#بوست_مش_سياسي #اي_كومنت_سياسي_غير_مقبول...

[Ali Fakree Eldin ElSallabi]

#بوست_مش_سياسي
#اي_كومنت_سياسي_غير_مقبول

قابلتني الصوره هذي وقعدت انفكر في مدى مصداقيتها ولقيتها حقيقيه 100 ف 100
ابسط أحلام المواطن الليبي هيا حقوق في دول اخرى
الحق في الامن والامان
الحق في حر مالك الذي لا تستطيع استخراجه
مع انه مالك !
الحق في مطار قريب
الحق في اماكن للترفيه والتسليه
حقوق كثيره نعتبرها احلاما
وهيا حق يقدم لك غصبا عن اي احد في بلدان كثيره

#لنا_الله <3
#حقوق_واحلام

 

[Sama Jood]

حتي المواطن له دور في الاعمار وخاصة من ناحية النظافة ..او المحافظه على الاشياء الموجوده ...حتى الورد في الحديقة يقطعوه عندنا

 

[Fadwa El-Feituri]

المواطن له حقوق زي ما عليه واجبات ..
فعلاً نحن دولتنا حارمتنا من أبسط أبسط حقوقنا وحياتنا للأسف ما تعتبرش حياة كريمة ...
ولكن بعض النفوس غير السوية من المواطنين، يساعدوا عالبخت، أضعف الإيمان خصلة العزق من روشن السيارة! هذي ما فهمتهش بكل ..
وعايشين بفكرة أنه "رزق دولة" عادي نخرب ونأخذ ونعزق ونشوّه الأماكن العامة .. مافيش أي ضمير أو رقابة ذاتية ..
أنا نرى أنه مشكلة ليبيا مشكلة مشتركة مابين الحكومة والمواطن الا من رحم ربي ..

 

[Haloma K Zew]

إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ ...الفسس فينا نحنا كشعب ربي يهدينا كلنا وخلاص

 

[Mohamed Alzwai]

لما يقعدوا يدفعوا في ضرائب زي العالم ح انكونوا زي العالم ...

 

[جنتي ٱنا]

و6سنين ربيع عمرنا عالفاضي

 

[Jeje Bagoo]

ديما نقول فيها أحلامنا مجرد حقوق مفروض تكون متوفره
زيد عليها الحق في طب كويس ومواد وأجهزة حديثة
الحق في تعليم راقي بمختلف المجالات
وغيرها ......
المشكلة أساسية فينا نحنا ليبيين بدرجة الأولى

 

[Hała AŁørofy]

ديما نقول يا ريتني جيت كويتية

 

[Fatma Almokassabi]

اااخ وخلاص ربي يفرج علينا

 

[Eman Younis]

نحب نقول لخوتي ان راه احترام القوانين اللي مش موجوده لكن الله سبحانه وتعالى امرنا بيها انها نوع من العباده ... تصلي في جامع وتسكر الطريق هذا راه مش اخلاق مسلم ... ابدأ بنفسك توا الدنيا تبحبح

 

[Sara Albasir]

بما ان سياسة ممنوع حنكتفي
كان في استيكر نديب كنت حطيته

 

[Salma Solyman]

وأهمها حرية التفكير والتعبير لي خلق الإبداع والاختلاف

 

[Raja Shwishin]

تفرج بإذن الله....

 

[Aya Altajoury]

 

[Sarah Milad]

الجيل هذا زي اعضاء القروب هذا زي الناس الشباب اصحاب هلبا افكار في مختلف مناطق ليبيا والله لو يخلولهم البلاد بس حاتولي جنة يلا ربي يفرج وخلاص

 

[Ebtehag Abdullah]

ملاهي ملاهي ملااااهي

 

[Tama Hadia]

Ali Fakree Eldin ElSallabi و هذا طموحي الي خاطري نحققه في ليبيا يقدرنا الله و نخلو ليبيا اجمل البلدان

 

[Reial Moftah]

الحمد لله على كل حال

 

[Hadeel M. Amer]

قعد اكبر احلامنا نروحو لحياشنا بسلام
الحمدلله ع كل حال

 

[Hayo Elmalti]

كلامك كله صح وانا خاطري في ان البلاد تكون وحده من دول العالم المتقدم
لكن أمنية مانموت قبل نشوف قطار في ليبيا من حدها لجدها زي ما يقولو