في أنواع من الناس مايتسافرش معاها و يختلف...

[HadOola Hn]

في أنواع من الناس مايتسافرش معاها و يختلف النوع من شخص لشخص
عن نفسي الشخص النقراز المعاندي مانقدرش نتحمّل أبدا و نقعد عادي في داري مش لازمني سفر المهم شخصية زي هكي مانسافرش معاها

 

[Swiss Ice]

""ونقعد عادي في داري مش لازمني سفر""

 

[Zeze Myth]

شن معناها نقراز

 

[Bushra Ahmed]

حتى المنكد اللي كلّه لا ويعيقلك تحركاتك منحباش
اني في السفر نحب اعطيني حريتي في ايدي فلوس واطلق يداي

 

[Bella Bella]

صح لازم يكون شخص مريح هو المرافق

 

[Aya Alkezza]

ههههههههههههههههه شكلك كبدك متمزطه

 

[Mustafa Jalal Fteita]

صحيح النوعية هذي حتى القعده معاه في الحوش يععع

 

[Doni Alabbar]

هههههههه والمستعجل والخواف كل حاجة ديرلها سريب وطبعا البخيل ههههههههه

 

[Sosoo Alsharif]

نفسك وزيادة عليها الشخص الاتكالي

 

[Abdrhman Barrani]

من الأخير المرخي و القرقاض لي تقوله هيا نجربو و نديرو يقعد يتمرخالك و يقولك لا فوت و مَش عارف شنو

 

[Yasmine Abdo]

فعلا في ناس نكديه تسافر معاهم لدرجة تكره لبلاد في جرتهم.. وفي ناس تطلع معاها حتي مشوار بسيط بدون سفر تحس بالسعاده معاهم

 

[Sara Albasir]

الشخص التقليدي
اللي مش فاهم السفر
سفر معنها تبي تجرب كل حاجة وتعيش كل لحظه في البلاد اللي ماشيلها
وتعيش تجارب جديدة نظام تروح للهوتيل ترقد بس
هذي بعيداً طبعاً عن المنكرات والعياذ بالله

 

[Khaled Edhass]

الرفقة شيء مطلوب. .خاصةً لو كان الشخص بنفس الطبع. . حركي يحب يجرب كل شيء. . و مايحبش يقعد في مكان واحد. .

 

[Nonna Mokasabi]

انا اكره ماعندي نسافر مع حد بخيل

 

[Ehab Bin]

بالنسبة ليا انا مانسافرش مع اى شخص إلا ما نكون نعرفه كويس و زابط جوه مليح انه يمشى معاى

 

[Adam A. Queiri]

كان الموضوع فيه سفر مستعد نسافر حتى مع شارون عادي

 

[Saif Elmnifi]

اها نوعيتك إنتي معناها من الناس ألي تحب تسيطر وتمشي علي هواها
وانا النوعية هذي مانحبهش في السفر

 

[Dana Auzzi]

المعقد الخواف اللي طول اليوم في الهوتيل وم يحبش يجرب حاجات جديدة وكان بياكل كله يبيه من مكدونالز والحاجات المعروفة نحب نجرب كل شيء وكل يوم ف مكان وم نروحش للهوتيل الا للنوم

 

[Waddo Alayati]

الشخص البخيل في فلوسه
ومهنته تمشيط في فلوسك

 

[Muneer Yousef]

عندنا مثل يختصر الموضوع الرفيق قبل الطريق