الهند و ما أدراك ما الهند , لو عاوز تعرف...

[Travel Secrets]

الهند و ما أدراك ما الهند , لو عاوز تعرف عملنا ايه في رحلتنا الأخيرة للهند و شفنا ايه في بالتفصيل , مافيش أحلى من عدسة الفنان محمد أمين اللي حتحاول تنقلكم بعض من اللحظات المميزة اللي مرينا بيها خلال رحلتنا الى الهند الساحرة
" أنا: يلا بينا ؟
زوجتي: على فين ؟
أنا: الهند
زوجتي: الهند ؟!!
أنا: أيووووون
زوجتي: ازاااي ؟؟؟
أنا: من غير تفاصيل .. كفاية أقولك Travel Secrets ❤
ده حوار بيني و بين زوجتي قبل رحلة الهند اللي لسة راجع منها قبل كام يوم .. زرنا فيها جنوب الهند ( اقليم كيرالا ) مع اجمل جروب و افضل تخطيط و احلى الاوقات ، اللي بصراحة فاقت كل توقعاتي و خلتني عايش 12 يوم كأنهم حلم جميل مش عايز اصحى منه
الرحلة ابتدت عندي من خلال اعلان على Travel Secrets و من خلال برنامج منظم جدا و متسلسل بشكل رائع للساحر أحمد ربيع مع متابعة لحظة بلحظة من بهاء لينا .. بالإضافة لأهم نقطة .. و هي وجود ماما ماجدة معانا اللي كان بيمثل عامل خبرة كبييييير جدا لينا ..
زرنا في رحلتنا أماكن راااائعة من طبيعة الجنوب المذهلة بدأت بمدينة اتريبلي و الشلالات المنعشة .. مع القرود المشاكسة
و سيبنا القرود و روحنا لكامب اكثر من رااااائع في وسط طبيعة ساحرة مع نشاطات بالقوارب في النهر و عجل و مغامراااات و النوم وسط الطبيعة في خيمة على النهر مباشرة ، و تصحى الصبح على صوت الفيل على ضفة النهر التانية مع زقزقة العصافير ❤ .. و ممكن برضه منعرفش ننام من الاصوات العجيبة في الغابة المحيطة 3
بعدها نتحرك لأكثر معالم كيرالا تألقاً و بهاءا .. مونار ❤ ❤
حيث مزارع الشاي التي تكسو الجبال الشاهقة ببساط أخضر لااااا يوصف ، بالتأكيد مينفعش نفوت فرصة صعود قمة احدى هذه الجبال لنصل فوق السحاب و نرى شروق الشمس من اعلى نقطة يستطيع الانسان الوصول اليها
طبعا مينفعش نروح الهند .. و منجربش البهارات و نركب الفيل ..
يبقى لازم نعدي على بلدة تيكادي .. نزور فيها واحدة من مزارع البهارات و نتعرف فيها من خلال مرشد على انواع التوابل الهندية و نشوف اشجارها و نشتري منها ، و مننساش ناخد لفة بالفيل في وسط المزارع دي
و انت هناك اوعى يفوتك تاخد المركب اللي بتمشي بيك في النهر علشان تشوف كل الحيوانات الشهيرة و هي في بيئتها الاصلية في الغابة
لازم بقى ناخد فاصل من هذه المغامرات .. و نروح لأفضل شاطئ فيكي يا هند 3
شاطئ كوفالم ذو الفنار الأنيق و المناظر الخلابة مع أكلة سمك معتبرررة بالليل تخليك تنور في الضلمة 3
خلاص ارتحنا ... طب يلا بقى نزور حديقة الحيوان بتاعتهم في العاصمة الادارية للإقليم قبل ما نطلع على مغامرتنا الجديدة في ( كانيكوماري ) و نشوف بقى جزء من الثقافة الهندية القديمة و عروض المسرح الكيرلاوي مع شوية شقاوة كدة من العرض الرياضي .. مشيها رياضي .. بعد ما تخلص العروض لف شوية في السوق الشعبي بتاعهم هتلاقي شوية هدايا حلوة
يلا بقى نروح مكان كله معابد قديمة مع جزيرتين صغيرين في آااااخر نقطة في جنوب الهند بيلتقي فيها 3 بحار في نفس المكان ( بحر العرب و خليج البنغال و مش فاكر الثالث 3 ) و برضه هتلاقي سوق شعبي لذيذ
قربنا نخلص رحلتنا
يبقى لازم نروح ( أليبي ) نسكن في مركب عائم و نبات فيها ليلة كلها أنتخة .. نفطر و نتغدى و نتعشى و احنا على ظهر المركب و نشوف مشاهد تدعو للاسترخاء و الراحة النفسية ❤ ❤ ❤
و بعدين نلم شنطنا علشان نرجع تاني لمطار كوتشين و منه الى أوطاننا ..
كبسولات عالسريع :
- الجروب بتاعنا اللي كنا سوا ... فوق الخياااااال ، أحسن حاجة في الرحلة كلها ❤ كنا مصريين و سوريين و مالديفيين و كوريين .. جاين من مصر و السعودية و الكويت و الامارات و المالديف ... ميكس راااائع .
- اغلب اهل البلد بيتكلموا انجليزي كويس جدا.
- المعيشة هناك رخيصة .. و العملة متدنية ( الدولار = 65 روبية تقريبا ) كله يحول من الدولار لعملته بقى .
- اهل البلد ودودين جدا.
- عباقرة Travel Secrets كانوا موفرينلنا باص بسواق فاهم شغله كويس طووول الرحلة معانا و لينا احنا بس.
- الجروب بتاعنا اللي كنا سوا ... فوق الخياااااال ، أحسن حاجة في الرحلة كلها ❤ .
- سيارات الهند السواق بيبقى على اليمين و احنا بنركب من الشمال 3 زي انجلترا.
- اوعى تفتح باب السواق و تفتكر انك هتعرف تركب .
- مطار كوتشين صغير و لذيذ .. و يعتبر اكبر مطار في العالم شغال بالطاقة الشمسية.
- حاسب من الاكل الحاااار 3 بس جرب اكلهم .. لذيذ و مختلف.
- متنساش تجيب شاي من مونار .
- شبكات الموبايل كلها هتغلبك .. فاشتري اي حاجة 3 .
- مش فاكر حاجة تاني بس مستعد لكل اسألتكم
By: محمد أمين
#رحلة_الهند #travelsecrets #التنظيم_الناجح

