#قصه_سفر_سريعه_لتغيير_الأجواء كيف ما نحنا ك...

  • بادئ الموضوع بادئ الموضوع Ali Fakree Eldin ElSallabi
  • تاريخ البدء تاريخ البدء
عرض العطلة
A

Ali Fakree Eldin ElSallabi

:: مسافر ::
#1
#قصه_سفر_سريعه_لتغيير_الأجواء

كيف ما نحنا ك ليبين ممكن انتعلمو ثقافات وعادات من دول اخرى لما انسافرولها
ممكن في ناس ثانيه اتعلم في الثقافات والعادات بتاع بلادك
في 2012
كان مديري مالطي الجنسيه
وكنت نشتغل معاه في بنغازي ليبيا في شركه ملابس انجليزيه
في يوم كنت انجيب فيه من المطار وقالي تككي على الدكان عشان ناخذ حاجه نشربها
وكان وقتها رمضان وهوا ناسي
فانا قتله اني صايم لما عزم عليا
قعد يعتذرلي ويتأسفلي
وبعدها قالي انه خاطره ايجرب شعور الصائم زينا
وقاللي انه ثاني يوم حيحاول مياكلش شي لعند المغرب وانه عازمني انا وباقي المشرفين علي الفطور في احد المطاعم في بنغازي
المهم تاني يوم هوا متعود يشرب حليب في الصبح
خشيت عليه المكتب لقيته يشرب في حليب
وذكرته بالوعد بتاعه
قاللي : نسيته بكل .......وقالي باق اليوم كله انه مش حياكل حاجه
وفعلا
قعد معانا في الشركة يوم كامل من غير ميشرب او ياكل شي غير الحليب الي شربه في الصبح طبعا
وقبل المغرب بنص ساعه عدينا لمطعم بيزا
وطلبنا وقعدنا انراجو في المغرب وقدامنا ماء وتمر وحاجات خفيفه
والراجل قريب ايموت من الجوع
المهم اذن المغرب شربنا اميه
ونحنا الثلاثه المشرفين الي عدا ايدور في قهوه والي عدا ايدخن والي خش للحمام ايتوضي عشان ايصلي
والراجل المالطي فاتح فمه :) :) :)
وضاربه الجوع ضربه شينه
ولما ردينا قاللنا خاطري عرف كيف انتو بالقوه هذه
كيف اول مأذن المغرب مكليتوش دغري ومزال عندكم طاقه ووقدره انكم اتديرو حاجات اخرى غير الاكل :) :) :) :)

طبعا اول مجا الاكل هد عليه وكلاه كله وطلب حاجات اخرى نين كرشته طلعت من الطاوله ونحنا قاعدين ناكلو بشويه وهوا مستغرب فينا كيف انديرو هكي :) :) :)

#مالطي_صائم_في_ليبيا <3 :)
#الحمد_لله_علي_نعمه_الاسلام <3
16602623_1317822498274270_3032201155364395301_n.jpg
 
#3
ههههه فيها جانب مضحك القصه ❤

الحمدالله علي نعمه الاسلام

صحبتي سعوديه خاطرها اتذوق العصيده بتاعنا
بس ماصارلهش نصيب
 
عرض العطلة
#10
ذكرتني لما كنا بالمدرسة بالاردن وكان عنا بنات مسيحية ويستغربو فينا كيف وقت الفطور هما يدقو بالاكل واحنا عادي الوضعز
 
عرض العطلة
#11
ههههه الحمد الله علي نعمة الاسلام
ندكر مره في الصين شهر تام مسكينه الشغاله تشبح فينا مناكلوش بكل الا وقت الفطور اول يوم العيد ناضت القت الطاولة معبيه من صبح ربي وناكلوا وهيا انجليزي شي شي قعدت تشبح وتقول بالعلامات فطور جيعانين هههههه
 
#12
الصيام تعود
هم الأجانب عندهم اللنش هذا حاجة مقدسة وتربوا انهم ما ايفوتوش موعده
فحيكون صعب عليهم

بس فيهم ميزة يحترموك لما يعرفوك صايم وما ياكلوش قدامك
حتى العويله فى المدارس يحترموا فى أصحابهم المسلمين ووقت اللنش يستأذنوا منهم بيش ما ياكلوش قدامهم
 
#13
ذكرتني بنفس القصة صارت مع باتي لما سافر لأمريكا في رمضان قالي لما يعرفوا انك صايم وهم ياكلوا يوقفوا الوكال ويدسوه ومايكلوش بكل قدامك ومرة حاولوا يصيموا معاهم بس مقدروش يكملوا
 
عرض العطلة
عرض العطلة
أعلى أسفل
عودة
قائمة