T
Travel Secrets
:: مسافر ::
سلسلة (طريقي الى أوروبا ) حتكون سلسله تفاعلية للصديق Mohamed Abdelhady , حيوضح فيها خطوة خطوة ازاي بدء الاستعداد للرحله من أول ما كانت حلم بزيارة أوروبا لحد ما الحلم اتحقق و زار 18 دولة في أوروبا
Portugal , spain , France , Czech Republic , Germany , Italy , Austria , Georgia , Turkey , Cyprus , Netherlands , Greece , Romania , Belgium ,England , Ireland , and Scotland
التجهيز للسفر لأوربا (1)
" انا محمد عبدالهادى 25 سنه جراح تجميل اللى كان حلمه انه يلف اوربا كلها وهو لسه شباب وما فيش اى حاجه تمنعه انه يحقق حلمه وفعلا الحمد الله ربنا قدرنى اني ازور معظم دول القاره العجوز اوربا
تبتدى الحكايه وانا كنت لسه فى سنه 6 فى كليه طب اخر سنه فى الكليه وكنت من هواه السفر جداا لدرجه انى كنت لفيت مصر كلها تقريبا وصلت لحد النوبه والحدود مع السودان ومرسي مطروح والسلوم وحدودنا مع لبيا والعريش وكمان رفح دلوقتى وحدودنا مع فلسطين =D =D
فوقتها الحلم بدأ يزيد عندى انا خلاص لفيت مصر كلها ولازم بقى احقق حلمى واسافر أوربا بقى زى ما حلمت انى الفها كلها وانا صغير بس كان فيه مشكلتين هنا ( الماديات من فين وانا لسه طالب والتانيه ازاى هسافر اوربا اول مره وانا عمرى ما سافرت بره مصر قبل كده خالص )
رقم واحد : الدعم المادى هجيب من فين فلوس السفر بره مصر قبل كده ماشي بتلف جوه مصر وبتتعامل بالجنيه المصري فده بسيطه مهما كانت =D وطبعا انا عندى رفض تام انى اطلب فلوس من اهلى مع ان الحمد الله حالتنا الماديه كويسه خالص بس انا عمرى ما اقول لاهلى عاوز فلوس اطلع اتفسح بيها وكان لازم اعتمد على نفسي واجيب فلوس السفريه الاول قبل ما ابحث ازاى اسافر اصلا .
فبدات ادور على طريقه ممكن من خلالها ازود دخلى ويكون الشغل اونلاين عشان برضو المحافظه على دراستى وانى اشتغل وقت ما احب اشتغل او وقت ما يكون عندى وقت فراغ ... وفعلا زى ما بيقولو اللى بيفضل يدور على حاجه بيوصلها فى النهايه .. فالحمد الله وصلت للطريقه وهيا ان جوجل عامله حاجه اسمها Google adsense ودى هنشرحها مره تانيه بالتفصيل بس معلومه بسيطه عنها دى معناها انك بتعمل بلوج مثلا او موقع او حتى ترفع فيديوهات فيديوهات على اليوتيوب ومع زياده المشاهده او زوار الموقع او البلوج دخلك بيزيد وبتقبضه بالدولار من اى من فروع western Union .
فالحمد الله فى خلال حوالى 8 شهور كنت حوشت الفلوس اللى تكفينى اول رحله لاوربا من وجهه نظرى كانت حوالى 18 الف جنيه لانى ما كنتش لسه عندى خبره فى اى حاجه لاوربا ولا ازاى طبعا توفى فلوس جااامد اثناء السفريه بس كانت اول مشكله اشتغلت عليها والحمد الله وصلت للحل فيها
رقم اتنين بقى : هوصل ازاى انى اسافر بره مصر دا انا حتى ما عنديش باسبور لسه =D =D وكمان عاوز اسافر اوربا اول مره كده عالطول وشنجن اول مره =D =D دا انت جبار يا عم ودى من سابع المستحيلات طبعاااا ده كان رد كل اللى كنت بتكلم معاه فى موضوع سفرى بره مصر
للاسف كان كل الكلام محبط كده
بس برضو انا كنت دايما مقتنع بان اللى بيفضل ورا حاجه وبيتعب عشانها ربنا بيكرمه فى الاخر بيها مهما طال الوقت بس الحمد الله ربنا ما طولهاش عليا اووى
بعد بحث وتدوبر وتعب لشهرين تقريبا او اكتر وصلت لمنظمه دوليه اسمها IFMSA (International federation of Medial school Association( ودى عباره عن مؤسسه دوليه فى مجال الطب عندنا بتسمح بالتبادل الطلابى على مستوى العالم فى مجال الطب كتدريب بيتراوح من شهر لشهرين على حسب مده التدريب وبرنامجه ايه .
