C
Couple Travel
:: مسافر ::
استاد الاوليمبكو ..... روما
متفوتش حاجه بتحبها
انت مش كل يوم هتروح روما .. و مش كل يوم هيبقى عندك فرصه تتابع الرياضه اللي بتحبها من الاستاد نفسه .. و مش كل يوم هيكون في ماتش كورة في المدينة اللي انت فيها و فوق ده كله محمد صلاح هيلعب يا جدعان.
الاجواء في استاد الاوليمبكو تحفه .. ده غير ان الناس خدت بالها اننا من مصر و بصراحة صلاح مصيتنا ع الاخر هناك
كان ماتش حلو و احنا كنا مقضينها تشجيع ... ايوه مكناش فاهمين حاجه بس بنزيط و بس
و يااااااااه بقى لما صلاح جاب جون .. تشجيع رهيب .. و المذيع الداخلي يقول محمد و الجمهور كله يقول صلاح بأعلى صوت .. و الناس اللي جنبنا تبصلنا و تكلمنا اكننا احنا اللي جبنا الجون.
قبل ده كله بقى برا الاستاد كان في موقف صعب و رخم شويتين ... احنا كنا حاجزين التذاكر اونلاين من مصر و استلمناها و احنا في روما و اتفاجئنا في الاستاد انهم بيقولوا انها مش بتاعتنا .. اكتشفنا ان التذاكر هناك بيبقى مكتوب عليها اسمك ولازم تطلعلهم تحقيق الشخصيه بتاعك عشان يدخلوك و احنا تذاكرنا كان مكتوب عليها اسامي تانيه خالص.
قالولنا مش هينفع تدخلوا .. احنا طبعا جمعنا كل ما عندنا من هدوء و تناحه و اقناع في نفس الوقت و فضلنا معاهم يمين شمال و من الاخر يا جدعان احنا هندخل يعني هندخل ... و كل ده احنا بنكلمهم انجليزي و هما بيتكلموا ايطالي .. بس الحمدلله بعد نص ساعه محاولات دخلنا الماتش و بصراحه هما كانوا متعاونين جدا.
#سافر
#روما
#صلاح
#Olimpico
#Roma
#Italy
#Salah
#Travel
#Couple_Travel
متفوتش حاجه بتحبها
انت مش كل يوم هتروح روما .. و مش كل يوم هيبقى عندك فرصه تتابع الرياضه اللي بتحبها من الاستاد نفسه .. و مش كل يوم هيكون في ماتش كورة في المدينة اللي انت فيها و فوق ده كله محمد صلاح هيلعب يا جدعان.
الاجواء في استاد الاوليمبكو تحفه .. ده غير ان الناس خدت بالها اننا من مصر و بصراحة صلاح مصيتنا ع الاخر هناك
كان ماتش حلو و احنا كنا مقضينها تشجيع ... ايوه مكناش فاهمين حاجه بس بنزيط و بس
و يااااااااه بقى لما صلاح جاب جون .. تشجيع رهيب .. و المذيع الداخلي يقول محمد و الجمهور كله يقول صلاح بأعلى صوت .. و الناس اللي جنبنا تبصلنا و تكلمنا اكننا احنا اللي جبنا الجون.
قبل ده كله بقى برا الاستاد كان في موقف صعب و رخم شويتين ... احنا كنا حاجزين التذاكر اونلاين من مصر و استلمناها و احنا في روما و اتفاجئنا في الاستاد انهم بيقولوا انها مش بتاعتنا .. اكتشفنا ان التذاكر هناك بيبقى مكتوب عليها اسمك ولازم تطلعلهم تحقيق الشخصيه بتاعك عشان يدخلوك و احنا تذاكرنا كان مكتوب عليها اسامي تانيه خالص.
قالولنا مش هينفع تدخلوا .. احنا طبعا جمعنا كل ما عندنا من هدوء و تناحه و اقناع في نفس الوقت و فضلنا معاهم يمين شمال و من الاخر يا جدعان احنا هندخل يعني هندخل ... و كل ده احنا بنكلمهم انجليزي و هما بيتكلموا ايطالي .. بس الحمدلله بعد نص ساعه محاولات دخلنا الماتش و بصراحه هما كانوا متعاونين جدا.
#سافر
#روما
#صلاح
#Olimpico
#Roma
#Italy
#Salah
#Travel
#Couple_Travel