C
Couple Travel
:: مسافر ::
باريس .. متحف اللوفر
ده بقى حاجه من الحاجات اللي بيقولك عليها must-see .. يعني مينفعش تروح باريس من غير ما تزور متحف اللوفر سواء كنت محب للفن او لأ.
لو انت محب جامد للفنون التشكيليه و الرسم و النحت و الحاجات دي يبقى لازم تروح اللوفر من الصبح بدري لحد اما يقفل على حوالي الساعه ٤ و مش هتكون خلصته.
زي ما بنقول ان كل حاجه في باريس بتطلع اكبر بكتير من اللي في خيالنا ف متحف اللوفر اكبر دليل على كده ... المتحف كبير جدا جدا ... عملاق بصوره غير طبيعية .. لا يمكن تخلصه ده غير انك ممكن تتوه جواه من كتر الغرف و الممرات.
التماثيل و اللوحات في كل مكان حتى على السقف ... ده غير ان طريقة العرض ممتعه و بتوفر مساحات للحركه و الاستمتاع لأعداد كبيره جدا .. ده غير ان في اماكن كتيره ترتاح عليها و تتفرج في نفس الوقت.
انما لو انت بقى مش محب كبير للفن ف الافضل انك متروحش هناك من اول اليوم .. شوف انت جابب تقضي هناك وقت قد ايه و على الاساس ده روح متأخر شويه.
لو انت رايح عشان الموناليزا ... هتكتشف انها لوحه صغيره جدا و حواليها ناس كتير جدا جدا .. و قدامها في نفس الأوضه لوحه بعرض و طول الحيطه شكلها جميل جدا.
متفوتش الحاجات الاساسية في كل مدينة ... بس لو مكنتش مستمتع جدا .. امشي و روح مكان تاني.
نظم وقتك كويس عشان ده اغلى حاجه عندك عموما و في السفر خصوصا.
#سافر
#باريس
#فرنسا
#اللوفر
#Travel
#Paris
#France
#Louvre
#Couple_Travel
ده بقى حاجه من الحاجات اللي بيقولك عليها must-see .. يعني مينفعش تروح باريس من غير ما تزور متحف اللوفر سواء كنت محب للفن او لأ.
لو انت محب جامد للفنون التشكيليه و الرسم و النحت و الحاجات دي يبقى لازم تروح اللوفر من الصبح بدري لحد اما يقفل على حوالي الساعه ٤ و مش هتكون خلصته.
زي ما بنقول ان كل حاجه في باريس بتطلع اكبر بكتير من اللي في خيالنا ف متحف اللوفر اكبر دليل على كده ... المتحف كبير جدا جدا ... عملاق بصوره غير طبيعية .. لا يمكن تخلصه ده غير انك ممكن تتوه جواه من كتر الغرف و الممرات.
التماثيل و اللوحات في كل مكان حتى على السقف ... ده غير ان طريقة العرض ممتعه و بتوفر مساحات للحركه و الاستمتاع لأعداد كبيره جدا .. ده غير ان في اماكن كتيره ترتاح عليها و تتفرج في نفس الوقت.
انما لو انت بقى مش محب كبير للفن ف الافضل انك متروحش هناك من اول اليوم .. شوف انت جابب تقضي هناك وقت قد ايه و على الاساس ده روح متأخر شويه.
لو انت رايح عشان الموناليزا ... هتكتشف انها لوحه صغيره جدا و حواليها ناس كتير جدا جدا .. و قدامها في نفس الأوضه لوحه بعرض و طول الحيطه شكلها جميل جدا.
متفوتش الحاجات الاساسية في كل مدينة ... بس لو مكنتش مستمتع جدا .. امشي و روح مكان تاني.
نظم وقتك كويس عشان ده اغلى حاجه عندك عموما و في السفر خصوصا.
#سافر
#باريس
#فرنسا
#اللوفر
#Travel
#Paris
#France
#Louvre
#Couple_Travel