T
Travel Secrets
:: مسافر ::
علشان متتمنعش من السفر زي تامر حسني لازم تقرا الكلمتين دول
الموضوع و ما فيه أن تامر حسني كان مسافر تركيا و قاطع تذكرة و معاه الفيزا و كله أموره تمام بس مش معاه أهم ورقه ...اللي هيا ( التصريح الأمني ) , و علشان الورقه دي اتمنع الفنان الكبير من السفر و راحت يا عيني عليه فلوس التذكرة .
طيب ايه موضوع التصريح الأمني ده و نقدم عليه فين !!!
التصريح الأمني للمصريين : ( كلام من الأخر )
التصريح الأمني ده بيتم استخراجه من مجمع التحرير قبل ما تسافر لبعض الدول زي ماليزيا و تايلاند وأهمهم تركيا طبعا ,
معلومات مهمة جدا عن التصريح الأمني :
1) لو جواز سفرك مكتوب فيه وظيفة و تحمل مؤهل عالي و مسافر تايلاند أو ماليزيا أو أندونيسيا مش مطلوب منك تصريح أمني , و ده كلام عن تجربة 100% , مش محتاج تصريح أمني للسفر الى ماليزيا او تايلاند لو كان مكتوب في جواز سفرك ( حاصل على مؤهل عالي أو مكتوب وظيفة ) , ( ماعدا تركيا لازم في اي حال تاخد تصريح أمني حتى لو كنت تامر حسني )
2) المطلوب منك لاستخراج التصرح : الفيزا للدوله اللي حتزورها و جواز السفر و بتستلم التصريح بعد 4 ايام أو اكتر شويه . و تاخد معاك صور الباسبور و الفيزا علشان متتعطلش هناك في مجمع التحرير . و نص جنيه
3) حتملى الاستمارة في مجمع التحرير و تقدم الباسبور و فيه التاشيرة بتاعة تركيا و هتاخد رقم في دفتر كبير و تاخد الباسبور معاك , تيجي بعد اسبوع تقدم الباسبور تاني و تقعد كام ساعة و بعدين ينادي عليك و تاخد التصريح
4) لاحظ لازم تحط أسم الأب رباعي في الاستماره حتى لو مش مكتوب في الباسبور رباعي و تاريخ ميلاد الوالد .
5) بخصوص تركيا : لو البنت مسافره لوحدها ففي حالتين : الحالة الأولى : لو هي مكتوب في الجواز طالبة أو مؤهل عالي فلازم تاخد الفيزا من تركيا زيارة مش سياحه و كده تقدر تاخد التصريح الأمني , الحالة الثانية : لو مكتوب في المهنة وظيفة : تقدر تاخد أي نوع فيزا و منها السياحيه طبعا و تقدر تطلع تصريح أمني عادي .
6) التصريح الأمني مطلوب لسن من 18 الى 40 سنه , اكبر من كده أو أقل من كده ملكش تصريح امني . لأي مكان .
7) المكان الوحيد في مصر اللي بيطلع التصريح الأمني هو مجمع التحرير فقط , يعني لو انت من أسوان و مسافر تركيا مثلا , تروح القاهره الأول تطلع التصريح الامني
8) لازم تتواجد بشكل شخصي و مينفعش حد يقدمه عنك
9) التصريح ساري للسفر لمدة شهرين من اصداره لسفره واحده .
10) روح الساعه 11:30 لأن الناس بتروح بدري و بتعمل زحمه على الفاضي
11) بخصوص تركيا فقط : لو جوازك مكتوب فيه طالب او حاصل على مؤهل عالي سواء كنت ولد او بنت لازم الفيزا تكون زيارة و ليست سياحه
12) التصريح للمصريين المسافرين من مصر فقط , يعني لو مسافر من اي دوله في العالم مش محتاج تصريح .