قولت لنفسي تماااام دى حاجه كويسه خاااالص اهو تدريب بره مصر وكمان فى مجالى يا سلام
فرحت للى كان مسؤول عن المنظمه دى فى الكليه عندنا وبدات اكلمه فقالى بكل صراحه انت فرصتك فى الطلوع هتبقى ضعيفه خالص لانك مش مشارك فى نشطاط الجمعيه دى معانا ولازم عشان كده هيبقى فيه اختبارات وكمان interview كده معاك عشان نحدد اذا كنت هتنفع تطلع ولا لا .... فرديت بكل تلقائيه ماشي موافق على الاختبارات وال interview فقالى انت لو نجحت فى الاختبارات دى فانت كمان مش هتطلع دوله من دول الشنجن لان دى بتبقى للناس اللى شغاله بقالها سنين معانا انت هتطلع دوله فى اوربا برضو بس زى رومانيا او تركيا او روسيا فى اوربا لكن مش من دول الشنجن قالى انا بكلمك بكل صراحه اهو عشان تبقى على علم بكل حاجه
فقلت خلاص اخد الريسك واشوف بس ظام الاختبارات ايه وال interview ازاى وبرضو كنت حاطط من جوايا انى مش هقبل اسافر الدول اللى قالهالى دى انا عاوز اول سفريه تبقى شنجن لدول الاتحاد الاوربي .... ايوا عارف بتقولو ايه في سركم .... انت مش لاقى وكمان بتتنك =D =D هقولكو اااه بس دى مش تناكه دى اصرار على تحقيق الحلم
وفعلا عديت من الاختبارات وال interview وجه وقت مضى عقد التدريب لرومانيا وقتها زى ما قالى شهرين ... فاتفاجا انى بقول لااا مش موافق ... قالى يا بنى انت بضيع الفرصه من ايدك بعد ما جتلك لحد عندك .. قولتله انا قولتلك من الاول عاوز اسافر دوله من دول الشنجن وكان وقتها فيه عقد لبولاندا .. فقولتله انا عاوز عقد بولاندا ده ... فقلى هههههههههه دا دا حنا اللى شغالين جوه الجمعيه بنضرب بعض عليه وانت عاوز تاخده كده طبعا انسي فقلت خلاص كده مع ان العقد شهرين تدريب فى مستشفى شامل الاقامه كمان كان بحوال 1200 جنيه بس
فرجعت ضعفت شويه وقلت لنفسي نفس الكلام اللى انتو قولتوه فوق لما قريتو انت هتتنك يعنى انت اصلا كنت لاقى وكنت فعلا هضعف وارجع اقولهم انا موافق بس راجعت نفسي تانى وقولت لا انا ما تعودش على الضعف ده وهكمل وهفضل ادور اكتر لعند ما الاقى واسافر اوربا لدوله شنجن باذن الله ... صحابى كتير سافرو تبع الجمعيه دى رومانيا وروسيا وتركيا وانا قاعد بتفرج على صورهم واتندم انى ما وفقتش بس برضو ده ادانى دافع انى ادور اكتر
فبدات ادور تانى لحد ما وصلت لحاجه نفس طريقه الجمعيه اللى عندنا تبع جامعه القاهره وبدات اراسلهم برضو وكان نفس رد الجمعيه اللى عندنا فى الكليه لازم برضو تعدى شويه اختبارات وinterview عشان تكمل فى البروسيس بس كان الاوبشن الزياده عندهم انه بيسجلك على موقع تدور انت على projects براحتك فى كل دول العالم اللى برضو فيها الجمعيه دى ولو انت ما عرفتش تاخد موافقه من اى دوله منهم هما بيوفرولك دوله تسافرها برضو زى رومانيا او روسيا او اوكرانيا بس انت كنت بتدفع الفلوس مقدما بقى عشان يعملولك اكونت على ال website ده يعنى تدفع ال 1200 مقدما.... فانت كده لبست لانك خلاص دفعت الفلوس =D =D عرفت تخليهم يوافقو علىك فى project فى دوله محدده عاوز تسافرها خير وبركه ما عرفتش هما هيسافروك اى دوله من اللى قلتهالكو قبل كده فقلت خلاص بقى موافق وبدات فعلا الاختبارات دى ما بين اللغه ومواقف ازاى تتعامل معاها لو وجهتك هناك وانترفيو بسيط عاوز تسافر ليه وهترجع مصر تانى ليه زى انترفيوهات السفارات كده
