M
Munther Amnina
:: مسافر ::
السلام عليكم 
نبي نحكيلكم موقف صارلي والموقف هذا هو كابوس اي واحد مسافر المهم الصيف الي فات روحت زيارة ليبيا وكنت وفرحان فرحه مانحكيلكم عليها بكل لان كان ليا سنتين ماشفتش ليبيا والعائلة والاصحاب رحلتي كانت من مطار تورنتو في كندا للقاهرة وبعدها من برج العرب للأبرق المهم خشيت المطار والنفسية ترفرف سعادة مشيت خذيت كرت الصعود وشحنت الشناطي ودرت الاجراءات كلهن لعند وصلت للبوابة متاع الرحلة المهم بعد وصلت للبوابة الإقلاع كان مازال عليه 45 دقيقة شويا عقلي قالي عدي دير برمة في سوق الحرة مشيت للسوق وخذيت كم حاجة بعدها جيت نبي ندفع ونلقاها طوابير أطول منهن ماريت في الدفع شويا قلت نراجي وخلاص بلكي يقعد سالك وانا نراجي في الطابور نسمع فيهم يقولو النداء الأخير لرحلة الخطوط المصرية شويا قلت حي علي جدتك يا منذر بس انا وقتها كنت مسكر راسي ان نشري الحاجات شويا فتت الطابور كله وجيت للمرأة قلتلها انا رحلتي توا تبي تقلع شويا فاتت الي قبلي وخلتني ندفع وانا طالع من السوق جري طبعا اذكرت ان انا عطشان شويا خطمت علي كافي صغير ناخذ في أمية خذيت المية وعديت تشليط للطيارة بعد وصلت البوابة الموظف قالي كرت الصعود والجواز شويا جيت نطلع في الجواز مالقيتش قعدت ندور ندور معش لقيته شويا رديت للسوق ندور فيه المرأة قالت لالا ماشفتش شي بعدها مشيت للكافي قالولي مافي شي انا وقتها صبيت مصدوم وقعدت نفكر في عرم حاجات في الرحلة الي خاطري فيها ومش حيصير منها وكيف حنعيش في كندا بدون جواز والخسارة الي خاسرها في التذاكر وعرم حاجات بعدها لنقاني يأست وعديت للبوابة وقتله متأكد انا ماعطيتكش الجواز قالي اهاه متأكد وانا نحكي معاه نشوف في بنت جايه شوري وتبتسم بعدها قالتلي تقريبا هذا الجواز متاعك انا والله هكي قعد شكلي مش مصدق مازال قلتلها شكرًا وبعدها الي عالبوابة قالي افطن مرة اخري وبعد خشيت الطيارة معش عرفت نضحك ولا نبكي من الفرحة ههههههه المهم الخلاصة متاع الموضوع الله الله في جوازاتكم بعد تسافرو وانا طلعت الجواز ناسيه علي الطاولة متاع الكافي وانا ندفع في المية وهذا كله وكنت داير روحي راد بالي منه بكل ومركز.
نبي نحكيلكم موقف صارلي والموقف هذا هو كابوس اي واحد مسافر المهم الصيف الي فات روحت زيارة ليبيا وكنت وفرحان فرحه مانحكيلكم عليها بكل لان كان ليا سنتين ماشفتش ليبيا والعائلة والاصحاب رحلتي كانت من مطار تورنتو في كندا للقاهرة وبعدها من برج العرب للأبرق المهم خشيت المطار والنفسية ترفرف سعادة مشيت خذيت كرت الصعود وشحنت الشناطي ودرت الاجراءات كلهن لعند وصلت للبوابة متاع الرحلة المهم بعد وصلت للبوابة الإقلاع كان مازال عليه 45 دقيقة شويا عقلي قالي عدي دير برمة في سوق الحرة مشيت للسوق وخذيت كم حاجة بعدها جيت نبي ندفع ونلقاها طوابير أطول منهن ماريت في الدفع شويا قلت نراجي وخلاص بلكي يقعد سالك وانا نراجي في الطابور نسمع فيهم يقولو النداء الأخير لرحلة الخطوط المصرية شويا قلت حي علي جدتك يا منذر بس انا وقتها كنت مسكر راسي ان نشري الحاجات شويا فتت الطابور كله وجيت للمرأة قلتلها انا رحلتي توا تبي تقلع شويا فاتت الي قبلي وخلتني ندفع وانا طالع من السوق جري طبعا اذكرت ان انا عطشان شويا خطمت علي كافي صغير ناخذ في أمية خذيت المية وعديت تشليط للطيارة بعد وصلت البوابة الموظف قالي كرت الصعود والجواز شويا جيت نطلع في الجواز مالقيتش قعدت ندور ندور معش لقيته شويا رديت للسوق ندور فيه المرأة قالت لالا ماشفتش شي بعدها مشيت للكافي قالولي مافي شي انا وقتها صبيت مصدوم وقعدت نفكر في عرم حاجات في الرحلة الي خاطري فيها ومش حيصير منها وكيف حنعيش في كندا بدون جواز والخسارة الي خاسرها في التذاكر وعرم حاجات بعدها لنقاني يأست وعديت للبوابة وقتله متأكد انا ماعطيتكش الجواز قالي اهاه متأكد وانا نحكي معاه نشوف في بنت جايه شوري وتبتسم بعدها قالتلي تقريبا هذا الجواز متاعك انا والله هكي قعد شكلي مش مصدق مازال قلتلها شكرًا وبعدها الي عالبوابة قالي افطن مرة اخري وبعد خشيت الطيارة معش عرفت نضحك ولا نبكي من الفرحة ههههههه المهم الخلاصة متاع الموضوع الله الله في جوازاتكم بعد تسافرو وانا طلعت الجواز ناسيه علي الطاولة متاع الكافي وانا ندفع في المية وهذا كله وكنت داير روحي راد بالي منه بكل ومركز.