السلام عليكم انا اول سمستر لي بالماستر احس...

[Al Noor]

السلام عليكم
انا اول سمستر لي بالماستر احس مدري كيف اذاكر اشيل هم اليوم كله لكن مانجز شي ماعرف من وين ابدا وكيف انظم وقتي ، ابغى أستفيد من كل لحظه بالتعلم بس ماني عارفه كيف فياليت الي تخرجوا بالماستر بمعدل كويس تعطونا طريقه تجمع بين الإنجاز والترويح عن النفس وشكراً لكم .

 

[Ali Alshammari]

راجعي مفردات المقرر وتأكدي من تواريخ الواجبات والاسايمنتس عشان تعرفي تنظمي وقتك, اعرفي ايش المهم والاهم والغير مهم, ذاكري كل يوم من ساعتين إلى اربع, اختاري مكان تذاكري فيه تحسي انك برودكتيف, سواء مكتبة او معمل او كوفي شوب, خلك منخرطة ومتصلة بالقسم, سواء تدرسي مادة, تشتغلي معهم, تذاكري معهم, ...إلخ. اتركي بصمة لك بكل كورس مع كل دكتور, ولما تذاكري الكورس حاولي تتخيلي نفسك انه انتي تدرسي هالكورس, يعني لاتذاكري بس عشان تفهمي, ذاكري عشان لو طلب منك بيوم انك تدرسي هالكورس وتفهمي غيرك راح تكوني قادرة على هالشي, وقبل هذا كله توكلي على الولي سبحانه , وحطي بداخلك الاعتقاد بان الماستر فترة صقل مفاهيم واثبات نفس واكتساب معارف وتعزيز قدرات واكتساب خبرات, والمعدل والشهادة بإذن الله جاية جاية لاتشيلي همها بالحيل.

 

[Yaser Abdullah Ba Afif]

القرايه وفهم الماده زين هي اهم عنصرين جعلتني اتخرج من الماجستير في افضل جامعه بتخصصي وبمعدل ممتاز. اقرا اغلب مواضيع الكتاب وافهم الماده واذا شي مافهمته قوقل اواصحاب او حتى دكتور.

 

[Marwa Abdulkarim]

شوفي اليوتيوب ، ويكبيديا اذا مافهمتي ايش هالكلمه

 

[Albeshi Jebryl]

دائماً اكتب اسم المقرر او الدرس في قوقل او يوتوب واشوف اكثر من طريقةً شرح عشان افهم أفضل

 

[Mohammed Al-gaffari]

اعطيكم حركه سريه وقاضيه انا اسميها..ممكن تسجل كل كلمه ماتفهمها اذا اكثر من انك تكتبه..

سوو الي اسويه..
سجلوا صوت لاي محادثه دكتور ..او اي كلاس تواجهون فيه مصيبه..وبكذا مو بس ينقذكم من الكلمات الصعبه..بل وحتي الي فاهمه تقدر تسترجعه..

*ملاحظه لاتنسى تستاذن.من الدكتور
دعواتكم لي.

 

[Morphine TK]

فعلا تسجيل المحاضرات ومراجعتها في البيت واذا مافهمتي نقطه لاتترددي تروحي لدكتور في مكتبه في الاورس حقه واول سمستر معروف الكل يواجهه نفس المشكله فحاولي اول سمستر ماتخرجي بمعدل نازل وفي نفس الوقت رتبي وقتك لاتخلي يومك كله هم

 

[Morphine TK]

الله يوفقم

 

[Morphine TK]

ك*

 

[Abdullah Bin Fahad]

/How to Study

 

[Mohammed Hijazi]

اهم شي مثل ما قالو الاغلبيه تنظيم الوقت و معرفه اوقات التسليم.
و من رأي المذاكرة و المراجعه مع قروب دايم بساعد علي الفهم و مراجعه المادة خصوصا لو كان معك اجانب بيتفهمو و يساعدو .
و مع الوقت راح تتأقلمي باذن الله.

 

[Shatha Alharby]

حركة تسجيل المحاضرات جدا ممله سويتها وابدا ما عجبتني لكن لا تشيلين هم ولاتستهلكين طاقه في القلق كيف انظم وقتي وايش اسوي ترا اهم شي تاخذين مع دكاتره كويسين انا اول ترم اخذت مع دكاتره صعبين وكنت احسب الخلل مني ولكن طلع الخلل فيهم وذاكري نفس طريقتك اللي كنت تذاكرين فيها ف الباتشلور بس زيدي وقتك في المذاكره وذاكري المحاضرات اول بأول ح تفرق معاك كثييير ومايجي الميدترم الا وانت فاهمه نص المنهج

 

[Noora Alotaibi]

انا احضر الكلاس افهم شنو قاعد ينقال فيه واسجل المحاضرة بمسجل صغير بحجم الاصبع واكتب ملاحظات مع الدكتور واتفاعل معه.. وقت الاختبار اذاكر ثم اسمع التسجيلات واختبر وهكذا.. اي شي ما افهمه اقوقله او ابحث بالمكتبة عن مراجع مفصلة عنه.. ما اذاكر يومياً صراحة.. واذا المادة صعبة او دسمة اقسم المذاكرة على ايام قبل الاختبار.. ولله الحمد معدلي عالي وفاهمة تخصصي.. وعشان تكونين محدثة معلوماتك عن اخر التطورات في مجالك اقراي الابحاث المنشورة واكيد جامعتك يعطونك اكسيس لكثير من المواقع العلمية والدراسات المنشورة.. لو كل اسبوع او كل شهر تقراين ورقة بحثية او الملخص تبعها كويس.. وبالتوفيق لك

 

[Noora Alotaibi]

بالنسبة لتنظيم الوقت.. حملي تطبيقات الطلاب لتسجيل اوقات الاختبارات وغيرها او اشتريلك بلانر وسجلي فيه كل حاجة.. عن نفسي محملة تطبيق مسجلة فيه كل حاجة من اول اسبوع ويعطيني تنبيهات قبل الاختبار او الاسايمنت بأسبوع وبرضو مسجلة كل شي على كلندر معلق في غرفتي..

 

[Marwa Abdulkarim]

نورا اسوي كل اللي تسوينه وما احصل نتيجه المدرسين مره اسالتهم معقده وتريكي خصوصا موادي تخصص صيدله

 

[Abdullah Alghamdi]

اول شئ توكلي ع الله، ثانياً اسألي اصدقائك في الكلاس عن الملخصات وعن كيفية حل البحوث وغيرها واسألي اهل الخبره في التخصص اللى سابقينك بالتخصص. اتمنى لي ولك ولجميع القارئيين النجاح والتوفيق