخبطة في الرقم وقعدت نستنى حسيت الطريق مش جهتنا المهم وصل لأخر محطة اللي هي كانت سوق كبير اسمه اوشان ومافيش جنبه شي طريق سريع ونزلوا كلهم خلاص معش فيه حد وكان ليل وشحني 4% والمنطقة مافيهش تاكسيات خلاص قريب جتني جلطة ولكن بقدرة قادر جا تاكسي كأنه ربي دازه ليا ركبت وقريب نحب على راسه وقالي حوشكم بعييييد طلعت بره المدينة قريب نص ساعة
 
#14
كنت أنا و خويا ماشيين لعيادة نروحوا بماما و أختي و نحن أول مرة نمشو و ركبنا تكسي لأن نعرفوش خط الترام متاع العيادة بس معانا العنوان المهم وصلنا و خذينا ماما و أختي و بعدين و نحن بنركبو الترام أختي و ماما سبقنا و ركبن و أنا و خويا لأن مش عارفين الخط تمهلنا بعدين شيرنا لماما و أختي عشان ينزلن فنزلت أختي و ماما اسكر عليها الباب و انطلق الترام و هي لا معاها فلوس ولا كرت مواصلات ولا تلفون ولا حتى حاجة و كان صيام و وقت مغرب و هي دايرة عملية على سنها المهم ركبنا أول ترام بعده و قعدنا غير ندعو و زعلانين ما ناقص غير نبكوا وقف الترام في أول محطة بعدها سبحان الله خويا شاف ماما ❤ و هي طالعة من المحطة و قعدنا نقولوا ماما ماما كلنا لين الناس قعدوا يبحتوا المهم خويا لحق ماما و أنا و أختي كملنا في الترام و نزلنا في آخر محطة و راجيناهم لين جو ❤ طبعا ماما كانت فكرتها إنها ترد للعيادة و تخلي صاحب العيادة يكلم واحد منا و نردوا ناخدوها ❤ بس الحمدلله ربي لطف وقتها و هذا أصعب موقف يمر عليا و إن شاء الله ينذكر و ما ينعاد قالوا السوريين
 
#15
اولً ليلة لنا في باريس، كيف جايين من مالطا على اساس نحسابو باريس زي مالطا امان في الليل وتطلع وين ماتبي بدون ماحد يجي شورك، المهم اول ليلةً وصلنا العشية رقدنا وعينا انا واختي في الليل قلنا نديرو برمة لعند نهاية الشارغ ونردو وطبعا لا نعرفو اسم الهوتيل لاشي، طلعنا من الهوتيل وعلمناه بعمارة مقابلته لونها قهوي، برمنا قريب نص ساعة وعلى اساس نبو نروحو، لوينا المنطقة هذه مبانيها كلههههن نفس الشكل ونفس اللون اللي هو قهوي، والمشكلة الاكبر انها كلها افارقاء ومجرمين شكلهم متاعين ماتقدرش حتى تصبى عليهم، ساعتين ونحنا نتباكو ونتعاطيو في الشوارع وندورو في الهوتييل نيين ربي طيحنا في واحد عربي عشان كلم دنيته مش طلعو الهوتيل بالضبط وين.
 
عرض العطلة
#16
مروح من مصر لليبيا خربت علينا الفيتو دز على فيتو اخرى بس اصغر من اللي راكبين فيها ومعانا عائلات انا وثلاث شباب اصحاب قررنا ناخدوها قطاعي هههه وقفت علينا سيارة JEEP خدتنا للحدود ومالحدود خدينا سيارة خاصة لطبرق وصلنا 1 فالليل خدينا سيارة اخرى لدرنة وصلنا الفجر !
 
#17
المهم تعرفت علي واحد يحلق بسعر رخيص وحلاق كويس وهوا معايا في المدرسة المهم حلاقا مش بعيد واجد من الحوش لكن مكنتش عارف وينا بالضبط، فعبيت علي القوقل مابز، واليوم هضك كاين الثلج ينزل واجد فكنت نطلع في النقال مرة مرة نشوف في الطريق، المهم وصلت للحلاق حلقت وروحت في الطريق وانا مروح نتلمس في جيوبي ،ملقيتش الفيزا متاعي، الفيزا للاسف كاينا في نفس الجيب متاع النقال، فقلت اكيدا طاحت، رديت للحلاق اخرا نشوف فيها بلكي طايحة ملقيتش شي، قعدت ندعي طول الطريق، فكرت في الاماكن الي طيحت فيهن النقال واحد من الاماكن كاين باص ستايشن زي كابينة القزاز خشيت فيها وانا ماشي للحلاق نشوف في الماب لانا كاين ثلج واجد ينزل ، المهم عديتلها علي امل اني نلقاها طايحة خشيت الكابينة نبحت تحت ملقيت شي، قبل منعدي ضبحتلي وحدة هندية قالتلي تدور في هذي وعطتني الفيزا شوية واظبتتها ، الحمدلله مشت علي خير
 
#18
هنا واجد بس المضحك فيهن ف اسكتلند اتسكر عليا القطار بروحي وأهلي برا والقطار قعد يتحرك ونا قالبة الدنيا اعياط جوا وماما برا وبابا يجري بين الشرطين باش ايطلعوني طلع القطار مَش طالع بس بيفصل
 
#19
مره انا مشيت مع عيت عمو للمول في ليدز وكنا صغار .المهم انا وبنات عمي قلنا هي نمشو بروحنا للمحل هذاك وتوا نردو بعد ماطلعتها من المحل ردينا للمكان لكانو فيه عيت عمو لقيناهم مش قاعدين قعدنا نحسابو رواحنا رحنا بعدها لقينا عمي يدور فينا
Au TAu Toي ايام وايت روز
 
عرض العطلة
عرض العطلة
عرض العطلة
أعلى أسفل
عودة
قائمة