السلام عليكم، ي اخوان عندي مشكلة مع جامعتي،...

[Khalid Algarishi]

السلام عليكم، ي اخوان عندي مشكلة مع جامعتي، علي هولد من الجامعة بسبب مبلغ مالي و ما عندي اي قدرة اني اسدد هالمبلغ ، هل احد قد كلم الملحقية وساعدوه ؟ ارسلت لشؤون الاجتماعية و المالية و كلهم قالو اذا المبلغ المالي بسبب كلاسات حذفتها فانت تتحملها ولكن ما حذفت كلاس ولاشي. اتمنى المساعدة

 

[Dua'a Albluwi]

طيب ليش ما تستفسر من الجامعة عن سبب المبلغ المالي اللي عليك؟

 

[Fatima Albaghli]

ممكن بسبب التآمين؟

 

[Khalid Algarishi]

المبلغ اللي علي بسبب سكن جامعي، كنت ساكن و طلعت من عندهم بسبب عذر طبي،

 

[Abdulaziz Ali]

العاده انه ما يأثر علي كلاساتك اذا انت مسجل .ووقت ما عندك تدفعها ويزودها شوي عشان التأخير

 

[Dua'a Albluwi]

حاول تتواصل مع الجامعه وتطلب منهم بان تدفع المبلغ على دفاعات متفرقه.

 

[Majed Almajed]

في حل انهم يقسطون لك المبلغ

 

[Eman Barnawi]

ماتقدر تتسلف من اصحابك او اخوانك؟؟ احس الفلوس شي صعب يتساهلو فيه

 

[Fahad Salem]

طيب ارجع لسكن الجامعه لما ينتهي العقد واطلع او أرفق العذر الطبي اللي معك لان مسالة تتعطل دراسيا بسبب مبلغ سكن جامعي مو منطقي. الله يسهل لك

 

[Majed Meshal]

بالنسبة لي دايم تصير لي بجامعتي وعادي .. لان الملحقية تدفع بنهاية السمستر غالباً .. تقدر تشرح لجامعتك وتقول لهم تواصلوا مع SACM هم المسؤلين عن الدفع وهم يدفعون لكل الجامعات بوقت واحد لانهم مسؤلين عن طلاب كثار بعدة جامعات .. بيتواصلون عاد مع الملحقية ويفكون الهولد عنك

 

[Saleh Alsari]

الله يسهلها لك ويعينك ورطت نفسك ومالقيت تسحب الى ع سكن الجامعه الي انت تدرس فيها لكن ان شاء الله تتسهل وتلقى لك حل

 

[Eng Mutni]

مالك الا تسدد الدفعه الاولى ي بعدي وتسددهم اقساط .. مالك مفر منهم تأكد لان شهادتك عندهم ، جمعها منا ومنا لين تسلك امورك وانا اخوك .. الله ييسر امورك ويفرجها عليك عاجلاً غير اجل،

 

[Najah Alsaiari]

اول ماشفت عدد التعليقات كذا كثيرة قلت الحمد لله اكيد ف احد قال ولايهمك ي رجّال ازهلها ,احنا لبعض ونساعد بعض ,وكم المبلغ المطلوب ومن هالكلام ؟ خصوص انه كتب " ماعندي اي قدرة اني اسدد المبلغ"؟
بس اغلبكم ردودهم كانت سدد المبلغ, كلمهم , حاول و و ! يعني اكيد هو تعب وجرب وحاول وطامر من شخص للثاني عشان موضوعه الى ما طفح الكيل عنده.
وبرضه مانختلف ان الدعوة بتفريج الكربة شيء حلو بس تفريج كربة اخيك المسلم شيء احلى واجممل بعد.

ومن هنا اقول اني اول وحدة بحاول اساعده باللي اقدر عليه بأذن الله ( من يشاركني؟ )

 

[Soso Mohammad]

تقدر تسوي جمعية مع معارفك تجمع لك كذا شخص وكل شخص مثلا يدفع ميتين وانت اول واحد تستلم وتسدد للجامعة وبعدين الشهر اللي بعده نفس الشي ويستلمها شخص غيرك وهكذا لين تخلص بكذا تكون كانك جالس تقسط للجامعة ومبلغ تقدر عليه وبدون ماتتسلف من احد

 

[Reem Alderbi]

ممكن من فضلك اسم الجامعة ؟

 

[Khalid Algarishi]

الملحقية لها اكثر من ٣ ايام انتظر ردهم ولا حياة لمن تنادي

 

[Yasser Alzaid]

كم المبلغ

 

[Khalid Algarishi]

توصلت معاك خاص