والحمد الله عديت الاختبارات دى والانترفيوهات وجه وقت دفع الفلوس ويتعملى اكونت على ال website عشان تبدا تدور على projects فى الدول اللى حابب تسافر ليها
فخلاص كده ده كان وقت ابدأ فى اجراءات انى اعمل باسبور بقى لان هسافر بقى سواء لاوربا لو ربنا كرمنى وعرفت اسافر لدوله من دول الشنجن لو وافقو عليا او دوله عاديه زى رومانيا و ..... لو ما اعرفتش اخد موافقه بنفسي وهما وفرولى الدول دى
فرحت الكليه خلصت ورق الباسبور وطلعتو وبدات بقى ادور على projects فى كل دول الشنجن وراسل كل الدول وكل المدن فى كل الدول وابعتلهم ال cv بتاعى كنت كل يوم براسل اكتر من 20 جمعيه فى مدن مختلفه من بلاد الشنجن ومستنى اى حد يرد عليا وده كان لمده شهر واكتر كنت خلاص داخل على امتحانات الفينل فقلت اخلص الامتحانات دى وارجعلهم تانى بعد ما خلص
بس دلوقتى كنت حليت المشكلتين الفلوس وعرفت اوفرها الحمد لله ومش محتاج اقول لاهلى عاوز فلوس اسافر بيها وكمان حطيت نفسي على اول الطريق السفر لاوربا ... مسكت طرف الخيط =D =D
تفتكرو بقى حد رد عليا ولا ايه =D =D =D هنكمل بقى فى البوستات التاليه وعاوز اعرف رايكو ايه "
تابعوا المواضيع اللي حتنزل على شكل حلقات و انا مستعد للرد على أي استفسار
By: Mohamed Abdelhady
#سافر #خليك_ورا_حلمك #طريقي_إلى_اوروبا #Travelsecrets
Portugal , spain , France , Czech Republic , Germany , Italy , Austria , Georgia , Turkey , Cyprus , Netherlands , Greece , Romania , Belgium ,England , Ireland , and Scotland
التجهيز للسفر لأوربا (1)
" انا محمد عبدالهادى 25 سنه جراح تجميل اللى كان حلمه انه يلف اوربا كلها وهو لسه شباب وما فيش اى حاجه تمنعه انه يحقق حلمه وفعلا الحمد الله ربنا قدرنى اني ازور معظم دول القاره العجوز اوربا
تبتدى الحكايه وانا كنت لسه فى سنه 6 فى كليه طب اخر سنه فى الكليه وكنت من هواه السفر جداا لدرجه انى كنت لفيت مصر كلها تقريبا وصلت لحد النوبه والحدود مع السودان ومرسي مطروح والسلوم وحدودنا مع لبيا والعريش وكمان رفح دلوقتى وحدودنا مع فلسطين =D =D
فوقتها الحلم بدأ يزيد عندى انا خلاص لفيت مصر كلها ولازم بقى احقق حلمى واسافر أوربا بقى زى ما حلمت انى الفها كلها وانا صغير بس كان فيه مشكلتين هنا ( الماديات من فين وانا لسه طالب والتانيه ازاى هسافر اوربا اول مره وانا عمرى ما سافرت بره مصر قبل كده خالص )
رقم واحد : الدعم المادى هجيب من فين فلوس السفر بره مصر قبل كده ماشي بتلف جوه مصر وبتتعامل بالجنيه المصري فده بسيطه مهما كانت =D وطبعا انا عندى رفض تام انى اطلب فلوس من اهلى مع ان الحمد الله حالتنا الماديه كويسه خالص بس انا عمرى ما اقول لاهلى عاوز فلوس اطلع اتفسح بيها وكان لازم اعتمد على نفسي واجيب فلوس السفريه الاول قبل ما ابحث ازاى اسافر اصلا .