 

[Mohamed Tahoun]

احمد ابو الفتوح

 

[Mostafa El Ghamrawy]

Eman Abd Elrahman kol ely a7na 3mlnaaaa

 

[Heba Tallah Mohamed Ahmed]

Sherihan Wagdi

 

[محمد أمين]

شكرا جدا يا بهاء على كلامك و ذوقك الراقي سواء هنا او في Travel Secrets Club .. انا ابسط من الكلام الكبير ده و الله .. شكرا ⚘⚘⚘

 

[Ahmed Hassan Maaly]

Mohamed Maaly

 

[Ahmad Ragab]

الهند !!!

 

[Ahmed Hassan]

شجعتونا ع السفر

 

[Mohamed Ibrahim]

طيب ممكن تفاصيل اكتر عن الميزانية و الحجوزات و الاسعار.
يعني من الاخر الواحد يعمل حسابه في كام من ساعة مايفكر يسافر لحد مايرجع ان شاء الله.

 

[Souheir Ali]

ياسلام. هي. دي. الهند. جميييييلة. لا. دي. سحر. جنوب. شرق اسيا"!!!!!

 

[Marlene Francis]

Michael Victor

 

[Hesham Shapan]

كيرلا من اجمل بلاد العالم من حيث الطبيعة

 

[Ahmed Tourk]

رحلة وصور رائعة..

 

[Ahmed Tourk]

Nehal Abd

 

[Enass Attia]

شوقتونا والله
الرحله الجايه فين وامتي

 

[Walaa Farid]

Shibil Puthucode

 

[Soma Amin Soma]

الصور رائعه فعلا رجعتنا لاجمل زكريات الرحله الجميله دي ...

 

[Shaimaa Ramzy]

Rehab Ramzy

 

[Eman Ismail]

Eman Bakr Mahmoud

 

[Kawthar Youssef Sbeity]

Ghada Ribai