C
Couple Travel
:: مسافر ::
باريس و الكورواسون
مش لاقيين كلام نقوله ... كفايه بس نفتكر الطعم و الاحساس الرائع اللي كنا حاسينه.
بما ان باريس كانت محطتنا الاولى و بوابتنا لاوروبا فكل تجربه فيها كانت هي الاهم بالنسبالنا.
الفندق اللي كنا حاجزين فيه كان من غير فطار .. بس كان عندهم عرض انك تفطر في open buffet ب ٦ يورو للفرد ... احنا قلنا نجرب اول يوم و نشوف مستاهله ولا لأ خصوصا ان الفطار مهم جدا في السفر عشان تبتدي اليوم صح.
كل حاجه طبعا موجوده على الفطار من كورواسون لمعجنات تانيه و انواع شيكولاته و مربى و زبادي كتير ده غير مكنه للعصاير الطبيعيه و مكنه للمشروبات الساخنه
.... احنا طبعا كنا بناخد راحتنا على الاخر في الفطار و بنجرب و بنستمتع بكل حاجه.
اول يوم و احنا ماشيين خدنا معانا واحده كورواسون عشان نبقى نتسلى بيها ... و فعلا كلناها كلنا مع بعض على وقت الظهر كده ... تاني يوم قلنا كده الموضوع مش نافع احنا ناخد معانا لكل واحد واحدة كورواسون ... كل شويه الادمان بيزيد ... على تالت و اخر يوم كنا تقريبا ساحبين صاج كورواسون معانا ... ده غير كمية الكورواسون و العصاير اللي كنا بنضربها و احنا قاعدين.
الكورواسونايه الواحده في اي مكان سعرها تقريبا واحد يورو ... و بما انه كان open buffet ب ٦ يورو ف احنا كنا بنطلع كسبانين كل يوم بكمية الاكل اللي كنا بنضربها.
هي مكانتش طفاسه ولا حاجه ... احنا كنا بنصحى جعانين جدا من كتر التعب .. ده غير ان روعة الاكل كانت بتخليك مش قادر تبطل.
دلوقتي احنا تقريبا black listed في الفندق ده.
#سافر
#باريس
#كورواسون
#Travel
#Paris
#Couple_Travel
مش لاقيين كلام نقوله ... كفايه بس نفتكر الطعم و الاحساس الرائع اللي كنا حاسينه.
بما ان باريس كانت محطتنا الاولى و بوابتنا لاوروبا فكل تجربه فيها كانت هي الاهم بالنسبالنا.
الفندق اللي كنا حاجزين فيه كان من غير فطار .. بس كان عندهم عرض انك تفطر في open buffet ب ٦ يورو للفرد ... احنا قلنا نجرب اول يوم و نشوف مستاهله ولا لأ خصوصا ان الفطار مهم جدا في السفر عشان تبتدي اليوم صح.
كل حاجه طبعا موجوده على الفطار من كورواسون لمعجنات تانيه و انواع شيكولاته و مربى و زبادي كتير ده غير مكنه للعصاير الطبيعيه و مكنه للمشروبات الساخنه
.... احنا طبعا كنا بناخد راحتنا على الاخر في الفطار و بنجرب و بنستمتع بكل حاجه. اول يوم و احنا ماشيين خدنا معانا واحده كورواسون عشان نبقى نتسلى بيها ... و فعلا كلناها كلنا مع بعض على وقت الظهر كده ... تاني يوم قلنا كده الموضوع مش نافع احنا ناخد معانا لكل واحد واحدة كورواسون ... كل شويه الادمان بيزيد ... على تالت و اخر يوم كنا تقريبا ساحبين صاج كورواسون معانا ... ده غير كمية الكورواسون و العصاير اللي كنا بنضربها و احنا قاعدين.
الكورواسونايه الواحده في اي مكان سعرها تقريبا واحد يورو ... و بما انه كان open buffet ب ٦ يورو ف احنا كنا بنطلع كسبانين كل يوم بكمية الاكل اللي كنا بنضربها.
هي مكانتش طفاسه ولا حاجه ... احنا كنا بنصحى جعانين جدا من كتر التعب .. ده غير ان روعة الاكل كانت بتخليك مش قادر تبطل.
دلوقتي احنا تقريبا black listed في الفندق ده.
#سافر
#باريس
#كورواسون
#Travel
#Paris
#Couple_Travel