C
Couple Travel
:: مسافر ::
اعمل ايه لو لقيت نفسي جعان بالليل و انا في اوروبا
انسى بقى الجو المصري بتاع المحلات اللي بتفتح ٢٤ ساعة و الاكشاك اللي في كل حته و الواد بتاع الدليفري اللي بيجيبلك كل حاجه لحد عندك.
في حاجات تبان بسيطه جدا في السفر بس لو مش متظبطه كويس ممكن تنكد عليك ع الفاضي.
اولا لازم تبقى عامل حسابك ان اغلب المدن الاوروبية المحلات بتقفل فيها بدري ... بس ده بيختلف من مدينة للتانيه .. باريس مثلا من ٨ ل ٩ كده ممكن تلاقي كله قافل ما عدا محل او اتنين بالكتير ... انما مثلا مدينة زي برشلونة هتلاقيها مكمله معاك لحد ١١ مثلا .... بس في الاخر بعد ١١ انسى اي حاجه.
كده الواحد قدامه كذا حل ... ممكن و انت ماشي من مصر تاخد معاك شوية جبن او اي حاجه انت عاوزها عشان موقف زي ده.
ممكن في اول يوم ليك هناك تروح على اي هايبر ماركت و تشتري شوية حاجات تسندك .. ده غير بقى ان الكولا هناك طعمها احلى و الصودا فيها اقوى بكتير.
لما تيجي تشتري اي حاجه اشتريها من الهايبر ماركت مش من محلات صغيره عشان في فرق كبير في الاسعار ممكن توصل ٣ اضعاف في المحلات الصغيره لشوية حاجات عادية زي المياه و العصاير و البيبسي.
حاول قبل ما تسافر تفكر و تركز في كل حاجه عشان مفيش حاجه تكدرك.
#سافر
انسى بقى الجو المصري بتاع المحلات اللي بتفتح ٢٤ ساعة و الاكشاك اللي في كل حته و الواد بتاع الدليفري اللي بيجيبلك كل حاجه لحد عندك.
في حاجات تبان بسيطه جدا في السفر بس لو مش متظبطه كويس ممكن تنكد عليك ع الفاضي.
اولا لازم تبقى عامل حسابك ان اغلب المدن الاوروبية المحلات بتقفل فيها بدري ... بس ده بيختلف من مدينة للتانيه .. باريس مثلا من ٨ ل ٩ كده ممكن تلاقي كله قافل ما عدا محل او اتنين بالكتير ... انما مثلا مدينة زي برشلونة هتلاقيها مكمله معاك لحد ١١ مثلا .... بس في الاخر بعد ١١ انسى اي حاجه.
كده الواحد قدامه كذا حل ... ممكن و انت ماشي من مصر تاخد معاك شوية جبن او اي حاجه انت عاوزها عشان موقف زي ده.
ممكن في اول يوم ليك هناك تروح على اي هايبر ماركت و تشتري شوية حاجات تسندك .. ده غير بقى ان الكولا هناك طعمها احلى و الصودا فيها اقوى بكتير.
لما تيجي تشتري اي حاجه اشتريها من الهايبر ماركت مش من محلات صغيره عشان في فرق كبير في الاسعار ممكن توصل ٣ اضعاف في المحلات الصغيره لشوية حاجات عادية زي المياه و العصاير و البيبسي.
حاول قبل ما تسافر تفكر و تركز في كل حاجه عشان مفيش حاجه تكدرك.
#سافر