13) لو انت طالب و عاوز تسافر دوله محتاجه تصريح امني و ملهاش فيزا أصلا , فلازم تجيب دعوة من سفارة الدوله اللي حتسافرها ( الصراحه الموضوع ده صعب شوية )
عاوز أعرف تجاربكم في موضوع التصريح الأمني , و كل واحد يكتب عمل ايه علشان يفيد غيره
#التصريح_الأمني
#travel_secrets
الموضوع و ما فيه أن تامر حسني كان مسافر تركيا و قاطع تذكرة و معاه الفيزا و كله أموره تمام بس مش معاه أهم ورقه ...اللي هيا ( التصريح الأمني ) , و علشان الورقه دي اتمنع الفنان الكبير من السفر و راحت يا عيني عليه فلوس التذكرة .
طيب ايه موضوع التصريح الأمني ده و نقدم عليه فين !!!
التصريح الأمني للمصريين : ( كلام من الأخر )
التصريح الأمني ده بيتم استخراجه من مجمع التحرير قبل ما تسافر لبعض الدول زي ماليزيا و تايلاند وأهمهم تركيا طبعا ,
معلومات مهمة جدا عن التصريح الأمني :
1) لو جواز سفرك مكتوب فيه وظيفة و تحمل مؤهل عالي و مسافر تايلاند أو ماليزيا أو أندونيسيا مش مطلوب منك تصريح أمني , و ده كلام عن تجربة 100% , مش محتاج تصريح أمني للسفر الى ماليزيا او تايلاند لو كان مكتوب في جواز سفرك ( حاصل على مؤهل عالي أو مكتوب وظيفة ) , ( ماعدا تركيا لازم في اي حال تاخد تصريح أمني حتى لو كنت تامر حسني )
2) المطلوب منك لاستخراج التصرح : الفيزا للدوله اللي حتزورها و جواز السفر و بتستلم التصريح بعد 4 ايام أو اكتر شويه . و تاخد معاك صور الباسبور و الفيزا علشان متتعطلش هناك في مجمع التحرير . و نص جنيه
3) حتملى الاستمارة في مجمع التحرير و تقدم الباسبور و فيه التاشيرة بتاعة تركيا و هتاخد رقم في دفتر كبير و تاخد الباسبور معاك , تيجي بعد اسبوع تقدم الباسبور تاني و تقعد كام ساعة و بعدين ينادي عليك و تاخد التصريح
4) لاحظ لازم تحط أسم الأب رباعي في الاستماره حتى لو مش مكتوب في الباسبور رباعي و تاريخ ميلاد الوالد .
5) بخصوص تركيا : لو البنت مسافره لوحدها ففي حالتين : الحالة الأولى : لو هي مكتوب في الجواز طالبة أو مؤهل عالي فلازم تاخد الفيزا من تركيا زيارة مش سياحه و كده تقدر تاخد التصريح الأمني , الحالة الثانية : لو مكتوب في المهنة وظيفة : تقدر تاخد أي نوع فيزا و منها السياحيه طبعا و تقدر تطلع تصريح أمني عادي .
6) التصريح الأمني مطلوب لسن من 18 الى 40 سنه , اكبر من كده أو أقل من كده ملكش تصريح امني . لأي مكان .
7) المكان الوحيد في مصر اللي بيطلع التصريح الأمني هو مجمع التحرير فقط , يعني لو انت من أسوان و مسافر تركيا مثلا , تروح القاهره الأول تطلع التصريح الامني
8) لازم تتواجد بشكل شخصي و مينفعش حد يقدمه عنك
9) التصريح ساري للسفر لمدة شهرين من اصداره لسفره واحده .
10) روح الساعه 11:30 لأن الناس بتروح بدري و بتعمل زحمه على الفاضي
11) بخصوص تركيا فقط : لو جوازك مكتوب فيه طالب او حاصل على مؤهل عالي سواء كنت ولد او بنت لازم الفيزا تكون زيارة و ليست سياحه
12) التصريح للمصريين المسافرين من مصر فقط , يعني لو مسافر من اي دوله في العالم مش محتاج تصريح .
13) لو انت طالب و عاوز تسافر دوله محتاجه تصريح امني و ملهاش فيزا أصلا , فلازم تجيب دعوة من سفارة الدوله اللي حتسافرها ( الصراحه الموضوع ده صعب شوية )
عاوز أعرف تجاربكم في موضوع التصريح الأمني , و كل واحد يكتب عمل ايه علشان يفيد غيره
#التصريح_الأمني
#travel_secrets