فبدات ادور على طريقه ممكن من خلالها ازود دخلى ويكون الشغل اونلاين عشان برضو المحافظه على دراستى وانى اشتغل وقت ما احب اشتغل او وقت ما يكون عندى وقت فراغ ... وفعلا زى ما بيقولو اللى بيفضل يدور على حاجه بيوصلها فى النهايه .. فالحمد الله وصلت للطريقه وهيا ان جوجل عامله حاجه اسمها Google adsense ودى هنشرحها مره تانيه بالتفصيل بس معلومه بسيطه عنها دى معناها انك بتعمل بلوج مثلا او موقع او حتى ترفع فيديوهات فيديوهات على اليوتيوب ومع زياده المشاهده او زوار الموقع او البلوج دخلك بيزيد وبتقبضه بالدولار من اى من فروع western Union .
فالحمد الله فى خلال حوالى 8 شهور كنت حوشت الفلوس اللى تكفينى اول رحله لاوربا من وجهه نظرى كانت حوالى 18 الف جنيه لانى ما كنتش لسه عندى خبره فى اى حاجه لاوربا ولا ازاى طبعا توفى فلوس جااامد اثناء السفريه بس كانت اول مشكله اشتغلت عليها والحمد الله وصلت للحل فيها
رقم اتنين بقى : هوصل ازاى انى اسافر بره مصر دا انا حتى ما عنديش باسبور لسه =D =D وكمان عاوز اسافر اوربا اول مره كده عالطول وشنجن اول مره =D =D دا انت جبار يا عم ودى من سابع المستحيلات طبعاااا ده كان رد كل اللى كنت بتكلم معاه فى موضوع سفرى بره مصر
للاسف كان كل الكلام محبط كده بس برضو انا كنت دايما مقتنع بان اللى بيفضل ورا حاجه وبيتعب عشانها ربنا بيكرمه فى الاخر بيها مهما طال الوقت بس الحمد الله ربنا ما طولهاش عليا اووى
بعد بحث وتدوبر وتعب لشهرين تقريبا او اكتر وصلت لمنظمه دوليه اسمها IFMSA (International federation of Medial school Association( ودى عباره عن مؤسسه دوليه فى مجال الطب عندنا بتسمح بالتبادل الطلابى على مستوى العالم فى مجال الطب كتدريب بيتراوح من شهر لشهرين على حسب مده التدريب وبرنامجه ايه .
قولت لنفسي تماااام دى حاجه كويسه خاااالص اهو تدريب بره مصر وكمان فى مجالى يا سلام
فرحت للى كان مسؤول عن المنظمه دى فى الكليه عندنا وبدات اكلمه فقالى بكل صراحه انت فرصتك فى الطلوع هتبقى ضعيفه خالص لانك مش مشارك فى نشطاط الجمعيه دى معانا ولازم عشان كده هيبقى فيه اختبارات وكمان interview كده معاك عشان نحدد اذا كنت هتنفع تطلع ولا لا .... فرديت بكل تلقائيه ماشي موافق على الاختبارات وال interview فقالى انت لو نجحت فى الاختبارات دى فانت كمان مش هتطلع دوله من دول الشنجن لان دى بتبقى للناس اللى شغاله بقالها سنين معانا انت هتطلع دوله فى اوربا برضو بس زى رومانيا او تركيا او روسيا فى اوربا لكن مش من دول الشنجن
قالى انا بكلمك بكل صراحه اهو عشان تبقى على علم بكل حاجه فقلت خلاص اخد الريسك واشوف بس ظام الاختبارات ايه وال interview ازاى وبرضو كنت حاطط من جوايا انى مش هقبل اسافر الدول اللى قالهالى دى انا عاوز اول سفريه تبقى شنجن لدول الاتحاد الاوربي .... ايوا عارف بتقولو ايه في سركم .... انت مش لاقى وكمان بتتنك =D =D هقولكو اااه بس دى مش تناكه دى اصرار على تحقيق الحلم
وفعلا عديت من الاختبارات وال interview وجه وقت مضى عقد التدريب لرومانيا وقتها زى ما قالى شهرين ... فاتفاجا انى بقول لااا مش موافق ... قالى يا بنى انت بضيع الفرصه من ايدك بعد ما جتلك لحد عندك .. قولتله انا قولتلك من الاول عاوز اسافر دوله من دول الشنجن وكان وقتها فيه عقد لبولاندا .. فقولتله انا عاوز عقد بولاندا ده ... فقلى هههههههههه دا دا حنا اللى شغالين جوه الجمعيه بنضرب بعض عليه وانت عاوز تاخده كده طبعا انسي
