فوائد السفر لما تسافر تكتشف ان معظم سكان...

[Saif Elmnifi]

فوائد السفر
لما تسافر تكتشف ان معظم سكان العالم ميعرفوش ليبيا هذي وين أصلآ
لما تسافر تكتشف ان شعب الليبي اخف وأطيب شعب.
لما تسافر تكتشف ان المراة الليبية هي اكتر نساء تتعب وحمل عليها.
لما تسافر تكتشف ان ليبيا عندها مقومات النجاح الي مش موجوده عند اي دولة بس لاسف بدون نتيجة.
لما تسافر تكتشف اخلاقك وصورتك الحقيقية قدام نفسك(لأنك عايش في مجتمع مافيش خوف من كلام الناس .مجتمع مباح في اي حاجه)
لما تسافر تكتشف ان اكبر شعب متعذب هو الشعب الليبي.
لما تسافر تكتشف ان دين الاسلام هو دين الفطرة.
لما تسافر تكتشف ان المعده امتاعك هي المعده الوحيده الي مجهزه انها تاكل بزين محشي لحم راس كبده ساعة 7 الصبح.
لما تسافر تكتشف ان عادي ممكن تعيش من غير تلفزيون وتكون مبسوط بكل.
لما تسافر تكتشف ان اكتر شعب يهتم بالمظاهر هي الشعوب العربية.
لما تسافر تكتشف ان مافيش حاجه اسمها انا عطوني عين وحسدوني.
لما تسافر تكتشف ان الواحد ممكن يتجوز في شقة 50 متر كيف خلق الله.
لما تسافر تكتشف انك انسان طبيعي عندك الحاجات الاساسية للحياة.
لما تسافر تكتشف ان اقل سرعة نت هي 25 ميقا بايت وتقريبا نفس سعر الواحد ميقا الي في ليبيا.
لما تسافر تكتشف ان كملو كملو انتم يدي تعبت وانا نكتب..

#منقول

 

[Wandy Eltarhoney]

فعلااااا صدقت بذات انك تقعد قاعد في مجتمع مباح لكل شي

 

[Fatima Mohammed]

فعلا

 

[Nour Jouda]

لما تسافر تكتشف ان الشعوب العربيه اكثر تبذيرا (وليس فقط استهلاكا ) حتى من اكثر الدول رفاهيه عبر العالم . .. يعني ممكن تفتح دولاب فتاه عربيه تلقى فيه 4 جينز و 10 احذيه مثلا ، وفي المقابل ممكن شابه جامعيه اوروبيه شوز واحد و2 جينز وفي العطله ممكن تبيع كتب ع الطريق لتسدد مصاريف الجامعه !

 

[Ķĥalĭfa Aŝeħim]

لما تسافر تحس موضوع الجواز ساهل بكل مش تعقيد لي عندنا

 

[Nour El-Iman Amer]

معاك حق في كل الي قلته ماعاده نقطه وحده بس العين والحسد مذكورات فلاسلام وحتا الرسول اكدها ، لكن نتفق معاك انه نحن مشهدرين بيها وكل حاجه ندفو فيها هي

 

[فاطمة الفاخرى]

لما تسافر تلقى كل الليبيين يحضروا برا

 

[فاطمة الفاخرى]

لما تسافر اتحس إن عدد الليبيين 60 مليون مش 6 مليون فقط

 

[Amel Al Sadeq]

مافيهم ماعرفوها ليبيا ههههههه وماعندهم علاش يعرفوها ههههههه

 

[Khadija Elmangoush]

لما انسافر تكره روحك وبلادك وكل اللي مصعبين حياتنا
لما اتسافر تكتشف ان اكثر مراه اتعاني مالمراصلات هيا الليبيه

 

[Munther Amnina]

لما تسافر تكتشف ان بلادنا بلاد خير وكل حاجة متوفرة عندنا والحياة ساهلة ومش ضروري تخدم وتحط وقتك طول الأسبوع في الشغل عشان توفر ابسط مقومات الحياة لعائلتك نحن الليبين نعتبرو شعب غني وحياته مريحة لأبعد الحدود وابسط مثال اي دوام شغل حكومي عندنا ينتهي الساعة 2:30 صح في الوقت الحالي حياتنا قعدت صعبة لكن طول السنوات الي فاتت مستوي حياتنا كان كويس وفي النهاية بكل قدر الله وماشاء فعل وان شاء الله يصلح حال البلاد وترد كيف قبل وأحسن .

 

[Hanen Ben Noor]

تعالى اقري معايا فوائد السفر ☺ Smo Ahmad

 

[Søad Essà]

فيش حد من اللي سافرو يرفعني برا ليبيا

 

[Zhraa Swalem]

كلام كلام صحيح ونوافقك عليه

 

[Doja Bensadek]

تكتشف انك مش عايش وان بلادنا حالها يوووجع

 

[Nisreen ALbakoush]

لما نسافر انك قلتها مزلت ماسافرت

 

[Soso Elbaba]

لما تسافر تكتشف ان اطفال ليبيا مش عايشين و محرومين من حاجات واااجد

 

[Nour Jouda]

لما تسافر .. تتأكد انه المرأه وظيفتها لا تقتصر على المطبخ وشؤون المنزل والاطفال .. وان فعلت هي ذلك ، تكون تضحيه كبيره .. لانها لم تقبل المناصفه في المهام بل تخلت عن وظيفه ودراسه واستقلال اقتصادي .. في سبيل الاسره ، وقليل مم يدرك هذا .