بحمد الله وفضله وصلنا اليوم 8000 الاف عضو...

[Ali Fakree Eldin ElSallabi]

بحمد الله وفضله وصلنا اليوم 8000 الاف عضو محبين للسفر
وزي منديرو ديما وزي معودناكم كل ميزيد العدد الف نفتحو في فقره
#أسأل_الادمن
بامكانكم سؤال اي اسئله تتعلق بالسفر او اسئله شخصيه عن تجاربي الخاصه في السفر وسأكون سعيد بالأجابه عنها

بس متوصلوش الاسئله ل 700 كومنت زي اخر مره

تفضلو اخوتي واخواتي الادمن جاهز للاجابه

 

[Aisha Salem]

شن اكثر بلاد عجبك فيها اكلهم وتحس فيه نكهة ؟

 

[فاطمة الفاخرى]

المفروض لما أيزيد العدد تشيلونا رحله

 

[Aimen S K Fayad]

أول مرة سافرت بروحك من غير هلك يعني اول رحلة مع اصحاب ولا مع نفسك ؟؟ ووين كانت ؟؟

 

[Alfayha'a Mif Alwerfal'e]

ليش حلمك تسافر لنيويورك؟

 

[حامد الزوي]

نزلت بوست فيديو لأحد زيارتي اكتشفت انه امتسح من قبل الادمن

 

[Âlěxanđêř Â. Đêpp]

انا عندي سؤال لاكن برا الموضوع هذا نبي واحد من الادمن الي قاعدين هنا وماسكين في قروبات اللفورز الاخرى؟؟

 

[Bessi Khorshed A]

شن البلدان اللى سافرتلهن في حياتك كلها ؟
واى اكثر وحده انسجمت فيها من جميع النواحى وخاطرك تعاودها ؟

 

[Belqes Ejhemei]

سافرت لقداش دولة؟ وكيف قدرت تسافرلهم طبعا من ناحية التأشيرات والناحية المادية

 

[Asia Mohameed]

اكثر دولة زرتها واجهاتك فيها صعوبة من ناحية اللغة

 

[Maram ELhori]

هل الحياة في الخارج فيها صعوبة
گ مثال قررت تقرأ برة كم سنة
صعبة جداً أم لا ؟

 

[Doja Z Elmadani]

شنو اكتر دولة عجباتك من خلال سفراتك و اتمني انك تمشيلها اخري ؟

 

[Waed Mustafa]

مسافر لكل المدن داخل ليبيا والا لا

 

[Mustafa Jalal Fteita]

كم مسافر مرة؟
مسافر لقارة امريكا الجنوبية/ الشمالية؟
اسوأ دولة مشيتلها؟

 

[Seraj Lajuda]

من الإنسان اللي خاطرك اتسافر معاه بس ربي ما يسخرلكش؟

 

[Inassa Jawhar]

واااو 8000 الف واحد يعرف انا وين مسافرة هههههه

 

[Khadija Elmangoush]

Mafesh 7ad igolak la mafesh sefar kefna ??

 

[Ňájãţ Âbüžåkûk]

شن اكثر اكلة حبيتها في السفر او حتى هنا ؟

 

[Amel Ismail]

كيف ممكن نقدر المصاريف اليومية للرحلة قبل مانسافر حسب خبرتك

 

[Muneer Yousef]

ربي يعطيك الصحة والوقت الطيب والقروب كله طبعا ..
احكيلي عن تجربتك في آسيا؟