فقلت خلاص كده مع ان العقد شهرين تدريب فى مستشفى شامل الاقامه كمان كان بحوال 1200 جنيه بس فرجعت ضعفت شويه وقلت لنفسي نفس الكلام اللى انتو قولتوه فوق لما قريتو انت هتتنك يعنى انت اصلا كنت لاقى وكنت فعلا هضعف وارجع اقولهم انا موافق بس راجعت نفسي تانى وقولت لا انا ما تعودش على الضعف ده وهكمل وهفضل ادور اكتر لعند ما الاقى واسافر اوربا لدوله شنجن باذن الله ... صحابى كتير سافرو تبع الجمعيه دى رومانيا وروسيا وتركيا وانا قاعد بتفرج على صورهم واتندم انى ما وفقتش بس برضو ده ادانى دافع انى ادور اكتر
فبدات ادور تانى لحد ما وصلت لحاجه نفس طريقه الجمعيه اللى عندنا تبع جامعه القاهره وبدات اراسلهم برضو وكان نفس رد الجمعيه اللى عندنا فى الكليه لازم برضو تعدى شويه اختبارات وinterview عشان تكمل فى البروسيس بس كان الاوبشن الزياده عندهم انه بيسجلك على موقع تدور انت على projects براحتك فى كل دول العالم اللى برضو فيها الجمعيه دى ولو انت ما عرفتش تاخد موافقه من اى دوله منهم هما بيوفرولك دوله تسافرها برضو زى رومانيا او روسيا او اوكرانيا بس انت كنت بتدفع الفلوس مقدما بقى عشان يعملولك اكونت على ال website ده يعنى تدفع ال 1200 مقدما.... فانت كده لبست لانك خلاص دفعت الفلوس =D =D عرفت تخليهم يوافقو علىك فى project فى دوله محدده عاوز تسافرها خير وبركه ما عرفتش هما هيسافروك اى دوله من اللى قلتهالكو قبل كده فقلت خلاص بقى موافق وبدات فعلا الاختبارات دى ما بين اللغه ومواقف ازاى تتعامل معاها لو وجهتك هناك وانترفيو بسيط عاوز تسافر ليه وهترجع مصر تانى ليه زى انترفيوهات السفارات كده
والحمد الله عديت الاختبارات دى والانترفيوهات وجه وقت دفع الفلوس ويتعملى اكونت على ال website عشان تبدا تدور على projects فى الدول اللى حابب تسافر ليها
فخلاص كده ده كان وقت ابدأ فى اجراءات انى اعمل باسبور بقى لان هسافر بقى سواء لاوربا لو ربنا كرمنى وعرفت اسافر لدوله من دول الشنجن لو وافقو عليا او دوله عاديه زى رومانيا و ..... لو ما اعرفتش اخد موافقه بنفسي وهما وفرولى الدول دى
فرحت الكليه خلصت ورق الباسبور وطلعتو وبدات بقى ادور على projects فى كل دول الشنجن وراسل كل الدول وكل المدن فى كل الدول وابعتلهم ال cv بتاعى كنت كل يوم براسل اكتر من 20 جمعيه فى مدن مختلفه من بلاد الشنجن ومستنى اى حد يرد عليا وده كان لمده شهر واكتر كنت خلاص داخل على امتحانات الفينل فقلت اخلص الامتحانات دى وارجعلهم تانى بعد ما خلص
بس دلوقتى كنت حليت المشكلتين الفلوس وعرفت اوفرها الحمد لله ومش محتاج اقول لاهلى عاوز فلوس اسافر بيها وكمان حطيت نفسي على اول الطريق السفر لاوربا ... مسكت طرف الخيط =D =D
تفتكرو بقى حد رد عليا ولا ايه =D =D =D هنكمل بقى فى البوستات التاليه وعاوز اعرف رايكو ايه "
تابعوا المواضيع اللي حتنزل على شكل حلقات و انا مستعد للرد على أي استفسار
By: Mohamed Abdelhady
#سافر #خليك_ورا_حلمك #طريقي_إلى_اوروبا #Travelsecrets